Víkingar skora snemma og það var ekki mikið í gangi endilega í leiknum eða allt fram að lokamínútum þegar Vestri jafnar leikinn.

Jöfnunarmark Vestra. Virtist klárlega brotið á Sveini Gísla í aðdraganda jöfnunarmarksins og við það trompast Arnar Gunnlaugsson og fær að líta rauða spjaldið.

Víkingar eru áfram á toppi deildarinnar með stigi meira eftir daginn í dag. Vestri hinsvegar lyftir sér upp fyrir HK á markatölu úr fallsæti.

Erfitt að henda einhverjum leikmanni undir rútuna hérna. Skila því auðu.

Það eru þó nokkur atriði í dag sem voru heldur vafasöm. Víkingar áttu tilkall til vítaspyrnu og svo er spurning hvaða litur á spjaldinu hefði verið ef dæmt hefði verið á það þegar Eiður Aron virðist brjóta á Valdimar Þór í þann mund sem Víkingar ætla að þræða hann í gegn.