Góða skapið kemur manni langt Fjölnir er á toppnum í deildinni en ef við værum með sér deild þegar kemur að fjölmiðlaaðstöðu í Lengjudeildinni þá væri Fjölnir þar í neðsta sætinu. En hér er reynt að gera gott úr þessu, góða skapið kemur mönnum langt og sem betur fer þá er ekki rigning í kortunum því mín aðstaða er undir berum himni.

Móttökurnar eru hinsvegar fyrsta flokks og mér við hlið er drykkur sem hæfir vel fyrir seinni hluta föstudags. Vallarþulurinn er að kynna leikmenn og grilllyktin er í loftinu. Þetta verður vonandi mikil skemmtun.

Kristmundur Axel, Siggi Hall og Daníel Geir Moritz mættir Já allir sem skipta máli verða hér á Tyggjóinu í kvöld. Rauði dregillinn tekur á móti fólki við sundlaugina. Það er eðalveður og flottar aðstæður fyrir fótboltaleik. Hafliði Breiðfjörð er mættur með myndavélina og ekki ólíklegt að við fáum sérstaka myndaveislu með öllu fína og fræga fólkinu. Liðin eru í upphitun.

Bjarki inn í byrjunarlið ÍBV Ein breyting á byrjunarliði ÍBV frá dramatíska 2-1 sigrinum gegn Njarðvík í Þjóðhátíðarleiknum. Bjarki Björn Gunnarsson kemur inn fyrir Sigurð Arnar sem er í leikbanni.

Ef þið voruð ekki búin að sjá ótrúlegt sigurmark Olivers í þeim leik þá má nálgast það hér:

   09.08.2024 16:21

„Þetta er eitt skrítnasta mark sem ég hef séð“

Ein breyting á Fjölnisliðinu frá markalausa jafnteflinu gegn Þrótti Kristófer Dagur Arnarsson fer út og inn í byrjunarliðið kemur Óliver Dagur Thorlacius.

Leikurinn gegn Þrótti komst helst í fréttirnar fyrir það að dómari leiksins varaði unga miðverði Fjölnis við því að þeir myndu fá rautt ef þeir væru að klípa andstæðinga sína.

   08.08.2024 11:00

Þóroddur segir Gunnar Odd ekki hafa farið eftir vinnureglum

Ívar Örn fyrirliði KA spáir markaleik: Fjölnir 2 - 2 ÍBV
Níu stiga leikur. Er Fjölnir að fara hlaupa með þetta eða nær ÍBV að narta í hælana á þeim og setja alvöru pressu undir lokin? Svakaleg jafnteflislykt af þessum leik sem verður þó markaleikur. 2-2 sem Fjölnir verða töluvert sáttari við en ÍBV.

   08.08.2024 13:55

Ívar Örn spáir í 16. umferð Lengjudeildarinnar

Eftirvænting í Grafarvoginum

Næsti leikur hjá strákunum í Lengjudeildinni er á föstudaginn ????
?? Fjölnir - ÍBV
? Föstudaginn 9. ágúst kl. 18:00
???? Extra völlurinn
???? Sjoppan verður á sínum stað! Pizzur, borgarar og kaldar veigar í boði ????
???? https://t.co/zZXUDeRD82 pic.twitter.com/z6lS3AH0a0

— Fjölnir FC (@Fjolnir_FC) August 7, 2024

Liðin gerðu 2-2 jafntefli í Eyjum í sumar ÍBV og Fjölnir gerðu 2-2 jafntefli þegar þau mættust á Hásteinsvelli þann 1. júní.

Leikurinn var hin mesta skemmtun frá byrjun til enda. Máni Austmann Hilmarsson kom Fjölni yfir á 9. mínútu en Oliver Heiðarsson svaraði fyrir Eyjamenn aðeins fjórum mínútum síðar.

Fjörið hélt áfram þremur mínútum eftir mark Eyjamanna en þá skoraði Guðjón Ernir Hrafnkelsson. Fjölnismenn fengu hornspyrnu, en töpuðu boltanum og keyrðu Eyjamenn hratt upp. Guðjón lék á varnarmann áður en hann skoraði annað mark ÍBV í leiknum.

Eyjamenn voru með algera yfirburði stærstan hluta fyrri hálfleiks og eiginlega ótrúlegt að liðið hafi ekki farið með veglegri forystu inn í hálfleikinn. Þegar aðeins fimmtán mínútur voru eftir jafnaði Axel Freyr Harðarson 2-2.

Eyjamenn svekktir eftir mikla yfirburði en Fjölnismenn hæstánægðir með stigið.

Í leikbanni
Sigurður Arnar Magnússon varnarmaður ÍBV tekur út bann í kvöld. Sigurvin Reynisson leikmaður Fjölnis tekur einnig út bann.

Tvö jafntefli í röð hjá Fjölni
Fjölnismenn hafa gert tvö jafntefli í röð, markalaust gegn Þrótti í síðustu umferð og 1-1 gegn Dalvík/Reyni þar á undan.

Eyjamenn unnu dramatískan sigur í síðustu umferð
Þrír sigrar í röð hjá ÍBV. Liðið vann dramatískan sigur gegn Njarðvík á þjóðhátíð þar sem Oliver Heiðarsson skoraði skrautlegt sigurmark í uppbótartíma. Oliver er markahæstur í Lengjudeildinni ásamt Mána Austmann.

KSÍ fer í efstu skúffu
Dómari: Pétur Guðmundsson
Aðstoðardómarar: Sveinn Ingi Sigurjónsson Waage og Nour Natan Ninir
Eftirlitsmaður: Halldór Breiðfjörð Jóhannsson

Tvö efstu liðin mætast! Rosalegur Lengjudeildarslagur framundan á Tyggjóinu, topplið Fjölnis tekur á móti ÍBV sem er í öðru sæti hér á Extra vellinum. Fjölnir er í efsta sæti með 32 stig, fjórum stigum á undan ÍBV sem er í öðru sæti. Eyjamenn fara að anda í hálsmál Grafarvogsbúa með sigri í kvöld!


Úlfur Arnar Jökulsson - Þjálfari Fjölnis


Hermann Hreiðarsson - Þjálfari ÍBV