Guðný spáir heimasigri Guðný Geirsdóttir, markvörður ÍBV, tók að sér það verkefni að spá í leikina sem eru í 16. umferð en sú umferð fer af stað núna í kvöld.

Tindastóll 3 - 2 Þróttur R.
Það er alltaf erfitt að fara á Sauðárkrók. Stólarnir eru sterkar á heimavelli og ég held að þetta verði hörkuleikur sem endi 3-2 heimakonum í hag.

Staðan í deildinni Fyrir leikinn er Tindastóll í 8. sæti deildarinnar sem telur tíu lið. Þær eru með 12 stig, þremur stigum meira en Fylkir og Keflavík sem eru í fallsætiunum.

Þróttur hefur unnið tvo af síðustu þremur leikjum og gert eitt jafntefli og eru að stíga upp töfluna. Þær eru með 17 stig úr leikjunum 15 sem eru búnir til þessa.

Með leik dagsins eru þrjár umferðir eftir áður en deildinni verður skipt upp í tvennt, sex efstu og fjögur neðstu. Það er því mikið keppikefli að ná að sigla meira upp töfluna fyrir Þróttar og ná efri hlutanum.

1. Valur - 42 stig
2. Breiðablik - 39
3. Þór/KA - 28
4. Víkingur - 23
5. FH - 19
6. Stjarnan - 19
7. Þróttur - 17
8. Tindastóll - 12
9. Fylkir - 9
10. Keflavík - 9

Fyrri leikur liðanna í sumar Liðin mættust í fyrri umferðinni á Avis vellinum í Laugardalnum 8. júní síðstliðinn fyrir framan 120 áhorfendur.

Þá vann Þróttur 4 - 2 sigur en eftir að Tindastóll hafði komist yfir sneru þær dæminu við og komust í 3-1 og unnu að lokum 4-2.

Þróttur R. 4 - 2 Tindastóll
0-1 Jordyn Rhodes ('10 )
1-1 Freyja Karín Þorvarðardóttir ('36 )
2-1 Kristrún Rut Antonsdóttir ('40 )
3-1 Kristrún Rut Antonsdóttir ('47 )
3-2 Birgitta Rún Finnbogadóttir ('74 )
4-2 Kristrún Rut Antonsdóttir ('76 )

Dómarateymið Bríet Bragadóttir dæmir leikinn í dag. Hún tekur með sér þau Óliver Thanh Tung Vú og Sigurð Þór Sveinsson sem aðstoða hana á línunum. Þá er Sigurbaldur P. Frímannsson skiltadómari.

Leikdagur á Sauðárkróki Góðan daginn og verið velkomin í beina textalýsingu frá Sauðárkróksvelli.

Hér mætast Tindastóll og Þróttur í Bestu-deild kvenna, leikurinn hefst klukkan 18:00.