FH-ingar voru bara ekki með í dag fannst mér. KR-ingar náður marki rétt fyrir hálfleikinn sem gerði gæfumuninn en það er ekkert smá mikilvægt að skora á þessum tíma í svona jöfnum leik.

Verður það ekki bara að vera sigurmarkið? Stærsta atvikið í leiknum og veldur því að KR vinnur sinn fyrsta leik síðan 20. maí.

Mikill léttir fyrir KR að hafa unnið hér í kvöld. Þeirra fyrsti sigur síðan 20. maí sem kom einmitt gegn FH þannig eitthvað geta þeir gegn Fimleikafélaginu. Einnig fyrsta sinn á tímabilinu sem þeir halda hreinu. Óskar Hrafn effect? FH-ingar detta hins vegar niður í 5. sætið þar sem ÍA vann í kvöld.

Það voru svo margir í þessu FH-liði sem gátu ekki neitt í dag. Á erfitt með að benda á einhvern einn. Björn Daníel, Kjartan Kári, Arnór Borg, Dusan og fleiri voru bara ekki með í dag fannst mér. Þá sást Benoný Breki ekki í dag og var skuggin af sjálfum sér.

Ekkert út á Ívar að setja. Bara flottur dagur í dag hjá teyminu sem dæmdi þennan leik svona ágætlega.