Dómaratróið Vilhjálmur Alvar er dómari kvöldsins
Gylfi Már Sigurðsson er AD1

Birkir Sigurðarson er AD2

Ein breyting hjá heimamönnum en engin hjá Blikum Valsmenn gera eina breytingu á liði sínu frá sigrinum á HK. Sigurður Egill Lárusson er í banni í kvöld og Hörður Ingi kemur inn í hans stað. Blikar hinsvegar breyta liðinu sínu ekki neitt eftir jafnteflið gegn Stjörnunni.

Steinke gerir eins og Herra Hnetusmjör og er með vangaveltur varðandi uppstillingu liðanna í kvöld.

Blikar
Fótbolti.net spáir því að Halldór Árnason geri eina breytingu á byrjunarliði sínu. Andri Rafn Yeoman virkaði í smá brasi í hægri bakverðinum gegn Stjörnunni og spáum við því að Höskuldur færist í bakvörðinn og Arnór Gauti Jónsson komi inn á miðsvæðið og verði þar djúpur.

Kristófer Ingi Kristinsson er líka að banka á dyrnar og spurning hvort hann fái kallið í kvöld. Aron Bjarnason hlýtur að þurfa sýna meira til að réttlæta að hann sé alltaf í liðinu

Valur
Sigurður Egill Lárusson tekur út leikbann í leiknum og Fótbolti.net spáir því að Hörður Ingi Gunnarsson komi inn í liðið í hans stað.

Aron Jóhannsson kom inn á í síðasta leik og styttist væntanlega í að hann komi inn í liðið, en við spáum því að það gerist ekki í kvöld. Þá keypti Valur Albin Skoglund frá Utsikten í Svíþjóð. Hann gerir einnig tilkall á byrjunarliðssæti. Frederik Schram snýr til baka úr leikbanni en við spáum því að Ögmundur haldi sæti sínu í markinu. Svo er spurning hvort að Hólmar Örn Eyjólfsson fari ekki að snúa til baka eftir meiðsli

Síðustu fimm Gengi heimamanna í síðustu fimm leikjum hefur verið vonbrigði en þeir hristu það þó aðeins af sér í síðasta leik er þeir unnu HK 5 - 1. Annars eru það þrjú töp og tveir sigrar í síðustu deildarleikjum en eins og allir vita eru þeir líka dottnir út í Evrópu.

Blikar gerðu 2 - 2 jafntefli við Stjörnuna í síðasta leik en þeir eru með eitt tap, tvo sigra og tvö jafntefli í síðustu fimm leikjum.

Blikar Ég held ég fari með rétt mál þegar ég segi að einu breytingarnar hjá Blikum síðustu daga og vikur hafi verið að þeir lánuðu nágrönnum sínum í HK, Dag Fjeldsted. Annars er ekkert að frétta af liðsbreytingum hjá þeim.

Síðustu dagar hjá Valsmönnum Það hefur gengið mikið á hjá Valsmönnum síðustu vikur. Arnari Grétarsyni var sagt upp störfum 1. ágúst síðastliðinn og Srdjan Tufegdzic, kallaður Túfa var ráðinn til þriggja ára.
Guðmundur Andri Tryggvason gekk svo til liðs við KR frá Val fyrir viku síðan.

Valsmenn reyndu svo að fá Gísla Gottskálk frá Víkingum fyrir lok félagaskiptagluggans en því tilboði var hafnað.
En þeir fengu liðsauka frá Svíþjóð þegar hinn Albin Skoglund sem er sóknarmaður gekk til liðs við þá. Orðrómur er um að Valsmenn hafi keypt hann fyrir 7. milljónir króna.

Skiptir miklu máli Það er ljóst að þessi leikur skiptir bæði lið miklu máli. Það er að segja, sigur í kvöld myndi gera mikið fyrir bæði lið í toppbaráttunni við Víkinga. Tap fyrir Valsmenn myndi þýða að þeir væru enn 9. stigum á eftir Víkingum en sigur myndi þá þýða 6. stig á eftir þeim.

Breiðablik er 6 stigum á eftir Víkingum fyrir leikinn í kvöld og geta minnkað forskot þeirra niður í þrjú stig.

Jafntefli myndi gera lítið fyrir liðin og því vonandi verður boðið upp á sóknarbolta.

Stórleikurinn í 18. umferð! Velkomin kæru lesendur í beina textalýsingu frá N1 vellinum þar sem stórleikur 18. umferðar og lokaleikur þeirrar umferðar fer fram. Heimamenn í Val fá gestina úr Kópavogi, Breiðablik í heimsókn. Leikurinn hefst kl. 19:15 og ætla ég að fylgja ykkur alla leiðina að leikslokum.