SKÝRSLAN: Halldór Árna er að járna
Hvað réði úrslitum?
Gríðarlega mikilvægar vörslur Antons Ara í fyrri hálfleik sem og í seinni hálfleik gerði það að verkum að Valsmenn komust ekki yfir í leiknum eins og hefði kannski verið sanngjörn staða í hálfleik.
Annars er þetta einn skemmtilegasti fótboltaleikur sem undirritaður hefur séð í sumar. Hraður og skemmtilegur og hefði í raun getað endað á hvaða veg sem var. En eins og Túfa sagði við mig í viðtali eftir leik að þá vantaði eitthvað killer aspect í leik Valsmanna til að klára færin.
Bestu leikmenn
1. Anton Ari Einarsson
Frábær í dag og hélt sínum mönnum á floti.
2. Höskuldur Gunnlaugsson
Hvað er hægt að segja um Höskuld sem ekki hefur verið sagt. Yfirburðagóður fótboltamaður sem er út um allt á vellinum og fórnar sér í allt saman. Damir og Ísak fá líka shoutout sem og Davíð Ingvars.
Atvikið
61. mínúta. Davíð Ingvars er klipptur niður inn í teig Valsmanna af Jakobi Franz. Blikar þá 0 -1 yfir. Óskiljanlegt að ekkert hafi verið dæmt.
Hvað þýða úrslitin?
Blikar minnka forystu Víkinga í 3 stig og baráttan um titilinn er gaaaaal opin. Valsmenn hinsvegar eru enn 9. stigum frá Víkingum og verður að segjast að það er ólíklegt að þeir eigi séns á titilinum þótt Túfa trúi öðru.
Vondur dagur
Mér fannst fyrir utan örfáar rispur ekkert koma út úr Gylfa Sig. Jónatan Ingi var einnig ekki góður.
Dómarinn - 5
Að sleppa þessum vítaspyrnudómi var galin ákvörðun hjá Vilhjálmi Alvari