Skemmtilegur leikur að baki. Skýrlsa og viðtöl væntanleg.

uppbótartímin hálfnaður. Stefnir allt í 2-2 jafntefli. Fáum við sigurmark í þetta?!

Þór/KA fær horn. Ekkert verður úr því.

leikurinn stöðvaður en Viktoría liggur eftir og þarfnast aðhlynningar. Vonandi ekkert alvarlegt.

Tíu mínítur eftir hér í Árbænum! Fylkiskonur verið að ógna síðastliðnar mínútur. Fáum við sigurmark öðru hvoru megin?!

Stórhættuleg sending inn á teig gestanna frá Mist. Helga Guðrún rétt svo missir af honum og boltinn afturfyrir endamörk.

Þór/KA fær horn. Gestirnir ná skoti en boltinn af varnarmanni og fá annað horn. Fylkir hreinsar.

Kemur fyrirgjöf inn á teig Fylkis. Sandra nær til boltanns en skallar hann framhjá.

Leikurinn hafinn á ný og virðist sem svo að Helga geti haldið leik áfram.

Helga Guðrún sest niður í grasið og þarfnast aðhlynningar. Vonandi ekkert alvarlegt.

Hættuleg sending frá Mist inn á teig gestanna. Þarna vantaði einhvern til að ráðast á boltann.

Karen María með skot fyrir utan teig. Hittir hann vel og boltinn smellur í sláni!

Helga Guðrún með fast skot beint á Shelby sem ver.

Þór/KA byrjar með boltann.

Skemmtilegum fyrri hálfeik lokið hér í Árbænum. Heill hellingur af færum og mörkum. Gestirnir komust yfir eftir 9 mínútna leik en það eru Fylkiskonur sem leiða er liðin ganga til búnigsherbergja. Tökum korterspásu og komum svo með seinni hálfleikinn!

Gestirnir fá horn. Hætta! Gott horn inn á teiginn. Sandra nær til boltanns og skallar hann rétt framhjá.

Karen á fast skot á mark. Boltinn hins vegar beint á Tinnu sem grípur hann örrugglega.

Góð sókn hjá Fylki. Abigail fær boltann rétt fyrir utan teig. Hún á gott skot sem fer af varnarmanni og afturfyrir. Fylkir fær horn. Ekkert verður úr horninu.

Karen María með skot innan úr teig sem fer rétt framhjá.

Þór/KA að fá aukaspyrnu á hættulegum stað. Kjörið tækifæri til að koma boltanum inn á teiginn. Heimakonur hreinsa í horn. Fínt horn inn á teiginn. Hulda Björg nær til boltanns en skot hennar yfir markið.

Þór/KA að sækja. Boltinn berst á Huldu Ósk sem á skot yfir markið.

Kemur góð sending inn fyrir vörn Fylkis. Tinna rýkur út úr marki sínu en Sandra María er á undan henni í boltann og kemst framhjá henni. Varnarmenn Fylkis gera hins vegar vel og ná að stöðva sóknina.

Fyrsta horn leiksins er gestanna. Fínt horn sem ratar á kollinn á Söndru. Hún skallar hann yfir.

Góð sókn hjá Fylki! Viktoría á gott hlaup upp hægri katninn og gefur boltann fyrir. Boltinn berst á fjær, þar er Kolfinna sem á gott skot á mark. Hittir hann vel en Shelby ver vel í markinu.

Heimakonur rúlla þessu í gang.

Leikmenn ganga nú inn á völlinn. Styttist óðfluga í upphafsflautið!

Fínustu aðstæður hér í dag. 10°C, gola og sólskin. Fáum vonandi fjörugan leik!

Þórður Þorsteinn Þórðarson er dómari hér í kvöld og eru það þeir Rögnvaldur Þ Höskuldsson og Guðni Freyr Ingvason sem verða honum til aðstoðar. Varadómari er Bríet Bragadóttir og Eftirlitsmaður KSÍ er Kristján Halldórsson

Liðin mættust fyrr í sumar og voru það Þór/KA sem höfðu betur. Leikurinn endaði 3-1. Mörk Þór/KA skoruðu Hildur Anna Birgisdóttir, Hulda Björg Hannesdóttir og Lara Ivanusa. Mark Fylkis skoraði Guðrún Karítas Sigurðardóttir. Fáum vonandi skemmtilegan leik hér í dag! Mörkin úr fyrri leik liðanna!

Þór/KA er í 3. sæti deildarinnar með 29 stig fyrir leikinn í dag. Þór/KA er níu stigum fyrir ofan liðið í 7. sæti og er því örruggt í efri hluta deildarinnar. Þór/KA mætti Stjörnunni á Akureyri í síðustu umferð en þar skildu liðin jöfn. Leikar enduðu 2-2 en mörk Þórs/KA skoruðu þær Margrét Árnadóttir og Sandra María Jessen. Sandra María er langmarkahæst í deildinni og er komin með 18 mörk í sumar!

Fylkiskonur eru fyrir leikinn í næst-neðsta sæti deildarinnar með 9 stig. Fylkir getur ekki komið sér upp í efri hlutann, sama hvernig leikar enda hér í dag og munu því enda í neðri hluta deildarinnar. Fylkir mætti Val á Hlíðarenda í síðustu umferð. Mörkin létu ekki sjá sig fyrr en seint í leiknum en á 81. mínútu komust Valskonur yfir. Þær innsigluðu svo sigurinn með öðru marki tíu mínútum seinna. Leikurinn endaði því 2-0 fyrir Val. Fylkir hefur ekki náð að sækja stig í síðustu fjórum leikjum og verður áhugavert að sjá hvað gerist gegn Þór/KA hér í dag!

Í dag er síðasta umferð í Bestu deild kvenna áður en deildinni er skipt upp í efri og neðri hluta. Allir fimm leikirnir verða spilaðir núna klukkan tvö. Þetta verður stuð! 1. Valur 46 stig 2. Breiðablik 45 stig 3. Þór/KA 29 stig 4. Víkingur R. 29 stig 5. FH 25 stig 6. Stjarnan 21 stig --------------------------- 7. Þróttur R. 20 stig 8. Tindastóll 12 stig 9. Fylkir 9 stig 10. Keflavík 9 stig

Góðan dag og verið hjartanlega velkomin í þráðbeina textalýsingu á viðureign Fylki og Þór/KA í Bestu deild kvenna! Leikurinn fer fram á Wurth-vellinum og hefst kl. 14:00!