Litla dramatíkin hér á Skipaskaga í dag.

Blikar eru mættir á toppinn í Bestu deildinni eftir svakalegar lokamínútur!

Ísak Snær fer niður í baráttunni á vítateigslínunni.

Var það Hlynur Sævar sem braut sá það ekki alveg nógu vel.

Dramatík

Uppbótartími er að lágmarki 5 mínútur.

Blikar vinna hornspyrnu.

Höskuldur með fyrirgjöf frá hægri sem smellur í slánni.

Ísak var viss um að þessi væri á leið inn og byrjað að fagna.

Árni hálf missir af boltanum í úthlaupi en nær þó snertingu á hann. Ísak fer utan í hann í kjölfarið og Árni liggur eftir.

Erlendur dæmir brot.

Vardic danglar aðeins í Viktor Örn eftir baráttu þeirra um boltann. Viktor hafði rosalega lítinn húmor fyrir því og kvartar aðeins við fjórða dómara.

Það er eitthvað undir hjá mönnum hér það er nokkuð ljóst.

Fær boltann í sinni uppáhaldsstöðu rétt fyrir utan teiginn. Í fínu plássi og á hörkuskot en boltinn rétt yfir markið.

Skagmenn verið mjög þettir til baka eftir markið. Ágætisstöður sem gestirnir hafa fengið nokkrum sinnum en komast ekki í gegnum þessa síðustu hindrun sem er varnarlína ÍA.

Blikar vinna hornspyrnu.

Ísak með máttlaust skot á lofti sem Árni á ekki í teljandi vandræðum með.

Ísak Snær eins og jarðýta í gegnum vörn ÍA en nær ekki að koma boltanum á markið. Reynir sendingu í staðinn en enginn samherji mættur í teiginn.

Marko Vardic með truflaða fyrirgjöf frá hægri á nærstöngina. Sýnist það vera Hinrik sem er mættur og virðist vera að skalla boltann í vinkilinn nær en Anton Ari nær að lyfta hendi og slá boltann frá.

Vall með aukaspyrnu inn á teiginn beint á pönnuna á Hinrik. Varnarmaður fyrir skalla hans en frákastið fellur fyrir fætur Hinriks sem á hörkuskot framhjá markinu.

Boltinn skoppar manna á milli í teignum eftir hornið. Berst á Obbekjær sem klárar virkilega vel í netið en því miður fyrir innan.

Gestirnir vinna hornspyrnu. Hlynur Sævar kennir sér meins og sest á völlinn en rís sjálfur á fætur á ný án aðhlynninagar.

Jón Gísli með skot af varnarmanni og vinnur hornspyrnu fyrir heimamenn.

Arnór Gauti í fínasta skotfæri eftir sókn Blika. Fær tima til að leggja boltann fyrir sig en setur hann yfir markið.

Heimamenn sparka okkur af stað á ný.

Viktor Karl með boltann fyrir markið frá hægri. Ísak Snær fer upp í hann og fær Árna Marinó með sér. Árni kýlir boltann frá en fylgir nokkuð á eftir og fer í höfuð Ísaks.

Erlendur veifar leik áfram.

Höskuldur með skot af 20 metrum eða svo. Svífur talsvert yfir markið.

Og aftur er Vall viðloðinn.

Fær boltann vinstra megin í teignum og reynir skotið. Setur boltann í utanvert hliðarnetið úr ágætu færi.

Haukur Andri vinnur boltann á miðjum vellinum og setur hann beint út til vinstri á Vall. Hann keyrir upp og á eina af sínum fyrirgjöfum beint á Viktor Jóns sem tekur skotið í fyrsta og hamrar boltann framhjá markinu.

Skyndisókn Skagamanna.

Hinrik böðlar boltanum inn á teiginn hægra megin og setur hann á hættusvæðið.

Þar mætir Vardic en nær ekki að stýra boltanum í netið.

Erlendur Eiríksson talsvert ofarlega í huga stuðningsmanna ÍA þessa stundina.

Ekki alveg sáttir við málarameistarann góðkunna.

Árni Marinó grípur í tómt eftir eitt hornið. Ísak Snær að mér sýnist nær að flikka boltanum sem fer í stöngina fjær áður en Viktor hreinsar boltann frá af marklínunni.

Blikar að fá horn eftir horn hér.

Kristófer Ingi með skot af varnarmanni og afturfyrir. Hornspyrna.

Obbekjær í ágætu færi á fjærsstöng en skalalr boltann yfir markið.

Aron Bjarnason með skot að marki. Árni heldur ekki boltanum en handsamar hann að lokum áður en að Ísak gerir sér mat úr frákastinu.

Blikar sækja hratt. Aron reynir að þræða boltann inn fyrir Kristófer en aðeins of fast og boltinn í fang Árna.

Heimamenn fá fyrsta horn leiksins.

Höskuldur fer af krafti í Hauk Andra og er dæmdur brotlegur.

Fær létt tiltal.

Leikurinn í járnum svo að segja. Lítið pláss fyrir liðin að athafna sig og hart tekist á.

Skagamenn búnir að nálgast mark Blika tvisvar og fengið dauðafæri í bæði skiptin.

Hinrik með boltann fyrir frá vinstri sem endar fyrir fótum Inga Þors sem nær skotinu en Anton nær að blaka hendi í boltann og slá hann frá.

Boltinn dettur fyrir Hinrik í teignum eftir fyrirgjöf frá hægri, Anton Ari mætir honum vel og lokar á skot hans.

Gestirnir sparka þessu af stað.

Hjá Skagamönnum fer Oliver Stefánsson úr byrjunarliðinu frá sigrinum á Víkingum. Inn í hans stað kemur Hlynur Sævar Jónsson.

Hjá Blikum fara þeir Damir Mumonvic, Kristinn Steindórsson úr byrjunarliði Blika frá sigrinum á Fram. Inn í þeirra stað koma Daniel Obbekjær og Viktor Karl Einarsson.

Oliver Heiðarsson, leikmaður ÍBV, spáir í 20. umferðina, en hann hefur verið að spila vel í Lengjudeildinni í sumar og er sem stendur markahæstur með 13 mörk.

Um leikinn á Akranesi sagði Oliver.

ÍA 1 - 0 Breiðablik

ÍA búnir að vera góðir í sumar og halda því áfram með 3 stigum á móti Blix. Hinrik Harðar setur eitt snemma í seinni úr skyndisókn og þeir ná að sigla sigrinum heim.

   24.08.2024 22:30

Oliver Heiðars spáir í 20. umferð Bestu deildarinnar

Erlendur Eiríksson er með flautuna á Elkem vellinum í dag. Honum til aðstoðar eru Eðvarð Eðvarðsson og Bergur Daði Ágústsson. Aðalbjörn Heiðar Þorsteinsson er fjórði dómari og eftirlitsmaður KSÍ er svo Frosti Viðar Gunnarsson.

28 sinnum hafa liðin mæst innbyrðis í efstu deild frá aldamótum.

Heimamenn í ÍA hafa þar borið sigur úr býtum alls tíu sinnum, fimm leikjum hefur lokið með jafntefli og Blikar hafa haft sigur alls þrettán sinnum.

Markatalan er 39-55 Blikum í hag.

Leikurinn í fyrri umferðinni.

Liðin gerðu 1-1 jafntefli á Kópavogsvelli þegar þau mættust á Jónsmessu þann 23.júní síðastliðinn.

Marko Vardic kom þar Skagamönnum yfir eftir tæplega klukkustundar leik. Höskuldur Gunnlaugsson kom svo Blikum einu sinni sem oftar til bjargar þegar hann jafnaði metin á 82.mínútu leiksins og þar við sat.

   23.06.2024 23:58

Bitlausir Blikar heppnir með stig

Spútniklið deildarinnar án nokkurs vafa. Eftir hræðilega byrjun liðsins í Lengjudeildinni í fyrra þar sem talað var um að verulega væri farið að hitna undir Jóni Þór Haussyni þjálfara ÍA hefur leiðin legið upp á við. Efasemdarraddir hafa þagnað og liðið svo sannarlega stigið stórt skref upp á við.

Stig í dag tryggir liði ÍA endanlega veru í efri hlutanum eftir skiptingu og gæti liðið með hagstæðum úrslitum í leik Vals og Vestra lyft sér upp í þriðja sæti deildarinnar.

Gestirnir úr Kópavogi tylla sér í toppsæti deildarinnar fái þeir stig hér á Akranesi í dag. Liðið hefur verið í virkilega góðum takti að undanförnu og nýtt sér hikst Víkinga í deildinni til þess að loka bilinu sem myndast hafði á milli liðanna.

Verkefnið í dag er þó af verðugri endanum eins og lesa má um hér fyrir ofan.

Heil og sæl kæru lesendur og verið hjartanlega velkomin í þessa beinu textalýsingu Fóbolta.net frá leik ÍA og Breiðabliks í 20.umferð Bestu deildar karla.

Flautað verður til leiks á Elkem vellinum á Akranesi klukkan 17:00