Liðin ganga til vallar! Fínustu aðstæður hérna í dag fyrir fótbolta. Smá vindur en ekki mikill. Grasið er rennislétt og blautt. Mjög fínt veður og gífurlega mikið undir.

Komin tónlist! Gleðifréttir en þegar það eru 9 mínútur ómar KR-lagið í tækjunum!

Nú má Krían byrja!

Mjög andlaust í Vesturbænum Mér leið smá eins ég væri að labba á 2. flokksleik, eða æfingaleik, þegar ég var að labba á völlinn hérna í Vesturbænum. Það er engin tónlist og allt mjög tómlegt. Það eru þó einhverjir inni að klára stórleikinn í enska boltanum en samt sem áður finn ég fyrir einhverju andleysi hérna.

Engin tónlist, sárafáir mætir til þessa og mjög lítil stemning.

Byrjunarliðstíðindi! Óskar Hrafn Þorvaldsson, þjálfari KR, gerir tvær breytingar á KR-liðinu frá leik tapinu gegn HK á dögunum. Þeir Ástbjörn Þórðarson og Birgir Steinn Styrmisson koma inn í liðið fyrir þá Jóhannes Kristinn Bjarnason og Theodór Elmar Bjarnason.

Þetta er fyrsti byrjunarliðsleikur Ástbjarnar fyrir KR í sumar. Theodór Elmar er á bekknum en Jóhannes ekki í hóp.

Skagamenn töpuðu 2-1 gegn Breiðablik í seinustu umferð en Jón Þór Hauksson, þjálfari ÍA, gerir einungis eina breytingu á Skagaliðinu frá þeim leik. Hlynur Sævar Jónsson tekur sér sæti á bekknum en hann Oliver Stefánsson kemur inn í liðið.

Jóhann spáir í spilin Jóhann Páll Ástvaldsson, íþróttafréttamaður á RÚV spáir í 21. umferð sem fer öll fram í dag.
KR 1-1 ÍA (Í dag klukkan 17)
KR er með betri árangur gegn efri helming töflunnar en þeim neðri. Óskar keyrir liðið í gang með því að sýna þeim tapes af KRÍU leikjum in the 90s. KR kemst yfir eftir að Ástbjörn tæklar hann inn (20 í tackling) en Viktor Jóns jafnar. Stemningsmaðurinn Guy Smit gefur ungum aðdáendum fimmu eftir leik, öllum að óvörum

Fyrri leikur liðanna - Seinasti leikur Gregg Ryder Fyrri leikur liðanna endaði með 2-1 sigi Skagamanna á Elkem vellinum Þar sem öll mörkin komu alveg undir lok leiks. Sá leikur reyndist vera seinasti naglinn í kistu Gregg Ryder sem var rekinn eftir leikinn.

Þriðja liðið Dómari leiksins er Helgi Mikael Jónasson en honum til halds og trausts verða þeir Ragnar Þór Bender og Eysteinn Hrafnkelsson. Gunnar Oddur Hafliðason er skiltadómari á meðan Hjalti Þór Halldórsson er eftirlitsmaður KSÍ.

Skagamenn óheppnir seinast Nýliðarnir af Skaganum hafa byrjað leiktíðina mjög vel og eru í harðri Evrópubaráttu í efri helming deildarinnar. Í seinasta leik ÍA töpuðu þeir 2-1 gegn Breiðablik eftir að hafa tekið forystuna en sigurmarkið hjá Blikum kom ekki fyrr en alveg undir lok leiks úr vítaspyrnu.

Viktor Jónsson er ekki bara markahæsti leikmaður ÍA í ár heldur er hann markahæsti leikmaður deildarinnar til þessa. Hann er búinn að skora 15 mörk og hefur verið gífurlega drjúgur fyrir Skagamenn. Hann og Hinrik Harðarson hafa myndað skemmtilegt dúó og þykir ekki ólíklegt að annar þeirra skori í dag.

Byrjar ekki vel fyrir Óskar KR hefur núna tapað tveimur leikjum í röð. Seinast gegn í leiknum fræga gegn HK. KR tapaði honum 3-2 eftir að hafa komist 2-0 yfir og spilað gífurlega vel í fyrri hálfleiknum. En eftir að hafa fengið mark á sig hrundi þetta eins og spilaborg hjá KR-ingum. Fyrir það töpuðu þeir 2-0 gegn Vestramönnum á Ísafirði. Þetta eru þeir leikir sem Óskar Hrafn hefur stýrt KR í eftir að hann tók við sem aðalþjálfari liðsins.

Þetta er gífurlega mikilvægur leikur KR fyrir framhaldið, þá sérstaklega þar sem Fylkir og Vestri mætast í dag á undan þessum leik.

KRÍA Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik KR og ÍA hér í Vesturbænum. Mjög áhugaverður KRÍU leikur þar sem KR er í harðri fallbaráttu en Skagamenn eru í efri helmingnum í Evrópubaráttu.