SKÝRSLAN: Fullkomin þrenna Benoný kláraði Skagamenn
Hvað réði úrslitum?
Líkt og gegn HK voru KR-ingar mikið betri í fyrri hálfleik og hefðu hæglega getað skorað fleiri mörk en þeir gerðu. Nema í dag náðu þeir að sigla þessu heim í seinni hálfleiknum þrátt fyrir smá klaufamistök hér og þar.
Bestu leikmenn
1. Benoný Breki Andrésson
Mjög auðvelt val. Skorar fullkomna þrennu. Skalli, hægri, vinstri. Það þarf ekkert meira frá mér til að vera valinn maður leiksins.
2. Axel Óskar Andrésson
Axel Óskar spilaði á miðjunni í dag og gerði það gífurlega vel. Ný staða en ekkert vesen. Frábær á miðsvæðinu og hjálpaði KR að landa þessum sigri.
Atvikið
Ég myndi segja fjórða mark KR sem kláraði leikinn. Slök sending hjá Hauki sem Finnur kemst fyrir og sendir Luke í gegn og hann skorar. Fyrir það voru Skagamenn búnir að liggja á KR-ingum.
Hvað þýða úrslitin?
KR eru núna fjórum stigum frá fallsæti og fá smá andrými á meðan Skagamenn eru áfram í 5. sætinu.
Vondur dagur
Haukur Andri var alls ekki góður í fyrri hálfleik. Þrátt fyrir að hafa fundið sig aðeins í seinni hálfleiknum átti hann sökina að fjórða markið KR líka. Oliver Stefáns var líka slakur í fyrri hálfleiknum sérstaklega en Haukur fær þetta frá mér.
Dómarinn - 6.5
Var ósammála mjög mörgu og fannst þetta skrítið oft á köflum. Annars bara fínasta frammistaða hjá teyminu.