Byrjunarliðin Víkingur gerir þrjár breytingar á sínu líði frá leiknum ytra gegn Santa Coloma en inn koma Danijel Dejan Djuric, Tarik Ibrahimagic og Aron Elís Þrándarson.

Valur gera þá tvær breytingar á sínu liði frá leiknum gegn Vestra. Aron Jóhannsson og Orri Sigurður Ómarsson koma inn.

Spámaður umferðarinnar Jóhann Páll Ástvaldsson, íþróttafréttamaður á RÚV spáir í 21. umferð sem fer öll fram í dag.

Víkingur R. 2-1 Valur
Víkingum er létt eftir að hafa klárað þetta skrímsli sem Santa Coloma vélin er. Eina sem ógnar þeim í þessum leik er að Gylfi Sig verður í Breiðablik úti gírnum. Þessir tveir leikir voru kyrfilega merktir á dagatalinu hans.

Boð og bönn Varnarmennirnir Jón Guðni Fjóluson og Gunnar Vatnhamar verða ekki með Víkingi í leiknum þar sem þeir taka báðir út leikbann vegna uppsafnaðra áminninga.





Þá er Arnar Gunnlaugsson þjálfari að fara að afplána annan leik sinn af þremur í leikbanni.



Hjá Val er líka stórt nafn í leikbanni; Kristinn Freyr Sigurðsson.

Víkingar tryggðu sig inn í sambandsdeildina Dregið var hvaða andstæðinga Víkingar munu mæta í Sambandsdeildinni í haust á föstudaginn.

Andstæðingar Víkings
LASK (úti)
Djurgården (heima)
Omonia (úti)
Cercle Brugge (heima)
Borac (heima)
Noah (úti)

Gylfi Þór Sigurðsson snýr aftur í landsliðið Gylfi Þór Sigurðsson er mættur aftur í íslenska landsliðshópinn. Hann er í hópnum sem hefur leik í Þjóðadeildinni gegn Svartfjallalandi heima og Tyrklandi ytra.

Víkingur R. Víkingar hafa verið virkilega öflugir í sumar og kórónuðu flott sumar með því að tryggja sig inn í deildarkeppni Sambandsdeildar Evrópu á dögunum ofan á það að vera í Bikarúrslitum og í baráttu um titilinn.

Gengið í deildinni hefur aðeins verið hikstandi yfir þessu evrópuævintýri en Víkingar hafa til að mynda ekki unnið síðustu tvo leiki en þeir gerðu jafntefli við Vestra og töpuðu gegn ÍA í síðustu tveim leikjum fram að þessum. Víkingar eru staðráðnir í því að koma tilbaka í kvöld með alvöru 'statement' sigur en þeir eru í hörku baráttu um efsta sætið við Breiðablik.

Víkingar hafa verið flottir fyrir framan markið í sumar og skorað 44 mörk. Þessi mörk hafa raðast niður á:

Helgi Guðjónsson - 8 mörk
Valdimar Þór Ingimundarson - 7 mörk
Danijel Dejan Djuric - 6 mörk
Nikolaj Hanesen - 5 mörk
Ari Sigurpálsson - 5 mörk
Aron Elís Þrándarson - 4 mörk
Erlingur Agnarsson - 3 mörk
*Aðrir minna

Valur Valur unnu Vestra í síðustu umferð með þremur mörkum gegn einu og ríghalda í vonina um að taka þátt í titilbaráttunni nú þegar það styttist í skiptingu á deildinni. Ef Valur sigrar hér í kvöld má segja að þeir stimpli sig að alvöru aftur inn í pakkan fyrir ofan sig en þá verða þeir aðeins fimm stigum á eftir Víkingum.

Valur hefur aðeins verið að missa flugið í síðustu umferðum en vonandi var sigurinn í síðustu umferð ákveðin vendipunktur fyrir strákana á Hlíðarenda.

Valsmenn hafa verið öflugir fyrir framan markið í sumar og skorað flest mörkin í deildinni til þessa eða 47 talsins.

Mörk Vals hafa skorað:

Patrick Pedersen - 13 mörk
Jónatan Ingi Jónsson - 11 mörk
Gylfi Þór Sigurðsson - 8 mörk
Tryggvi Hrafn Haraldsson - 7 mörk
*Aðrir minna

Dómarateymið Sigurður Hjörtur Þrastarson fær það verðuga verkefni að munda flautuna hér í kvöld og honum til aðstoðar verða Egill Guðvarður Guðlaugsson og Andri Vigfússon.
Twana Khalid Ahmed er varadómari og Frosti Viðar Gunnarsson er eftirlitsmaður KSÍ.

Heil og sæl! Verið hjartanlega velkomin í þessa þráðbeinu textalýsingu frá heimavelli hamingjunnar þar sem Víkingar og Valur mætast í 21.umferð Bestu deild karla.