SKÝRSLAN: Mörkunum rigndi á Selfossi
Hvað réði úrslitum?
Gæðamunur á liðunum augljós þegar að leið á leikinn. Gestirnir sáu ekki til sólar í seinni hálfleik (reyndar sá enginn til sólar í dag). En Selfyssingar með sól í sinni og kjöldrógu H/H í seinni hálfleik.
Bestu leikmenn
1. Gonzalo Zamorano
Þrenna, þarfnast ekki skýringa.
2. Ingvi Rafn Óskarsson
Stjórnaði umferðinni á miðjunni hvort sem var fram eða til baka.
Atvikið
MARK-RAUTT-MARK á fimm mínútna kafla undir lok fyrri hálfleiks. Rauða spjaldið og mark beint úr aukaspyrnunni gekk alveg frá leiknum.
Hvað þýða úrslitin?
Einfaldlega að Selfyssingar eru komnir aftur í Lengjudeildina eftir eitt ár í 2. deildinni og tryggðu sér einnig toppsæti deildarinnar.
Vondur dagur
Verður að fara á Genis Arrastraria Caballe sem stuggar algjörlega að óþörfu við Aroni Fannari og uppsker réttilega rautt spjald. Leikurinn er alveg búinn eftir það.
Dómarinn - 9
Þægilegur leikur að dæma og í raun var rauða spjaldið eina stóra ákvörðun leiksins og Guðmundur Páll náði henni 100%