???? Mætum á völlinn!

Sjáumst á Malbikstöðinni að Varmá á laugardaginn klukkan 14:00 pic.twitter.com/rryjSUVHzO

— Afturelding (@umfafturelding) September 12, 2024

Byrjunarliðin Magnús Már Einarsson þjálfari Aftureldingar gerir 3 breytingar á sínu liði sem tapaði 2-0 fyrir Fjölni í síðustu umferð. Það eru Jökull Andrésson, Bjarni Páll Linnet Runólfsson og Arnór Gauti Ragnarsson sem koma inn í liðið. Arnar Daði Jóhannesson sest á bekkinn en Sævar Atli Hugason og Georg Bjarnason eru í leikbanni.

ÍR-ingar halda sama liði og í síðustu umferð en þeir unnu 2-1 gegn Gróttu þá.

Dómarinn Sveinn Arnarsson verður með flautuna í þessum leik en honum til aðstoðar verða Sveinn Arnarsson og Nour Natan Ninir.

Eftirlitsmaður KSÍ er Hjalti Þór Halldórsson.

Spámaðurinn Viktor Jónsson, markahæsti leikmaður Lengjudeildarinnar í fyrra og í dag markahæsti leikmaður Bestu deildarinnar, spáir í spilin.

Afturelding 2 - 1 ÍR
Afturelding er að taka öfuga nálgun miðað við í fyrra, byrja tímabilið illa en enda sterkt. Sækja brösóttan sigur á moti ÍR og fara á endanum Vestra-leiðina og tryggja sér sæti í efstu deild að lokum. Hitti Elmar Cogic í Krónunni um daginn, sá var brattur. Við töluðum nákvæmlega um þetta og ég held það gangi eftir.

Spennan á toppnum er svakaleg Elvar Geir tók saman allt sem um er að vera í Lengjudeildinni í dag og hvað menn eru að spila fyrir.

Þjálfararnir svara spurningum Báðir þjálfarar liðsins þeir Magnús Már Einarsson og Árni Freyr Guðnason sátu fyrir spurningum í gær um leikinn. Hægt er að lessa þessi viðtöl hér.

Fyrri leikurinn Síðasti leikur þessara liða fór fram 4. júlí síðastliðinn í Breiðholtinu. ÍR vann þann leik 3-0 þar sem öll mörkin voru skoruð í seinni hálfleik. Markaskorarar í þessum leik voru Renato Punyed, Bragi Karl Bjarkason og Kristján Atli Marteinsson.

Hver fær umspils sæti Í dag er öll loka umferðin í Lengjudeildinni spiluð á sama tíma og það er nóg að spila fyrir. Afturelding og ÍR eru bæði í harðri baráttu um að ná umspils sæti sem eru sæti 2-5. Sviðsmyndirnar eru allskonar og hér ætla ég að fara yfir þær.

Afturelding vinnur
Ef Afturelding vinnur eru þeir öruggir í umspils sæti. ÍR þyrfti þá að treysta á að Njarðvík vinnur ekki Grindavík, þar sem Njarðvíkingar eru í 6. sæti 3 stigum frá ÍR.

Jafntefli
Með Jafntefli er Afturelding í hættu þar sem Njarðvík gæti náð þeim með sigri á móti Grindavík. Fyrir ÍR er jafntefli hinsvegar nóg til að vera öruggir.

ÍR vinnur
ÍR sigur tryggir Breiðhyltingum umspils sæti og þeir geta jafnvel jafnað topp liðið af stigum en þeir eru með svo mun verri markatölu þannig titillinn er ekki möguleiki. Afturelding myndi þurfa treysta á að Grindavík vinnur Njarðvík, þar sem Njarðvík myndi nægja jafntefli í þessari sviðsmynd.

Lengjudeildin heilsar Komið þið sæl og verið velkomin í beina textalýsingu frá leik Aftureldingar og ÍR í 22. umferð Lengjudeild karla.

Leikurinn hefst klukkan 14:00 og verður spilaður á Malbikstöðinni að Varmá.