Stutt í leik! Það eru aðeins 5 mínútur í leikinn og það er alvöru spenna í loftinu. Gengið var inn frístundarheimilið Tjörnin þar sem voru margir voru sestir niður á stóla og sófa til þess að fá sér mat og bjór til þess að horfa á Aston Villa gegn Ipswich á stóra skjánum áður en labbað væri út á völl. Það var góð stemning þarna inni og sést vel að þetta er mikilvægur leikur fyrir KRinga.

Spámaður Til þess að spá í umferðina fengum við Jóhann Skúla Jónsson sem heldur úti Svona var sumarið hlaðvarpinu og gerði upp ævintýri U21 landsliðsins sem fór í lokakeppni EM árið 2011 í nýjasta þættinum.

KR 1 - 1 Fram
Þetta er mjög erfitt fyrir mig. Ég og Óskar deildum einu sinni sameign. Rúnar Kristins er nýlega orðinn einn af mínum betri vinum. En á sama tíma þoli ég hvorugan klúbbinn tbh. Sterkt X fínt fyrir bæði lið. Verður sennilega einn af þeim leikjum sem verður leikur tveggja hálfleika.
Heiðursgestur: Gústi Gylfa mætir með geðveiku sólgleraugun sín skælbrosandi.

Byrjunarlið leiksins komin inn Óskar gerir aðeins eina breytingu eftir 2-2 jafntefli gegn Vestri í seinustu umferð.
Aron Sigurðarson kemur inn í byrjunarliðið fyrir Ástbirni Þórðarsyni.

Rúnar gerir þrjár breytingar eftir 2-0 sigur gegn Fylkir í seinustu umferð.
Brynjar Gauti, Freyr Sigurðsson og Sigfús Árni byrja inná fyrir Þorra Stefán, Guðmund Magnússon og Alex Frey sem eru allir í banni fyrir þennan leik vegna uppsafnaðra áminninga.

Aftur í tímavélina Mér finnst gaman að skoða gamalt efni og fann hápunkta milli Kr og Fram frá árinu 2008. KR sigraði báðar viðureignirnar 2-0.

KR 2-0 Fram 2. júni
Hápunktarnir frá leiknum hefjast 3:01


Fram 0-2 KR 17. ágúst
Hápunktarnir frá leiknum hefjast 4:50

Þrír Framarar í leikbanni
Þrír leikmenn Fram taka út bann í dag vegna uppsafnaðra áminninga. Þar á meðal er Alex Freyr Elísson sem hefur verið funheitur í síðustu leikjum. Auk Alex verða Framarar án Guðmundar Magnússonar og Þorra Stefáns Þorbjörnssonar.

Þrjár viðureignir árið 2010 Það er alltaf gaman að skoða í gegnum gamalt efni og með því að gramsa smá fann ég hápunkta frá þrem viðureignum KR og Fram árið 2010. Gaman að taka eftir því að Fram spilaði þetta tímabil á Laugardalsvelli, sem voru fréttir fyrir mig. Liðin spiluðu tvisvar í Pepsi deildinni og svo einu sinni í Mjólkurbikarnum

Fram 2-3 KR í Pepsi Deildinni 10. júni.

KR 4-0 Fram í Mjólkurbikarnum 29. júlí.

KR 2-1 Fram í Pepsi Deildinni 19. ágúst.

Fyrrum viðureignir Fram hefur unnið báðar fyrrum viðureignir í ár 1-0 gegn KR.

Dómarateymið Aðaldómari leiksins er Pétur Guðmundsson og með honum til aðstoðar eru Bryngeir Valdimarsson og Patrik Freyr Guðmundsson. Varadómari leiksins er Gunnar Freyr Róbertsson. Eftirlitsmaður leiksins frá KSÍ er Frosti Viðar Gunnarsson.

Þægileg staða Fram var ekki langt frá því að ná sæti í efri hluta Bestu deildinni. Rúnar hefur komið sér vel inn í sínu fyrstu tímabili hjá Fram og liggja þæginlega í efsta sæti neðri hluta, þar sem þau geta tölfræðilega séð ekki fallið. Forsetabikarinn er enn í boði og er stefnan með öllum líkindum að ná því.

Stórveldið í hættu Þetta hefur alls ekki verið tímabilið KRingar voru að dreyma um. Gregg Ryder tok við sem aðalþjálfari KR í byrjun tímabilsins, en vegna frammistöðu liðsins þá varð Ryder rekinn og tók Óskar Hrafn við honum. Nú þarf KR bara að vona til þess að eiga góðar frammistöður gegn neðri hluta liðin til að halda sér uppi.

Þrátt fyrir lélegt tímabil hjá KR í ár, hefur framherjin Benoný Breki átt frábært tímabil með 11 mörk í Bestu deildinni. Verður spennandi að sjá hvort þessi leikmaður verður ennþá í KR næsta tímabil eða fer eitthvert annað.

Risa þrjú stig í boði í neðri hlutanum! Góðan og blessaðan daginn gott fólk og verið hjartanlega velkomin í þessa þráð beinu textalýsingu frá Meistaravelli. KR býður í heimsókn Fram og verður þetta með öllum líkindum spennandi og atburðaríkan leik!


Leikir dagsins:

Besta-deild karla - Efri hluti
14:00 FH-Breiðablik (Kaplakrikavöllur)
19:15 Valur-Víkingur R. (N1-völlurinn Hlíðarenda)

Besta-deild karla - Neðri hluti
14:00 KR-Fram (Meistaravellir)
14:00 Vestri-HK (Kerecisvöllurinn)
17:00 Fylkir-KA (Würth völlurinn)