Heimamenn betri í fyrri hálfleik. Leiknismenn með mikla yfirburði í seinni hálfleik en þeim gekk erfiðlega að skapa sér opin marktækifæri.

????Keflavík 1 - 0 Leiknir
Markið úr sigri Keflavíkur í 32-liða úrslitum bikarkeppni karla í fótbolta pic.twitter.com/FeshPG4ukT

— RÚV Íþróttir (@ruvithrottir) April 17, 2025

Komið að uppbótartímanum. Keflavík nálægt því að tryggja sér farseðilinn í 16-liða úrslitin.

Leiknir fékk aukaspyrnu á stórhættulegum stað. Shkelzen Veseli með hræðilega spyrnu hátt yfir. Hefði getað hæft flugvél.

Skyndisókn hjá Keflavík og Kári Sigfússon á skot sem Bjarki nær að verja.

"Við erum búnir að vera í köðlunum í seinni hálfleik," segja stuðningsmenn Keflavíkur sem eru hér rétt fyrir utan blaðamannaskúrinn.

Róbert Quental með stórhættulegt skot rétt yfir.

Leiknir heldur áfram að einoka boltann, þrátt fyrir yfirburðina í seinni hálfleik vantar meira bit í liðið. Frans svo nálægt því að bæta við fyrir Keflavík rétt á eftir úr sjaldséðri Keflavíkursókn í seinni hálfleik.

Leiknir er með öll völd á vellinum þess stundina en gengur erfiðlega að skapa sér opin marktækifæri.

Leiknismenn að eiga nokkuð góðan kafla og eru orðnir líklegri.

Arnór Daði Aðalsteinsson meiðist og þarf aðhlynningu. Leiknismenn þurfa að gera skiptingu.

Hættuleg sókn Leiknis. Róbert Quental hirðir boltann af Marin Brigic og Leiknir kemst í lofandi sókn. Róbert sendir á Þorstein Emil sem nær þó ekki stjórn á boltanum.

Óli Hrannar þjálfari Leiknis gerði þrefalda skiptingu í hálfleik.

Kári Sigfússon kemst einn gegn Bjarka markverði, Bjarki kemur út á móti og Kári fellur. Keflvíkingar kalla eftir víti en Vilhjálmur Alvar vel staðsettur og metur að Bjarki hafi farið í boltann.

Kári Sigfússon með skot sem fer beint í fangið á Bjarka markverði Leiknis.

Gabríel Aron skallar framhjá eftir horn.

Ekki hægt að segja að það sé múgur og margmenni á þessum leik.

Sindri Kristinn ver skot frá Kára Steini með miklum tilþrifum.

Gabríel kemst í fínt færi en setur boltann naumlega framhjá.

Bjarki ver núna frá Muhamed Alghoul.

Kári Sigfússon með skot fyrir utan teig en beint á Bjarka Arnaldarson í marki Leiknis.

Jæja þá ná Leiknismenn loksins að skapa smá usla. Nacho Heras, fyrrum leikmaður Leiknis, nær að komast í boltann áður en Davíð Júlían gerir það og hreinsar frá.

Áfram heldur Keflavík að sækja. Leiknir varla náð að komast nálægt marki heimamanna.

Keflvíkingar mun meira með boltann hér í upphafi. Muhamed Alghoul með skot yfir markið.

Það er hreinlega rok, eitthvað sem kemur ekki á óvart á þessum velli. Rokið er þvert á völlinn.

Leiknismenn í hvítum varatreyjum í dag.

Sem betur fer er Rúnar Vífill vallarstjóri búinn að hella upp á sjóðandi kaffi því hér á vellinum er nístingskaldur vindurinn að láta finna fyrir sér. Haraldur Freyr þjálfari Keflavíkur leitaði skjóls í fréttamannaskúrnum og fékk sér einn bolla á meðan hans menn eru á fullu í upphitun.

Í byrjunarliði Leiknis eru tveir leikmenn sem gengu í raðir félagsins yrir þetta tímabil. Það eru varnarmaðurinn Jón Arnar Sigurðsson sem kom á láni frá KR og svo Dagur Ingi Hammer Gunnarsson sem þekkir vel til á þessum slóðum en hann hefur verið iðinn við kolann á undirbúningstímabilinu.

Markverðirnir eru mættir út að hita. Í rammanum hjá Keflavík er Sindri Kristinn Ólafsson, mættur aftur í Keflavíkurtreyjuna. Ásgeir Orri sem varði mark Keflavíkur í fyrra með mikilli prýði varð fyrir því óláni að slíta krossband og spilar ekki í sumar.

   23.03.2025 11:38

Var í viðræðum við óvænt félag er Keflavík hafði samband - „Á alltaf að treysta innri tilfinningu"

Liðin voru saman í Lengjubikarnum og mættust í Reykjaneshöllinni, örfáum metrum frá, þann 7. mars síðastliðinn og þá var sannkallað þrumustuð. Keflavík vann 5-4 sigur í stórskemmtilegum og furðulegum fótboltaleik. Keflavík 5-4 Leiknir 1-0 Stefan Alexander Ljubicic ('5 ) 1-1 Daði Bærings Halldórsson ('10 ) 2-1 Stefan Alexander Ljubicic ('20 ) 3-1 Stefan Alexander Ljubicic ('30 ) 4-1 Eiður Orri Ragnarsson ('45 ) 5-1 Muhamed Alghoul ('46 ) 5-2 Sindri Snær Magnússon ('49 , Sjálfsmark) 5-3 Andi Hoti ('56 ) 5-4 Kári Steinn Hlífarsson ('90 ) Rautt spjald: Bjarki Arnaldarson , Leiknir R. ('83)

Aðstoðardómarar: Daníel Ingi Þórisson og Milan Djurovic. Eftirlitsmaður KSÍ: Þórður Ingi Guðjónsson.

Haraldur Freyr Guðmundsson stýrir Keflvíkingum, en liðið fór í umspil Lengjudeildarinnar í fyrra. Þar komst liðið í úrslitaleik en missti af sæti í Bestu-deildinni þar sem það tapaði 1-0 fyrir Aftureldingu. Keflavík Komnir Stefan Alexander Ljubicic frá Svíþjóð Sindri Kristinn Ólafsson frá FH Hreggviður Hermannsson frá Njarðvík Eiður Orri Ragnarsson frá KFA Mihajlo Rajakovac frá Ítalíu Muhamed Alghoul frá Króatíu Marin Brigic frá Króatíu Björn Bogi Guðnason Farnir Sami Kamel til Noregs Ásgeir Helgi Orrason í Breiðablik (var á láni) Mihael Mladen til Króatíu Rúnar Ingi Eysteinsson í Þrótt Vogum (á láni) Óliver Andri Einarsson í ÍR Sigurður Orri Ingimarsson í ÍR Oleksii Kovtun til Austurríkis Mamadou Diaw

Ólafur Hrannar Kristjánsson stýrir Leiknisliðinu en hann tók við liðinu á síðasta tímabili. Breiðhyltingar höfnuðu í áttunda sæti Lengjudeildarinnar á síðasta tímabili. Leiknir Komnir Axel Freyr Harðarson frá Fjölni Dagur Ingi Hammer Gunnarsson frá Grindavík Anton Fannar Kjartansson frá Ægi Jón Arnar Sigurðsson frá KR (á láni) Farnir Andi Hoti í Val Omar Sowe í ÍBV Hjalti Sigurðsson í KR Róbert Hauksson í Fram Viktor Freyr Sigurðsson í Fram Arnór Ingi Kristinsson í ÍBV Ósvald Jarl Traustason hættur

Lengjudeildarslagur framundan á gervigrasinu við Reykjaneshöllina. Keflavík tekur á móti Leikni og við fylgjumst með gangi mála. Ef á þarf að halda verður leikið til þrautar og möguleiki er á vítakeppni.

fimmtudagur 17. apríl 14:00 Keflavík-Leiknir R. (Nettóhöllin-gervigras) 14:00 Afturelding-Höttur/Huginn (Malbikstöðin að Varmá) 14:00 Kári-Fylkir (Akraneshöllin) 14:00 Víkingur Ó.-Úlfarnir (Ólafsvíkurvöllur) 16:00 ÍBV-Víkingur R. (Þórsvöllur Vey) föstudagur 18. apríl 14:00 Selfoss-Haukar (JÁVERK-völlurinn) 14:00 Grótta-ÍA (AVIS völlurinn) 15:00 Völsungur-Þróttur R. (PCC völlurinn Húsavík) 16:00 Stjarnan-Njarðvík (Samsungvöllurinn) 16:00 Vestri-HK (Kerecisvöllurinn) 17:30 KA-KFA (Greifavöllurinn) 19:15 Breiðablik-Fjölnir (Kópavogsvöllur) laugardagur 19. apríl 14:00 Grindavík-Valur (Nettóhöllin-gervigras) 14:00 KR-KÁ (KR-völlur) 15:00 Þór-ÍR (Boginn) 16:00 Fram-FH (Lambhagavöllurinn)