Léttleikandi ungu strákar Blika voru í banastuði undir lok leiks og kláruðu leikinn endanlega. Breiðablik verður í pottinum þegar dregið verður í 16 liða úrslit Mjólkurbikarsins.

????Breiðablik 5 - Fjölnir 0
??1-0 Tobias Thomsen 24'
??2-0 Valgeir Valgeirsson 61'
??3-0 Viktor Elmar Gautason 77'
??4-0 Tumi Fannar Gunnarsson 87'
??5-0 Ágúst Orri Þorsteinsson 89' pic.twitter.com/DXJPJ7WXeZ

— RÚV Íþróttir (@ruvithrottir) April 18, 2025

Boltinn berst á Daníel Ingvar sem hittir boltann illa og skotið vel framhjá.

Boltinn dettur fyrir Viktor Karl í teignum sem gerir sér lítið fyrir og hælar hann í átt að markinu en varnarmaður Fjölnis bjargar á ögurstundu.

Óli Valur strax kominn í færi. Skot úr þröngri stöðu sem Haukur Óli ver vel.

Fjölnir Sigurjóns fer aftan í Ágúst Orra og Arnar bendir á punktinn!

Árni Steinn fær boltann í teig Blika, reynir skotið en Ásgeir Helgi gerir vel og kemst fyrir. Gestirnir að færa sig upp á skaftið.

Daníel Ingvar í góðri stöðu við vítateig og ætlar sér að renna boltanum á Egil Otta en varnarmaður Breiðabliks kemst í sendinguna. Illa farið með góða stöðu.

Breiðablik byrjar með boltann.

Arnar Þór flautar til hálfleiks. Blikar hafa verið allsráðandi í þessum fyrri hálfleik. Mörk Breiðabliks hefðu hæglega getað verið fleiri.

Tobias Thomsen með skalla úr markteig en nær ekki að stýra boltanum á rammann!

Ekkert kemur úr henni. Staðan 11-1 í hornspyrnum.

Egill Otti með skot úr teignum sem fer í varnarmann og þaðan í hornspyrnu. Brynjar Atli, markvörður Blika kýlir hornspyrnuna frá.

Daniel Obbekjær með skalla á mark Fjölnis sem Haukur Óli ver vel.

Kristinn Steindórsson með þrumuskot rétt yfir mark gestanna, eftir stutta hornspyrnu Blika.

Boltinn einhvernveginn fer í Hilmar Elís, varnarmann Fjölnis við vítateig og þaðan í innanverða stöngina! Haukur Óli, markvörður Fjölnis handsamar boltann að lokum.

Aron Bjarna fær boltann stutt eftir hornspyrnu. Hann nær góðum þríhyrning við Gabríel Snæ og galopna vörn Fjölnis. Aron fer svo í skot úr þröngu færi sem Haukur Óli ver vel og boltinn í annað Blikahorn.

Árna er hleypt aftur inn á völlinn.

Árni Elvar liggur niðri og þarfnast aðhlynningar. Aðeins 10 Fjölnismenn inn á núna.

Aron Bjarna með sendingu fyrir markið sem Haukur Óli, markvörður Fjölnis handsamar.

Haukur er fæddur árið 2008 og er að spila sinn þriðja leik fyrir Fjölni í meistaraflokki.

Blikar hættulegri eins og við mátti búast.

Aron Bjarna með hættulega fyrirgjöf eftir hornspyrnu, en enginn grænklæddur mættur til að stanga boltann inn.

Heimamenn fá fyrstu hornspyrnu leiksins. Blikar taka það stutt og halda í boltann.

Gestirnir byrja með boltann og sækja í átt að Fífunni.

Liðin trítla inn á völlinn og hnetan í græjunum, allt eins og það á að vera.

Halldór Árnason, þjálfari Breiðabliks gerir 6 breytingar á liði sínu frá tapinu gegn Fram. Brynjar Atli, Obbekjær, Ásgeir Helgi, Kristinn Steindórs, Ágúst Orri og Gabríel Snær koma allir inn í byrjunarliðið.

Gunnar Már Guðmundsson gerir eina breytingu á sínu liði frá sigrinum gegn RB síðastliðinn mánudag. Axel Freyr víkur úr byrjunarliðinu. Í stað hans kemur uppaldi Fjölnismaðurinn, Fjölnir Sigurjónsson.

Baldvin Már Borgarsson þjálfari Árbæjar umbreyttist þessa vikuna í Bikar Badda og spáir í 32 liða úrslit Mjólkurbikarsins fyrir Fótbolti.net.

Breiðablik 4 - 0 Fjölnir

,,Blikarnir rótera aðeins í liðinu og menn sem fá tækifærið verða hungraðir, Fjölnismenn verða auðveld bráð fyrir íslandsmeistarana, Ásgeir Frank fær líklega rautt enda mikill Víkingur og tekur einhverja Lui takta á Dóra Árna sem kastar sér í tartanið með listrænum tilburðum."

Fram lagði Breiðablik í 2. umferð Bestu deildarinnar. Lokatölur voru 4-2 en Breiðablik leiddi 0-2 eftir 70 mínútna leik. Rúmum tíu mínútum síðar var staðan orðin 4-2 fyrir heimamenn í Úlfarsárdalnum.

Þetta var fyrsta tap Breiðabliks í deildinni í rúma níu mánuði. Tapið var þá gegn FH þann 28. júní.

Fjölnir mættu 5. deildarliði RB í 64-liða úrslitum. Fjölnismenn fóru hægt af stað en Árni Steinn Sigursteinsson braut ísinn undir lok fyrri hálfleiks. Þeir gulklæddu gáfu í í síðari hálfleik og urðu lokatölur leiksins 4-0.

RB 0-4 Fjölnir

0-1 Árni Steinn Sigursteinsson, 45'+1
0-2 Hilmar Elís Hilmarsson 59'
0-3 Reynir Haraldsson 73'
0-4 Reynir Haraldsson 90'+1

Heilir og sælir lesendur góðir. Verið velkomin í beina textalýsingu frá Kópavogsvelli þar sem Breiðablik mætir Fjölni í 32-liða úrslitum Mjólkurbikarsins.