SKÝRSLAN: ÍA sigraði Gróttu þægilega í Laugardalnum
Hvað réði úrslitum?
ÍA var mikið yfirburðarlið í þessum leik, eins og var búist við. Grótta áttu nokkra fína kafla í lok fyrri og lok seinni hálfleik, en þeir náðu ekki að skapa sér nein hættuleg færi.
Bestu leikmenn
1. Jón Gísli Eyland Gíslason
Jón Gísli var ótrúlega sprækur í þessum leik. Hann skapaði mikla hættu fyrir varnamenn Gróttu og nældi sér í eina stoðsendingu.
2. Ómar Björn Stefánsson
Ómar var flottur í leiknum. Fékk að byrja í dag og skoraði tvö mörk, gaf alveg shout á sig sem framtíðar markaskorari ÍA.
Atvikið
Þetta var ekki rosa spennandi leikur, en það sem var kom mest á óvart í dag var markið hans Caden McLagan til að minnka muninn í 1-2. Hann skoraði glæsilegt mark með alvöru þrumu skoti og átti lang flottasta mark leiksins, og mögulega flottasta mark umferðina í Mjólkurbikarnum.
Hvað þýða úrslitin?
ÍA heldur áfram í 16-liða úrslit Mjólkurbikarsins á meðan Grótta dettur út úr bikarnum.
Vondur dagur
Grótta voru alls ekki mættir í dag gegn stuðmiklum ÍA mönnum. Þetta átti alltaf eftir að vera erfitt fyrir Gróttu og urðu engin óvænt úrslit í Laugardalnum í dag. Framherjarnir náðu ekki að skapa færi og varnamenn Gróttu áttu erfitt með hraða ÍA í leiknum.
Dómarinn - 4
Hreinn var með skrítna línu í þessum leik. Hann byrjaði snemma að gefa mikið af spjöldum, sum mjög dauf brot. Hann dæmdi líka á soft brot þar sem leikurinn hefði alveg getað haldið áfram. Línan lagaðist í seinni hálfleik, en þá var þegar of seint að vera breyta línunnni of mikið. Annars engin mikilvæg atvik sem gerðist í þessum leik.