SKÝRSLAN: Þróttur vann í framlengingu á Húsavík
Hvað réði úrslitum?
Seigla Þróttara. Þrátt fyrir að hafa lent tveimur mörkum undir gáfust þeir ekki upp og eftir að þeir komust yfir sýndu þeir mikla baráttu og héldu þetta út.
Bestu leikmenn
1. Kári Kristjánsson
Skoraði tvö mörk og sigurmarkið í framlengingunni var sérlega laglegt.
2. Inigo Albizuri Arruti
Var eins og klettur í vörn Völsungs í dag.
Atvikið
Jöfnunarmark Jakobs Gunnars. Jakob var mættur á heimaslóðir og jafnaði gegn sínum gömlu félögum undir lok leiks. Pabbi hans var ekki sáttur!
Hvað þýða úrslitin?
Úrslitin þýða að Völsungur verður ekki bikarmeistari þetta árið og að Þróttarar eru komnir áfram í 16-liða úrslit.
Vondur dagur
Dómarinn. Sigurður Hjörtur átti alls ekki góðan leik á flautunni. Gaf Þrótturum líflínu með mjög vafasamri vítaspyrnu undir lok fyrri hálfleiks og þar fyrir utan var almenn stjórn hans á leiknum mjög slök.
Dómarinn - 3,5
Kannski hentar handboltadómgæsla honum betur.