Sanngjarn sigur staðreynd

Óli Valur fleygir sér niður og Vilhjálmur dæmir víti. Ég hélt að hann væri að fara að spjalda fyrir leikaraskap.

4 mínútum bætt við. Ekki mikið í kortunum hérna.

Fatai reynir skot af löngu færi en það er vel framhjá

Fínt spil hjá blikum. Kristinn og Tobias leika sín á milli og tía upp Höskuld í skot en það fer framhjá.

Vestramenn eru að reyna að finna gírinn. Reyna að pressa meira og sækja á fleiri mönnum

Er á gulu spjaldi og fær tiltal fyrir einhvern kýting þegar boltinn er ekki í leik

Prjónar sig í gegn og á hörkuskot sem Guy ver vel!

Heimamenn virka þreyttir og ringlaðir, liggur mark í loftinu.

Flottur þríhyrningur á hægri kantinum og Ágúst er í kjörstöðu, rennir boltanum út á Tobias en hann hreinlega brennir af á markteig. Átti að skora þarna! Flott innkoma hjá Ágústi

Pressa frá Blikum núna. Vestri örlítið kærulausir að spila úr vörninni og ná ekki að losa pressuna.

Fatai nálægt því að gefa mark, laus sending til baka sem Tobias er nálægt því að komast í en Guy Smit nær að renna sér í boltann

Tobias á hlaup innfyrir en fyrirgjöf hans er of föst fyrir Óla Val. Hann nær þó boltanum og finnur Arnór í skotfæri en skot hans er laust yfir.

Fyrst liggur Óli Valur og svo Morten Hansen. Menn ragnbölva í stúkunni en þetta er stormur í vatnsglasi.

Jeppe Pedersen vinnur návígi fyrir utan teiginn og nær ágætu skoti sem Anton Logi er þó ekki í teljandi vandræðum með.

Blikar nálægt því að komast í færi en Eiður reddar. Líflegt hérna til að byrja með

Vinna sig upp hægri vænginn þar sem Fall er á fleygiferð, rennir boltanum út á Montiel en skot hans í fyrsta er nokkuð hátt yfir markið

+1
Vilhjálmur flautar til hálfleiks. Nokkuð kaflaskiptur hálfleikur, Blikar klárlega sterkari aðilinn en heimamenn hafa átt nokkrar hættulegar skyndisóknir. Seinni partur hálfleiksins var daufur þar sem Blikar náðu ekki að tengja sendingar jafn vel og fyrstu 25.

Lætin í Túfa slökktu eiginlega í leiknum. Hann er kannski að spila einhverja 5D skák.

Lítið að gerast núna. Blikar pinna Vestramenn niður en eru ekki að finna færin.

Mikill hiti og hraði í þessu núna. Höskuldur er tekinn niður rétt fyrir utan vítateig en Vilhjálmur gleypir flautuna.

Túfa fer niður með miklum látum og Davíð Smári er æfur á hliðarlínunni. Valgeiri og Túfa lenti saman og sumir vilja meina að Valgeir sparkaði eða traðkaði eitthvað á Túfa, en það er ekki það sem ég sá. Ekkert í þessu að mínu mati.

Mikill barningur í teignum, heimamenn allir komnir fyrir markið og sóknin endar í skoti frá Höskuldi sem er framhjá markinu vinstra megin.

Nær að koma skoti á markið, er sterkur í teignum og hristi Viktor Örn af sér.

Nær góðu skoti í teignum eftir barning en Guy nær að slæma hendi í boltann og bjarga marki.

Eiður með frábæran bolta innfyrir á Túfa sem er hársbreidd frá því að komast í dauðafæri. Betra frá Vestra núna, héldu í boltann og fundu glufu.

Þeim líður vel á boltanum, eru léttleikandi og hreyfanlegir. Vestramenn virka örlítið spenntir í vörninni.

Höskuldur finnur hann innfyrir í teiginn en Guy er fljótur út og lokar á Tobias.

Leikurinn er að komast í jafnvægi eftir sterka byrjun Breiðabliks. Vestri situr lágt og bíður gestunum í dans.

Montiel hársbreidd frá því að finna Daða einan í gegn en Höskuldur nær að reka stórutá í boltann!

Blikar fá horn. Fyrirgjöfin frá Höskuldi er á fjær þar sem Eiður skallar í annað horn. Það er tekið stutt, svo þriðja hornið frá Anton Loga. Loks endar það fjórða í höndunum á Guy í markinu.

Anton Kralj gerir frábærlega í að vinna boltann, finnur Daða Berg sem keyrir upp völlinn og er nálægt því að ná góðu skoti en tveir varnarmenn Blika hanga í honum og trufla hann. Þarna var hætta á ferðum.

Óli Valur prjónar sig í gegnum vörnina, finnur Aron úti í teignum en Gus nær að henda sér fyrir skotið á elleftu stundu! Í horninu er mikill darraðadans, Blikar ná þremur tilraunum en allt fer í varnarvegginn. Þeir liggja á Vestramönnum

Blikar fá horn. Höskuldur tekur, boltinn skoppar í teignum en heimamenn hreinsa.

Blikar taka stjórnina. Viktor Karl nálægt því að búa til færi en Gustav Kjeldsen vel á verði

Blikar byrja neð boltann og eru með smá golu í bakið.

Liðin eru að ganga út á völlinn.

Vestri 0-2 Breiðablik
Þessi fræga Kára Ársæls rimma einsog gárungarnir kalla leiki þessara liða en það endaði 2-2 í fyrra á Ísafirði í hörku leik. Vestramenn eru hátt uppi með sjö stig í efsta sætinu og Davíð Smári á ótroðnum slóðum með sitt lið á meðan Breiðablik eru jarðtengdari eftir að hafa fengið Rúnar Kristins stúku hristing í 2.umferðinni. Þessi leikur verður ekki það mesta fyrir augað en Dóri Árna handjárnar Davíð Smára og lokatölur á Ísafirði verða 2-0 fyrir Breiðablik. Aron Bjarnason og Valgeir Valgeirsson með mörkin fyrir Blika.

   27.04.2025 10:50

Magnús Þórir spáir í 4. umferð Bestu deildarinnar

Vestri hefur farið gríðarlega vel af stað og er með sjö stig. Davíð Smári Lamude stillir upp sama liði og vann ÍA í síðustu umferð.

Halldór Árnason, þjálfari Breiðabliks gerir þrjár breytingar á liði Breiðabliks sem lagði Stjörnuna.

Viktor Karl Einarsson, Aron Bjarnason og Anton Logi Lúðvíksson koma inn í liðið fyrir Kristin Steindórsson, Ágúst Orra Þorsteinsson og Andra Rafn Yeoman en þeir fá sér sæti á bekknum.

Hinn 18 ára gamli Daði Berg Jónsson hefur skorað tvö mörk og lagt upp eitt í fyrstu þremur umferðum Bestu deildarinnar. Hann var á línunni frá Súðavík í útvarpsþættinum Fótbolti.net í gær.

   27.04.2025 10:38

Nýtur sín í Súðavík og blómstrar í Bestu - „Palli var einn í heiminum-stemning“

Vilhjálmur Alvar er á flautunni í dag. Einn af okkar betri dómurum og á ekki von á neinu brasi frá honum í dag. Þegar haldið er vestur á firði skal veðurspáin ávallt skoðuð en vestfirðingar hafa notið vorblíðunnar undanfarna daga líkt og aðrir landsmenn. Von er á mildu veðri, skýjað og 5 stiga hita.

Hafa byrjað mótið þokkalega. Skyldusigur gegn Aftureldingu og flautumark gegn Stjörnunni hafa nú ekki fengið fólk til þess að rísa úr sætum, svo ekki sé minnst á hrun gegn Fram. En ekki má gleyma byrjun mótsins í fyrra þar sem Blikar fengu gangrýni fyrir frammistöður sínar og stigasöfnunum var ekki upp á marga fiska. Mótið er rétt að byrja og þeir grænu eiga að vera sigurstranglegri í dag en gætu vel lent í vandræðum.

Daði Berg Jónsson hefur stolið fyrirsögnunum það sem af er móti. 2 mörk og stoðsending í fyrstu leikjunum og hefur verið potturinn og pannan í sóknarleik Vestra hingað til. Verður gaman að fylgjast með honum í dag. Þá hefur Eiður Aron Sigurbjörnsson leitt varnarlínu Vestra af harðfylgi ásamt dönunum tveimur Gustav Kjeldsen og Morten Hansen og hafa fengið mikið lof fyrir.

Góðan daginn, verið velkomin í beina textalýsingu frá leik Vestra og Breiðabliks á Kerecisvellinum á Ísafirði. Leikurinn er áhugaverður fyrir nokkrar sakir og þá sérstaklega í ljósi byrjun Vestramanna á mótinu. 7 stig eftir 3 leiki gera þá að Spútnik liði mótsins hingað til og verður áhugavert að sjá hvort þeir geti strítt íslandsmeisturunum hér í dag.


sunnudagur 27. apríl
14:00 Vestri-Breiðablik (Kerecisvöllurinn)
16:15 KA-FH (Greifavöllurinn)
19:15 KR-ÍA (AVIS völlurinn)

mánudagur 28. apríl
17:45 Stjarnan-ÍBV (Samsungvöllurinn)
19:15 Valur-Víkingur R. (Valsvöllur)
19:15 Fram-Afturelding (Lambhagavöllurinn)