Þrælskemmtilegum leik á Greifavellinum lokið! Það eru heimamenn í KA sem að næla í stigin þrjú og um leið spyrna sér frá botni deildarinnar. Þeir fara í það minnsta tímabundið upp í 8. sæti deildarinnar og skilja FH-inga eftir á botninum.

Aðdáendur KA að kalla hátt og mikið eftir lokaflautinu.

Þurfti talsverða aðhlynningu og því má búast við því að nokkrar mínútur séu enn eftir.

Mikil ringulreið í vítateig heimamanna! Á endanum rennur boltinn í fang Steinþórs, en tíminn stóð í stað í smá stund hjá KA fólki.

Jakob Snær kveinkar sér lítillega eftir skallaeinvígi, en þarfnast ekki aðhlynningar.

Ég sá ekki uppgefinn uppbótartíma. Við lifum í óvissunni.

KA menn eru upp við eigin vítateig og FH-ingar setja þunga pressu á þá.

FH-ingar voru bókstaflega enn að fagna jöfnunarmarkinu þegar að Bjarni skoraði þriðja mark heimamanna. Fáum við meiri glundroða hér?

Marcel Römer setur boltann upp hægri kantinn og Ásgeir keyrir í átt að marki. Hann á þrumuskot sem að fer beint á Mathias Rosenörn.

FH-ingar fá hornspyrnu. Það er kraftur í þeim þessa stundina.

Arnór Borg sker í gegnum vörn KA eins og smjörlíki og Sigurður Bjartur þarf bara að renna boltanum framhjá Steinþóri Ma í markinu, en Steinþór sér við honum!

Hallgrímur Mar kemst inná vítateig FH og hefði getað rennt honum út í skotið á Bjarna Aðalsteinsson, en reyndi frekar skot/sendingu sem að endaði þvert fyrir mark gestanna og þeir koma hættunni frá.

Ívar Örn reynir 7. flokks útgáfu af bakfallsspyrnu, en hún er fremur laus og Mathias grípur boltann.

KA menn fá hornspyrnu. Leikurinn er frekar losaralegur þessa stundina.

Úlfur Ágúst nælir í aukaspyrnu fyrir FH-inga og gestirnir fylla teiginn. Aukaspyrnan er vægast sagt ömurleg, en þeir fá aðra aukaspyrnu og geta bætt fyrir þetta.

Seinni aukaspyrnan var ekki skárri.

Hann er kominn inná og getur byrjað að brosa aftur.

Kjartan er klár í að koma inná og er eiginlega brjálaður yfir því að mega ekki hlaupa aftur inná völlinn.

Kjartan Kári liggur eftir og þarfnast aðhlynningar.

Gestirnir fá hornspyrnu. Fyrirliðinn Böðvar skokkar að hornfánanum.

KA helvíti nálægt því að henda í samspilsmark sumarsins, en Mathias Rosenörn kemur út og handsamar vippu Jóans Edmundssonar þegar Færeyringurinn leitaði að Hallgrími Mar aftur fyrir vörn FH.

Ásgeir Sigurgeirsson var mjög nálægt því að komast í gegn rétt fyrir hálfleiksflautið, en Mathias Rosenörn var vel á verði í markinu og fljótur út. Markmaðurinn er á undan í boltann og hamrar honum í Ásgeir og aftur fyrir mark FH.

Baráttuleikur hingað til og lítið sem að skilur liðin að sem stendur. Verður forvitnilegt að sjá hvernig seinni hálfleikurinn þróast.

+1

2 mínútur í uppbót.

Birkir Valur Jónsson á ágætis fyrirgjöf á Kristján Flóka Finnbogason, en skalli hans er af löngu færi og talsvert framhjá marki KA.

Ekkert kemur úr spyrnu Kjartans Kára. Sigurður Bjartur Hallsson liggur eftir inni í teig KA, en er nú kominn á fætur og getur haldið áfram.

FH-ingar fá aukaspyrnu úti á hægri kantinum. Hallgrímur brýtur á Tómasi Orra og Tómas kveinkar sér stuttlega, en er í lagi.

Ívar Örn reynir skot rétt fyrir utan teig, en það er beint á Mathias Rosenörn.

Ekki búinn að skora í 6 ár og næstum því búinn að lúðra öðrum inn! Þrumufleygur rétt fyrir utan teig eftir hornspyrnu Hallgríms.

Aukaspyrnan er ágæt og fer af FH-ingi og aftur fyrir. KA menn fá hornspyrnu.

Hrannar Björn nælir í aukaspyrnu úti á vinstri vængnum. Þá mætir Hallgrímur Mar til þess að sveifla boltanum inn í teiginn.

Aukaspyrna Kjartans Kára er ekki langt framhjá og Stubbur virtist stjarfur á línunni.

Sá ekki atvikið, en Kjartan Kári býr sig undir að skjóta á mark KA manna.

Gestirnir fengu aðra hornspyrnu, en sóknin rann út í sandinn og KA menn halda nú í boltann.

FH-ingar fá horn. Böðvar Böðvarsson hleypur yfir til þess að taka spyrnuna.

Gestirnir reyna að halda aðeins í boltann og freista þess að opna KA liðið. Þeir hafa lítið skapað þessar fyrstu 20 mínútur leiksins.

Keyrir af stað með boltann í skyndisókn og sér Rosenörn af línunni. Hallgrímur reynir skot rétt fyrir aftan miðju, en nær ekki að lyfta boltanum nægilega hátt og markmaðurinn á ekki í neinum vandræðum.

Hrannar skoraði sitt síðasta deildarmark gegn Grindavík þann 15. júní 2019. Það var tímabært að kippa því í liðinn.


Hrannar í leiknum gegn Grindvíkingum.

Eftir þessa leiftrandi byrjun hefur leikurinn verið talsverð stöðubarátta, en KA menn þó meira með boltann.

Ívar Örn á langan bolta yfir vörn FH-inga og Bjarni kemst einn gegn Mathias Rosenörn, en hann nær ekki að koma boltanum framhjá Dananum stæðilega sem að ver frá Bjarna. Skotið var laust og Bjarni virtist eiga í smá vandræðum með að koma boltanum almennilega fyrir sig.

Þetta hefði verið draumabyrjun fyrir heimamenn!

Hallgrímur Mar rúllar þessu í gang.

Leikmenn takast í hendur, fyrirliðar lofa dómurum að allir hegði sér frábærlega og við getum farið að horfa á smá fótbolta!

Sérfræðingarnir voru með það alveg á kristaltæru. Kemur beint frá Bandaríkjunum og inn í byrjunarlið gestanna. Skorar hann í dag?


Leiðir línuna.

FH-ingar tilkynntu nýverið að framherjinn öflugi Úlfur Ágúst Björnsson hefði framlengt samning sinn við félagið. Samningurinn gildir til ársins 2027.

Úlfur hefur ekki verið með FH í fyrstu leikjum tímabilsins þar sem að hann hefur verið í Bandaríkjunum í námi í Duke háskólanum. Hann ætti að vera klár í slaginn og kemur mögulega beint inn í byrjunarlið FH, þar sem að Björn Daníel Sverrisson tekur út leikbann.

,,Hann kemur væntanlega inn í byrjunarliðið í stað Björns Daníels. Það er risastórt að fá Úlf og gæti lyft öllu liðinu upp, menn vita að Úlfur getur skorað mörk,'' sagði Elvar Geir Magnússon.


Úlfur í baráttunni við Bjarna Aðalsteinsson í leik þessara liða í fyrra.

Rætt var um viðureign KA og FH í útvarpsþættinum Fótbolti.net. Tómas Þór Þórðarson velti fyrir sér hvort að ósanngjarnt væri að kalla þetta tvö lélegustu lið deildarinnar það sem að af er ungu móti.

Elvar Geir Magnússon sagði að taplið dagsins mætti risastórar áhyggjur hafa og Tómas Þór var ómyrkur í máli og sagði að hann hefði stórkostlegar áhyggjur af KA.

,,Ég hef stórkostlegar áhyggjur af Knattspyrnufélagi Akureyrar. Menn hafa talað um að þeir sjái KA ekki falla útaf þessum leikmannahóp, hafa þeir séð þá spila? Hafa þeir séð þá verjast?''


Tómas Þór hefur bullandi áhyggjur af KA liðinu og þá sér í lagi varnarleik liðsins.

Það er Arnar Þór Stefánsson sem að dæmir leik dagsins. Honum til aðstoðar eru Bryngeir Valdimarsson og Eysteinn Hrafnkelsson. Valdimar Pálsson er eftirlitsdómari og varadómari er Gunnar Oddur Hafliðason.

KA lenti í brekku gegn Valsmönnum í síðustu umferð og töpuðu sanngjarnt 3-1. Það er ekki hægt að tala um að lið eigi skilið nokkuð úr fótboltaleikjum þegar að lið sýnir varnarleik eins og KA gerði á miðvikudaginn síðasta.

Hvort sem að það er spurning um vilja, getu eða einbeitingu. Það virtist skorta allt þrennt þegar átti að koma í veg fyrir mörk Jónatans Inga Jónssonar (2) og Tryggva Hrafns Haraldssonar. Liðið lifnaði aðeins við þegar Ásgeir Sigurgeirsson lagaði stöðuna fyrir gulklædda, en nær komust þeir ekki.

Hallgrímur Jónasson, þjálfari KA, var vitanlega ekki himinlifandi í leikslok. Byrjunin olli honum hugarangri og fannst það taka sína menn alltof langan tíma að "finna sig".

,,Sóknarleikurinn er ekki vandamálið, heldur er það varnarleikurinn sem að þarf að verða betri. Það er ekkert panikk þó þú tapir á móti Víkingi og Val á útivelli - en frammistaðan þarf að vera betri,'' sagði Hallgrímur.


Hallgrímur kallar eftir stórbættum varnarleik. Það gera líklega fleiri innan raða KA.

FH spilaði stóran hluta síðasta deildarleiks gegn KR með 10 menn inná vellinum, þar sem að reynsluboltinn Björn Daníel Sverrisson fékk réttilega reisupassann fyrir groddaralega tæklingu.

Þrátt fyrir brottvísunina komust FH-ingar yfir, en náðu ekki að halda út. Þeir hefðu svo getað stolið sigrinum í blálokin, en Halldór Snær Georgsson sá við Arnóri Borg Guðjohnsen í góðu færi.

Heimir Guðjónsson, þjálfari FH, sagði úrslitin auðvitað vonbrigði eftir að hafa komist yfir en glasið virtist þó hálf fullt að mörgu leyti hjá Heimi.

,,Það var samstaða í þessu og menn voru að berjast fyrir hvorn annan. Þegar menn gera það hjá Fimleikafélaginu eru okkur allir vegir færir,'' sagði Heimir. Hann var svo spurður út í andstæðinga dagsins.

,,KA er með gott lið og hafa verið að bæta við sig mönnum. Það er alltaf erfitt að fara norður og það þarf að undirbúa þann leik vel.''


Heimir var ánægður með vinnuframlag sinna manna gegn KR.

Liðin hafa ekki átt góðu gengi að fagna í upphafi móts og sitja í tveimur neðstu sætum deildarinnar - KA í 12. sæti og FH í 11. sæti.

Hvort um sig hafa liðin nælt í eitt stig og verður sú uppskera að teljast vonbrigði, hvort sem að horft er til Akureyrar eða í Hafnarfjörðinn. Klaufalegur varnarleikur hefur einkennt bæði lið og ef að tímabilið á ekki að fara í einn allsherjar eltingaleik við liðin í efri hlutanum þurfa þessi tvö lið að fara að spýta í lófana.

Hér mun fara fram textalýsing á leik KA og FH í 4. umferð Bestu-deildar karla.


sunnudagur 27. apríl
14:00 Vestri-Breiðablik (Kerecisvöllurinn)
16:15 KA-FH (Greifavöllurinn)
19:15 KR-ÍA (AVIS völlurinn)

mánudagur 28. apríl
17:45 Stjarnan-ÍBV (Samsungvöllurinn)
19:15 Valur-Víkingur R. (Valsvöllur)
19:15 Fram-Afturelding (Lambhagavöllurinn)