Sanngjarn sigur Fylkis staðreynd. Nokkuð þægilegur dagur fyrir heimamenn sem héldu liði Selfoss algjörlega frá sér eftir nokkuð fjöruga byrjun.

Aron Lucas Vokes með skot úr D-boganum eftir ágæta sókn Selfyssinga.

Ég man ekki til þess að þeir hafi átt markskot í seinni hálfleik fyrr en nú.

Pablo fer niður á vítateigslínunni og heldur um ökklann. Fylkismenn í stúkunni brjálaðir en Ívar veifar leik áfram og virtist mjög viss og var þess utan mjög vel staðsettur.

Arnar Númi með hörkuskot af talsverðu færi sem Blakala kastar sér á og ver í horn.

Finna sér gott svæði úti til hægri. Fyrirgjöfin inn á teiginn sem Raúl gerir áhlaup á en Ásgeir talsvert sterkari og vinnur boltann.

Þeirra besta sókn í seinni hálfleiknum.

Fylkismenn koma boltanum í netið eftir mikið klafs eftir hornspyrnu. Ívar flautar þó brot og markið telur ekki.

Fylkir með fullkomna stjórn á þessum leik. Lið Selfoss boðið upp á afar fátt sóknarlega hér í þessum síðari hálfleik og ekki farið oft framyfir miðju.

Pablo hársbreidd frá því að komast í sannkallað dauðafæri eftir vel útfærða skyndisókn Fylkis. Fær boltann í teignum en fyrsta snertingin svíkur hann og boltinn endar hjá Blakala í markinu.

Fylkismenn sækja horn eftir sprett fá Arnari Núma.

Fylkismenn eru að banka fast. Arnar Númi með skot sem Blakala nær að slá frá.

Theodór áræðinn og keyrir inn á teiginn frá hægri. Kemur sér í skotfæri sem er þó heldur þröngt. Lætur vaða en Blakala ver í horn.

Theodór fer vel með boltann á hægri vængnum. Leggur boltann inn á miðjan vítateig þar sem Eyþór mætir og ætlar að reyna að skrúfa boltann upp í hornið nær. Fín hugmynd sem heppnast ekki og boltinn framhjá markinu.

Ragnar Bragi fær tíma til að leggja boltann fyrir sig fyrir utan teig Selfoss. Lætur vaða á markið en boltinn framhjá markinu,

Heimamenn ákveðnari hér í upphafi síðari hálfleiks.

Bæði lið óbreytt frá lokum fyrri hálfleiks. GEstirnir sparka okkur af stað á ný.

Egill Hrafn var Fylki­s­maður í húð og hár. Hann komst í fréttirnar árið 2015 er hann safnaði 1100 krónum fyrir knatt­spyrnu­deild fé­lagsins. Egill var á þeim tíma níu ára gamall en auk þess að vera stuðnings­maður Fylkis var Egill líka iðkandi hjá fé­laginu. Egill hafði líka tengingar við Selfoss og dvaldi mikið í bænum hjá ömmu sinni og afa og skyldmennum.

Egill lést 17 ára gamall árið 2023 og var minningarsjóður stofnaður í nafni hans. Markmið sjóðsins er að styðja við verkefni sem stuðla að þátttöku ungmenna á aldrinum 16-20 ára í íþrótta- og tómstundastarfi. Brotthvarf ungmenna á þessum aldri úr íþróttum og skipulögðu starfi þegar að grunnskóla og frístundastarfi sleppir er því miður alltof algengt. Aðgengi að íþróttum og tómstundum fyrir ungmenni þar sem félagslegi þátturinn og samvera er í fyrirrúmi er mikilvægt lýðheilsumál.

Í fallegri athöfn hér í hálfleik færðu aðstandendur Egils 2.flokk beggja félaga 250.000 krónur í styrk til uppbyggingar á þeirra starfi.

Flautað til hálfleiks hér í Árbænum. Ekki annað hægt að segja en að staðan sé sanngjörn. Fylkisliðið verið mun öflugra en gestirnir hér.

Tökum smá pásu og komum aftur að vörmu spori.

Benedikt Daríus í færi eftir sendingu frá Theodóri Óskars. Fær boltann við markteigshorn hægra megin en setur boltann framhjá.

Fylkismenn ógna, snögg sókn endar með skoti úr teignum sem Blakala ver í horn.

Skalli úr teignum eftir aukaspyrnu frá miðlínu. Lítil hætta

Eyþór Aron framlengir boltann á Guðmund Tyrfingsson sem er mættur í hlaupið inn á markteig og leggur boltann í netið.

Aðeins of fljótur af stað og flaggið er á lofti Fylkismönnum til takmarkaðrar gleði.

Fylkismenn vinna hornspyrnu.

Fyrstu él leiksins ganga yfir. Er feginn því að vera í hlýrri blaðamannastúku.

Theodór Ingi með virkilega góðan sprett upp hægri vænginn. Keyrir inn á teiginn og nær skoti sem fer rétt fram hjá stönginni fjær.

Arnar Númi með lúmskan bolta inn á teiginn frá vinstri. Lág spyrna inn á nærstöng sem Eyþór reynir að sneiða i hornið nær. Blakala vel á verði og handsamar boltann.

Fylkisliðið verið heilt yfir betri aðilinn í leiknum hingað til. Selfyssingar átt þetta eina upphlaup til þessa.


Fylkismenn vinna horn.

Tumi Fannar með fyrirgjöf frá vinstri yfir á fjærstöng. Eyþór er mættur en þarf að teygja sig í boltann og skallinn eftir því. Laus og beint á Blakala.

Selfyssingar í dauðafæri strax á hinum endanum. Var það Raúl sá það ekki nægjanlega vel. Ólafur með alvöru viðbragðsmarkvörslu og bjargar marki á hreint ótrúlegan hátt.

Frábær bolti inn á teiginn frá vinstri frá Arnari Núma, boltinn á Guðmund Tyrfings sem tekur boltann á lofti í teignum og nær hörkuskoti. Boltinn því miður fyrir heimamenn beint á Blakala sem ver vel.

Þetta er farið af stað hér í Árbænum. Það eru heimamenn sem hefja hér leik.

Til þess að spá í umferðina fengum við Bjarka Björn Gunnarsson sem hjálpaði ÍBV að vinna deildina á síðasta tímabili.

Fylkir 3-0 Selfoss
Fylkismenn sakna Halldórs Jóns Sigurðar Þórðarsonar en það verður Húbbabúbba útgáfupartý í Lautinni þrátt fyrir sterka byrjun Selfyssinga í fyrsta leik.

Leikurinn hefst klukkan 19:30 í stað 19:15 eins og hefðbundið er. Það er spurning hvort að sú staðreynd að Eyþór Aron Wöhler og HúbbaBúbba eru að troða upp á viðburði á vegum KSÍ þar sem EM treyja landsliðsins verður kynnt búi að baki þeim leiktíma.

Ívar Orri Kristjánsson er dómari leiksins í kvöld. Honum til aðstoðar eru þeir Eysteinn Hrafnkelsson og Patryk Emanuel Jurczak.

Þórður Georg Lárusson er svo eftirlitsmaður KSÍ og tekur út störf dómara sem og framkvæmd leiksins.

Liði Fylkis er af flestum spáð toppsæti deildarinnar í sumar. Þeir fóru í heimsókn til Njarðvíkur í fyrstu umferð og gerðu þar 1-1 jafntefli við heimamenn. Að mati margra var liðið heppið að sleppa með stig úr Reykjanesbæ en Njarðvíkingar misnotuðu meðal annars vítaspyrnu í leiknum og fengu töluvert af færum til að skora undir lok leiks en allt kom fyrir ekki.

Gestirnir fá Selfossi hófu mótið með sigri í fyrstu umferð gegn Grindvíkingum. Raul Gomez Martorell reyndist liði Selfoss vel þar en hann skoraði bæði mörk liðsins í 2-1 sigri.

Bjarni Jóhannsson þjálfari liðsins er að snúa aftur á fornar slóðir en hann hefur í tvígang verið þjálfari Fylkis á sínum langa ferli.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Fylkis og Selfoss í annari umferð Lengjudeildar karla. Flautað verður til leiks á tekk vellinum klukkan 19:30