Stórskemmtilegt jafntefli hér í Grindavík staðreynd. VIðtöl og skýrsla væntanleg.

Reynir með skot en Matias ver.

Axel Freyr í færi en skot hans af varnarmanni og afturfyrir.

Adam Árni og Haukur Óli lenda í ljótu samstuði og steinliggja báðir. Barátta um boltann og þeir rekast saman. Haukur virðist fara verr út úr þessu.

Rafael með skot úr teignum eftir hornspyrnu en Matias vel staðsettur og handsamar boltann.

Árni Steinn i frábærri stöðu í teignum en kemur ekki boltanum á markið.

Darraðardans í teig Fjölnis eftir horn. Niðurstaðan er annað horn

Aftur Adam Árni í teig Fjölnis og aftur sér Haukur Óli við honum. Markvörðurinn ungi verður ekki sakaður um þá stöðu sem í leiknum er. Verið virkilega góður.

Fer illa með Brynjar Gauta á hægri vængnum og labbar framhjá honum. Einn gegn Hauki sem sér við honum.

Fast skot utan teigs sem kemur upp úr engu Matias vel á verði og slær boltann út. Fjölmnismenn halda pressunni og ná öðru færi í teignum en aftur er Matias vel á verði og ver glæsilega.

Tæta sig í gegnum vörn Fjölnis. Boltinn á Sindra Þór sem á laglegan snúning í teignum. Skot hans þó gríðarlega vel varið af Hauki í marki Fjölnis.

Daníel Ingvar liggur á miðjum vellinum hjá Fjölni og þarf aðhlynningu. Vonum að hann sé þó í lagi.

Máni Austamann í skallafæri eftir ágæta sókn Fjölnis en beint á Matias fer boltinn.

Eins og búist var við þá er allt morandi í frægu og fínu fólki mætt á þennan viðburð. Hér má sjá brot af því besta: Toddi formaður KSÍ, Jósef Kristinn, foringinn Jónas Þórhalls, Gylfi Orra (kominn frá Andorra), Örn Þór Karlsson, Hafliði Breiðfjörð, Smári Jökull stjörnublaðamaður, Ingó veðurguð, Bjössi sax, Biggi hjá ÍTF og Haraldur Haraldsson framkvæmdastjóri golfklúbbsins Odds.

Flautað til hálfleiks hér í Grindavík. Mjög fjörugur og skemmtilegur leikur hér í fyrri hálfleik og vonumst að sjálfsögðu vonumst við eftir öðrum slíkum í þeim síðari.

Skalli að marki eftir horn frá Adam Árna en laus skalli hans endar í fangi Hauks.

Aftur Breki en skotið í þetta sinn beint á Hauk.

Breki Þór Hermannsson með hörkuskot af talsverðu færi. Góð tilraun en hittir ekki markið.

Ármann Ingi er í lagi og Grindvíkingar fá horn.

Vont fyrir Grindvíkinga að Ármann Ingi liggur eftir þetta brot og þarf aðhlynningu.

Enn er það Ármann Ingi. Boltinn hrekkur til hans í teignum vinstra megin og hann lætur vaða í fyrsta. Boltinn í hliðarnetið þó.

Matias með furðutakta í markinu. Kemur út og ætlar að negla fram en slæsar boltann all rosalega.

Reynir ræður ekkert við hann. Keyrir inn völlinn frá hægri og lætur vaða með vinstri. Boltinn af varnarmanni og hárfínt yfir markið. Ekkert kemur upp úr horninu.

Ármann Ingi er allt í sóknarleik Grindavíkur. Keyrir á Reyni Haralds og á fyrirgjöf. Sindri Þór í dauðafæri á nærstöng en hittir boltann illa og færið rennur út í sandinn.

Máni Austmann fær boltann við D-bogann og lætur bara vaða. Gott skot sem smellur í utanverðri stönginni. Gott ef Matias hafi ekki haft fingur á boltanum áður.

Fjölnismenn sækja hornspyrnu.

Árni Salvar með fyrirgjöf frá hægri. Adam Árni í baráttunni við Brynjar Gauta og hefur betur en Haukur kastar sér á skalla hans og ver.

Ármann Ingi að fara illa með Reyni Haralds úti á væng. Setur boltann fyrir yfir á fjærstöng þar sem Ingi Þór mætir en skalli hans beint á Hauk.

Grindvíkingar skiljanlega slegnir eftir þessa byrjun. Leikurinn þó náð jafnvægi.

Þetta er farið af stað hér í Grindavík. Þeð eru heimamenn sem hefja hér leik.

Það er talsverður fjöldi fólks þegar mættur á Stakkavíkurvöll þar sem Grindavík hefur verið með smá hátíð síðustu stundir. Ingó Veðurguð og Bjössi Sax eru að troða upp fyrir framan stukuna og trekkja upp fólk. Þorvaldur Örlygsson formaður KSÍ er að sjálfsögðu mættur ?amt mörgum af toppum KSÍ:

Til þess að spá í umferðina fengum við Bjarka Björn Gunnarsson sem hjálpaði ÍBV að vinna deildina á síðasta tímabili. Um leik Grindavíkur og Fjölnis sagði hann. Grindavík 0-0 Fjölnir Stórt fyrir Grindvíkinga að vera mættir heim en bæði lið sátt með sitt fyrsta stig í bragðdaufum leik eftir svekkjandi töp í fyrstu umferð.

Stóra málið í dag er samt að liðið er að spila á sínum heimavelli í Grindavík. Það er langt í frá að líf sé komið í eðlilegar skorður í Grindavík þó að smátt og smátt færist meira líf í bæinn. Þetta bæjarfélag sem áður taldi 4.500 íbúa er vel markað af atburðum síðustu 18 mánaða og á svæðum í bænum á glögglega sjá verk þessara hamfara á húsum í bænum. Knattspyrnuhús þeirra Grindvíkinga er ónýtt en stór sprunga gengur í gegnum húsið og eru einhverjir tugir metra niður á botn hennar. Önnur mannvirki á íþróttasvæðinu urðu einnig fyrir áhrifum en það sem mikilvægast er aðalvöllurinn sem og stúkan sluppu þó við skemmdir.

   06.05.2025 20:06

„Æsifréttamennska að mínu mati“ - Leikið í Grindavík á laugardag

   09.05.2025 10:21

Hvetur fólk til að fara á leiki í Grindavík - „Öryggi allra er tryggt“

Grindavík skellti sér í heimsókn á Selfoss í fyrstu umferð og þurfti að gera sér að góðu 2-1 tap þar. Liðið er gríðarlega mikið breytt frá fyrri árum og hefur Grindavík tekið u-beygju frá fyrri stefnu sinni. Ungir leikmenn í bland við örfáa reynslubolta skipa lið þeirra undir stjórn Haralds Hróðmarssonar og verður spennandi að fylgjast með hvernig til tekst en árangur Grindavíkur síðustu ár hefur verið vel undir væntingum.

Gestirnir úr Grafarvogi mæta til Grindavíkur eftir hafa tapað fyrsta leik sínum i mótinu gegn Keflvíkingum í Egilshöll. Ungt lið Fjölnis átti þar ágætis spretti í 3-1 tapi en þurfti að lokum að lúta í gras. Það verður áhugavert að sjá hvernig þeir mæta til leiks gegn öðru mjög ungu liði undir kringumstæðum sem verða að teljast nokkuð sérstakar.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Grindavíkur og Fjölnis í annari umferð Lengjudeildar karla. Leikurinn fer fram á Stakkavíkurvelli í Grindavík og markar ákveðin tímamót. Fyrsti íþróttaviðburðurinn sem fram fer í Grindavík eftir að bærinn var rýmdur þann 10. nóvember 2023.