Stavrou flautar þennan leik af, Ísland vinnur örugglega 1-3, gott að fara til Sviss með sigur í fararteskinu!

Sveindís með sendingu upp í hornið á Diljá hún reynir sendinguna á Berglindi en boltinn í varnamann og hornspyrna dæmd, darraðardans í teignum sem endar með hörkuskoti hjá Öglu Maríu en rétt framhjá

Með hörkuskot í samskeytin

Filipovic með fyrirgjöf en Cecilía á ekki vandræðum með þennan bolta

Miklu meira líf í stelpunum og sóknarleiknum, Amanda með hornspyrnuna inn í, Dagný í baráttunni en Serbarnir koma þessu frá

Stefanovic með góða vörn, Amanda ætlar að keyra upp með boltan en Stefanovic stöðvar hana og nær til boltans. Boltinn berst síðan til Aleksic sem tekur hann með höndum stelpurnar mótmæla hér, hvort þetta hafi verið sending eða hvað en dómarinn gerir enga athugasemd

Dagný með fyrirgjöf Amanda nær ekki til hans en Sveindís er hins vegar mætt en varið. Stelpurnar eru að vakna til lífsins aftur

Rangstæða dæmd á Cankovic, fékk góða stungu inn fyrir vörnina og var komin í dauðafæri en flaggið réttilega á loft

Sveindís með innkast, tekur það hins vegar stutt, fær hann síðan aftur og á laglega fyrirgjöf en engin nær til boltans

Diljá liggur eftir, fær hér annað höggið á stuttum tíma en hún harkar þetta af sér og heldur áfram

Karólína með aukspyrnu, setur hann inn á fjær þar er Glódís sem skallar hann aftur inn í en enginn nær honum þarna og boltinn afturfyrir

Karólína með stungu upp á Sveindísi, hún er svo fljót, nær boltanum leitar aftur af Karólínu en serbarnir ná þessum

Aleksic setur þetta af stað aftur með markspyrnu

Fínt að fá aðra vatnspásu hér, stelpurnar þurfa aðeins að stilla saman strengi! Það þarf aðeins meiri ákefð og hækka tempóið á þessum leik

Vallarþulurinn í Stara Pazova í miklu veseni með að bera fram nöfn íslensku leikmannna sem eru að koma inn á. Fær lófaklapp þegar hún klárar þetta.

Ivanovic að koma vel inn hérna, búin að vera hættuleg á hægri kanntinum á góða fyrirgjöf en Cecilía grípur inn

Íslenska liðið er að leyfa Serbunum að komast full mikið inn í leikinn fyrir minn smekk, hafa verið meira hér með boltann í upphafi seinni hálfleiks en Íslenska liðið og hafa náð hér nokkrum skotum að marki ólíkt fyrri hálfleik...

Cankovic tekur horn en Glódís sterk í loftinu og kemur honum frá

Sædís brýtur og Petrovic tekur þetta stutt

Serbarnir sparka þessu af stað

Flautað til hálfleiks í Stara Pazova. Forystan er góð en frammistaðan mætti alveg vera aðeins betri. Höfum lítið gert sóknarlega eftir að við komumst 0-2 yfir. Ég vil aðeins meira!

Glódís Perla fer yfir stöðuna með liðsfélögunum á meðan leikmaður Serbíu fær aðhlynningu.

Leikmaður Serbíu fær högg á andlitið. Dómarinn er að horfa eitthvað annað. Heyrir svo í leikmanni Serbíu væla og flautar brot. Ég veit ekki alveg hvað ég á að segja um þetta...

Búið að vera mjög rólegt yfir þessu eftir hraða byrjun. Förum að detta í leikhlé.

Cessa var búin að halda á boltanum í meira en tíu sekúndur áður en hún setti boltann niður.

Held að þetta hafi bara verið réttur dómur þó íslensku leikmennirnir hafi verið ósáttir. Serbar fengu hornspyrnu en gerðu ekkert við hana.

Hlín með fullt af plássi upp hægri kantinn en missir boltann út af. Hefur ekki alveg fundið sig.

Heimakonur reyna að spila aftur fyrir vörn Íslands en Ingibjörg leysir úr þessu. Gerir það vel.

Við erum farin aftur af stað.

Skiljanlega, það er ógeðslega heitt.

Sveindís finnur Hildi við teiginn og hún reynir skot en það er enginn kraftur í því.

Íslenska liðið að slaka aðeins of mikið á fyrir minn smekk. Síðustu mínútur ekki góðar. Kannski er það hitinn.

Tijana Filipovic fær fullt af tíma og reynir skot en það fer í varnarmann Íslands. Svo er stigið ofan á Karólínu og aukaspyrna dæmd.

Serbar við það að komast í ágætis færi en Glódís nær að bjarga. Serbarnir aðeins betri á boltanum. Eiga svo skot sem fer töluvert fram hjá markinu.

Ég velti fyrir mér hvað það hefðu margir mætt ef þessi leikur hefði verið á Laugardalsvelli. Það eru svona 40 í stúkunni núna.

Það er einhver æfing á velli hér við. Þar er þjálfari að flauta svolítið mikið og það er trufla þennan leik hér.

Karólína þræðir Sveindísi í gegn vinstra megin og hún á fyrirgjöf sem finnur Söndru Maríu í teignum. Akureyringurinn nær ekki miklum krafti í skotið en boltinn lekur næstum því inn! Markvörðurinn virðist bjarga sér en íslensku leikmennirnir kalla samt eftir marki. Dómarinn metur svo að boltinn hafi ekki farið inn.

Það er bara djók hvað serbneska liðið er lélegt að spila úr vörninni. Missa boltann hér aftur í öftustu línu en Ísland nær ekki að refsa fyrir það í þetta skiptið.

Sveindís Jane í dauðafæri á fjærstönginni en setur boltann fram hjá markinu. Þarna átti hún að gera betur. Ef við værum í leik á EM, þá væri ég brjálaður.

Sandra María er að spila upp á topp. Það virkaði vel gegn Noregi. Hlín er úti hægra megin og Sveindís vinstra megin. Það er gott að það við séum með möguleika í þessu en ég held að þetta sé okkar besta sóknarlína, eins og henni er stillt upp núna.

Karólína Lea búin að gera 15 mörk fyrir Ísland núna.

Hennar sjöunda landsliðsmark og fyrsta landsliðsmarkið síðan hún skoraði í 4-1 sigri á Danmörku árið 2016.

Bæði mörkin komið eftir að serbnesku varnarmennirnir misstu boltann. Vel gert hjá íslenska liðinu að nýta sér það.

Það heyrast andköf í stúkunni þegar Sveindís Jane á skot í hliðarnetið. Serbía á bara ekki möguleika núna. Mikil stemning í íslenska liðinu.

Maður heyrir gjörsamlega allt sem er sagt inn á vellinum. Cecilía mjög hágvær í byrjun leiks.

Það er svo mikill hiti að það er ekki annað hægt.

ÁFRAM ÍSLAND!

Það er ekkert rosalegur áhugi á kvennaboltanum hér í Serbíu. Ég tel í mesta lagi 30 manns í stúkunni. Serbía er ekki að fara á EM og því kannski ekki mikil stemning fyrir liðinu þessa stundina.

Það kemur smá svona vindgustur í andlitið á manni núna. Fáránlega þægilegt. Kollegi minn frá Serbíu talar um að hitinn sé bærilegur núna miðað við síðustu daga. Það var ólíft í gær en ég veit ekki alveg hvort ég sé sammála honum.

Mikill liðsstyrkur fyrir KSÍ að fá Arnar Laufdal í teymið á bak við tjöldin. Sér um samfélagsmiðlamálin á meðan EM stendur, og vonandi bara lengur en það! Búinn að lyfta upp öllum samfélagsmiðlamálum hjá Breiðabliki síðustu árin. Frábær í því sem hann er að gera.

Það stendur að það séu 29 gráður úti, en ég veit ekki alveg hvort ég trúi því. Það er ógeðslega heitt og verður örugglega erfitt fyrir leikmennina að spila leikinn. Það vonandi kólnar aðeins með kvöldinu en klukkan er orðin 18:22 hérna í Serbíu.

Jovana Damnjanovic, liðsfélagi Glódísar Perlu, hjá Bayern München er fjarri góðu gamni í dag. Hún er víst bara í fríi. Það vantar líka nokkra aðra leikmenn í serbneska liðið.

2. júlí, Ísland - Finnland 6. júlí, Ísland - Sviss 10. júlí, Ísland - Noregur Takið þessa daga frá!

Það vekur athygli að þjálfari Serbíu er Íslandsvinur mikill; Lidija Stojkanovic er tekin við liðinu. Hún tók við serbenska landsliðinu undir lok síðasta árs eftir að hafa verið að þjálfa U19 landsliðið. Hún varð fyrir nokkru síðan fyrsta serbneska konan til að fá UEFA Pro þjálfararéttindi. Lidija spilaði á Íslandi frá 2005 til 2011 með HK/Víkingi og Fylki. Þá lék hún einnig hér sumarið 2014 með HK/Víkingi. Hún hóf þjálfaraferil sinn á Íslandi í yngri flokkum Víkings árið 2006. Hún varð síðar meir aðstoðarþjálfari HK/Víkings og þjálfari HK.

Það er búið að vera alveg gífurlega heitt í Stara Pazova síðustu daga. Hitinn náði 40 gráðum í gær og það var rauð viðvörun; fólki var bara ráðlagt að vera inni við loftræstinguna. Ég tók göngutúrinn á hótel landsliðsins til að taka þar viðtöl og það var líklega erfiðasti göngutúr lífs míns, svo heitt var úti.

View this post on Instagram

A post shared by Knattspyrnusamband Íslands (@footballiceland)

Ég kom hérna líka í fyrra, þegar liðin mættust þá. Í þessum tveimur heimsóknum hef ég tekið nokkrar myndir sem má sjá hér fyrir neðan. Þetta er harður bær.

Þessi tvö lið mættust líka í fyrra í umspili um sæti í A-deild Þjóðadeildarinnar. Þau gerðu þá 1-1 jafntefli hérna í Serbíu þar sem Alexandra Jóhannsdóttir gerði mark Íslands. Niðurstaðan í seinni leiknum á Kópavogsvelli var 2-1 sigur Íslands þar sem Sveindís Jane Jónsdóttir og Bryndís Arna Níelsdóttir gerðu mörkin.

Á meðan ég hef verið í Serbíu, þá hef ég tekið upp tvö áhugaverð hlaðvörp sem ég hvet ykkur öll til að hlusta á.

Það er óhætt að segja að leikurinn fari fram í frekar skrautlegum bæ, en hér er samt sem áður frábær aðstaða til fótboltaiðkunnar. Stelpurnar hafa verið í ákveðinni búbblu þar sem hótelið, æfingavöllurinn og keppnisvöllurinn er allt á sama stað. Þær hafa náð fullum fókus á verkefnið sem er framundan.

Ég ætla að byrja þessa textalýsingu á að óska landsliðsfyrirliðanum Glódísi Perlu Viggósdóttur til hamingju með daginn. Hún á stórafmæli, er þrítug.

Hér verður bein textalýsing frá leik Serbíu og Íslands. Þetta er vináttuleikur en um er að ræða síðasta leik okkar Íslendinga fyrir EM. Við mætum Finnlandi í fyrsta leik á EM næsta miðvikudag. Fréttamaður Fótbolta.net er auðvitað á staðnum í Serbíu og hefur flutt fréttir af liðinu síðustu daga. Svo er ferðalag til Sviss í fyrramálið, en fyrsti er það þessi leikur.