SKÝRSLAN: Leiknismenn komu til baka og sóttu jafntefli
Hvað réði úrslitum?
Selfyssingar voru 2-0 yfir og með öll völd á vellinum en köstuðu þessu frá sér og misstu þetta niður í jafntefli. Bæði lið hefðu svo getað stolið þessu í restina.
Bestu leikmenn
1. Aron Fannar Birgisson
Var mjög góður í dag. Skoraði tvö mörk og var oft góður með bakið í markið.
2. Dagur Ingi Hammer Gunnarsson
skoraði bæði mörkin í endurkomu Leiknismanna. Fleiri sem hefðu getað komið til greina hér er t.d. Harley Willard sem átti góðan dag inni á miðju Selfyssinga
Atvikið
Það er oft talað um að "þriðja markið" breyti leikjum og það átti við í dag. Eftir að Leiknir minnkaði muninn í 2-1 breyttist leikurinn og Leiknismenn komu sér aftur inn í leikinn.
Hvað þýða úrslitin?
Selfyssingar fara upp fyrir Fjölni og úr neðsta sætinu. Þeim mistokst hinsvegar að koma sér upp úr fallsæti.
Vondur dagur
Selfyssingar naga sig í handabökin að hafa kastað frá sér sigrinum. Að sama skapi var vondur dagur fyrir Dusan Brkovic að hafa þurft að fara meiddur af velli eftir stundarfjórðung enda mikilvægur hlekkur í vörn Leiknismanna.
Dómarinn - 9
Hef ekkert út á dómara leiksins að setja. Allar stóru ákvarðanirnar réttar.