Til hamingju Vestramenn nær og fjær, þvílík frammistaða!

Tryggvi Hrafn tekur spyrnuna, en Vestramenn koma boltanum frá!

Valsmenn fá hornspyrnu!

Liðið verið ótrúlegt í kvöld, sé enga endurkomu í kortunum!

Valsmenn ekki ná að ógna það sem af er uppbótartíma. Vestramenn reyna skiljanlega að hægja á leiknum.

Nægur tími til stefnu, Davíð Smári orðlaus, hlær bara.

Valsmenn í leit að jöfnunarmarki en finna ekki glufu í þéttri vörn Vestramanna!

Stuðningsmenn Vestra búnir að vera gjörsamlega frábærir í kvöld.

Valur hlýtur að skoða það að taka Davíð Smára sem þjálfara ef felagið hefur áhuga á að vinna titla í framtíðinni.

— Kristján Óli Sigurðsson (@kristjanoli) August 22, 2025

Evrópu Davíð Smári yrði falleg sjón. Elska allt við þetta ævintýri. Virðing à gæjann ? #FotboltiNet pic.twitter.com/l0MdRZnURS

— Maggi Peran (@maggiperan) August 22, 2025

Kjeldsen skallar boltann til baka. Smit þarf að hafa sig allan til svo að boltinn fari ekki út af í horn, en Tryggvi kemst á milli. Valsmaðurinn nærri því að setja boltann í opið net en Kjeldsen bjargar á síðustu stundu.

Aron Jóhannson tekur bakfallsspyrnu, en tilraunin langt framhjá þrátt fyrir að vera skemmtileg.

Valsmenn fá hornspyrnu. Vestramenn koma hættunni frá og keyra í skyndisókn, en ekkert kemur upp úr sókn Vestra.

Markus Nakkim með lúmskan skalla sem fer rétt framhjá marki Vestra.

Tryggvi Hrafn tekur spyrnuna sem fer beint í varnarvegg Valsmanna.

Eiður Aron brýtur á Tryggva Hrafni rétt fyrir utan teig og Valsmenn fá aukaspyrnu í afar álitlegri stöðu.

Frábært spil Valsmanna, Kristinn Freyr með fasta fyrirgjöf á hættusvæðið en Guy Smit handsamar boltann.

Ekki margir sem hefðu þorað að taka Davíð Smára á sínum tíma. Hann hefur verið allinn flutt bestur komist í efstu deild haldið þeim uppi komist í bikarúrslit Gaui Þórðar, Jón Þór og margir aðrir hafa reynt. #virðing #fotboltinet

— Magnus Bodvarsson (@MBodvarsson) August 22, 2025

Gefur laflausa sendingu til baka, og Vladimir Tufegdzic kemst í boltann. Schram fljótur að kveikja og nær strax að loka vel á Tufegdzic. Þarna mátti engu muna.

Enginn nálægt Pedersen sem fellur niður, sýnist þetta vera hásinin. Áfall fyrir Valsmenn, óskum Patrick skjóts bata.

Rosalegt mark frá Jeppe Pedersen! ???? pic.twitter.com/97s2uUmSF0

— RÚV Íþróttir (@ruvithrottir) August 22, 2025

Hólmar Örn fékk höfuðhögg í hornspyrnu Valsmanna rétt áðan og skartar nú hinu fínasta sárabindi um ennið.

Albin Skoglund með afar laust skot við vítateig sem Guy Smit á í engum vandræðum með að verja.

Eiður Aron liggur niðri eftir fjórðu hornspyrnu Valsmanna og fær aðhlynningu. Eiður getur haldið leik áfram.

Tryggvi tekur hornið, boltinn beint á Hólmar Örn sem skallar í varnarmann og Valsmenn uppskera enn aðra hornspyrnuna.

Anton Krajl skallar hornspyrnu Valsmanna aftur fyrir og þeir rauðklæddu fá sitt þriðja horn í röð.

Valsmenn fá hornspyrnu, Tryggvi Hrafn með hættulegan bolta inn á markteig en Vestramenn skalla aftur fyrir í aðra hornspyrnu.

Markus Nakkim búinn að hlaða skotfótinn inni í teig Vestra, en markaskorarinn Jeppe Pedersen, kemst í boltann rétt áður en Nakkim hleypur af.

Valsmenn hefja leik!

+4 Sigurður Hjörtur flautar til hálfleiks. Valsmenn settu gríðarlega pressu á vörn Vestra sem hélt hálfleikinn út. Tökum okkur fimmtán mínútna pásu!

+4 Valsmenn með fyrirgjöf úr aukaspyrnunni. Boltinn dettur manna á milli í teignum, þrír Valsmenn taka skottilraun sem fara allar í varnarmenn Vestra!

Ef þessir tveir fara saman í Evrópu. Guð blessi okkur og andstæðinga Vestra. pic.twitter.com/r7Mf1UYFRw

— Orri Rafn Sigurdarson (@OrriRafn) August 22, 2025

Viðbrögð flestra við marki úr óvæntri Pedersen átt. #fotboltinet pic.twitter.com/SmgZZD9aXk

— Sverrir Ö Einarsson (@SEinarsson) August 22, 2025

Valsmenn með hornspyrnu, Tryggvi Hrafn tekur, boltinn á nærsvæðið, þar skallar Nakkim að marki og Smit ver. Í kjöfarið liggur Smit niðri og fær aðhlynningu.

Fyrirgjöf úr aukaspyrnu, Markus Nakkim með skalla að marki Vestra, en varnarmaður Vestra kemur boltanum frá! Valsmenn að banka fastar og fastar.

Valsmenn með fyrirgjöf frá vinstri, á fjærsvæðið. Þar á Albin Skoglund hnitmiðaðan skalla sem Guy Smit ver í innanverða stöngina og Vestramenn koma hættunni svo frá!

Orri Sigurður með viðstöðulaust skot að marki Vestra, Patrick Pedersen reynir að reka stóru tána í tilraunina en það misheppnast og boltinn framhjá.

vá Jeppe vá

— Bomban (@BombaGunni) August 22, 2025

Þetta mark hjá Pedersen! (þeim yngri!). Fiskroðið er betra en fasteignir. #fotboltinet

— Wrexham Icelandic Supporters Club (@IscWrexham) August 22, 2025

Valsmenn reyna að brjóta sér leið í gegnum þétta vörn Vestra, en það er hægara sagt en gert. Mikil áræðni og barátta í Vestramönnum, eins og við mátti búast.

Bjarni Mark með þrumuskot fyrir utan teig, en Guy Smit ver vel í marki Vestra.

Vestramenn fá hornspyrnu, Diego Montiel tekur spyrnuna í markteiginn, en Valsmenn skalla frá.

Tryggvi Hrafn tekur spyrnuna beint á kollinn á Patrick Pedersen sem á góðan skalla en Smit ver meistaralega í marki Vestra!

Laug engu um að Vestrafólk væri stemningsfólk. Fleiri en stuðningsmenn Vals á bikarúrslitum. Virðing.

— Elvar Geir Magnússon (@elvargeir) August 22, 2025

Vestramenn með sendingu inn fyrir, boltinn fer í báða hafsenta Vals og dettur fyrir Ágúst Eðvald sem fer framhjá Frederik Schram en setur boltann í utanvert hliðarnetið úr þröngri stöðu. Þarna munaði litlu!

Gott uppspil Vestra endar með skoti Jeppe Pedersen af löngu færi og fer boltinn rétt framhjá marki Valsmanna.

Það gleymist aðeins en það er Europa League sæti undir bikarúrslitunum, í fyrsta skipti. Ef Valur vinnur deild og bikar fær annað sætið í deild EL sætið. #fotboltinet

— Magnús Sigurbjörnsson (@sigurbjornsson) August 22, 2025

Stuðningsmenn liðanna láta vel í sér heyra og það er rosalega mikil stemming hér í Laugardalnum í kvöld.

Valsmenn fá aukaspyrnu í fyrirgjafastöðu, Tryggvi tekur en Thibang Phete skallar frá.

Valsmenn halda mun betur í boltann hér fyrstu fimm mínúturnar.

Jónatan Ingi sker inn á vinstri fótinn í teignum og lætur vaða, en tilraunin fjarri markinu.

Verið með okkur á Twitter og takið þátt í umræðu um þennan leik í kvöld með því að nota myllumerkið #fotboltinet

Albin Skoglund með góðan sprett, en Fatai fer í hressilega tæklingu og gerist brotlegur. Ekkert kemur þó upp úr aukaspyrnu Valsmanna.

Diego Montiel á upphafsspyrnu úrslitaleiks Mjólkurbikarsins 2025! Valsmenn leika í rauðu, Vestri í dökkbláu.

Við hlýðum á þjóðsönginn góða.

Liðin ganga til vallar, stemningin í hámarki og hybrid-grasið skartar sínu fegursta, allt eins og það á að vera!

Bikarúrslit hér í kvöld og við fáu inn ansi skemmilega spesjala inn á Epic. Þar á meðal er Valur vinnur titlinn, Patrick Pedersen skorar og yfir 11 hornspyrnur gefur stuðulinn 6.50

45 mínútur í leik og áhorfendur eru strax mættir inn á völlinn og láta að sér kveða.

Formenn meistaraflokksráða hjá þessum félögum; Breki Logason hjá Val og Samúel Samúelsson hjá Vestra, hittust á Laugardalsvelli núna í morgunsárið og hjálpuðust að við að setja upp fána og borða frá báðum liðum og gera umgjörðina eins og best verður á kosið. Benedikt Bóas, stuðningsmaður Vals og Guðrún Máney, dóttir Samma, voru einnig mætt til að aðstoða. Allir vinir að morgni leikdags.

Stuðningsmenn Vals hittast í upphitun á veitingastaðnum Ölveri í Glæsibæ þar sem Benedikt Bóas Hinriksson verður veislustjóri og fær til sín góða gesti sem hjálpa til við að hita upp fyrir leikinn. Má þar nefna Bjarna Ólaf Eiríksson, Baldur Aðalsteinsson, Arnar Svein Geirsson og Baldur Bongó. Dagskrá hefst upp úr klukkan 16. Vestri verður með fyrirpartí fyrir sína stuðningsmenn í veislusal Þróttarheimilisins og opna dyrnar klukkan 15. Hoppukastalar, andlitsmálning og allt þetta klassíska.

   22.08.2025 12:10

Álitsgjafar spá í bikarúrslitin

Davíð Smári Lamude hefur náð stórglæsilegum árangri sem þjálfari Vestra. Hann ræddi við Fótbolta.net á Laugardalsvelli og var spurður að því hvort það væri ekki góð tilhugsun að bikarinn gæti verið kominn á Ísafjörð um helgina? Þurfum að stækka og þora að vinna „Ég ætla ekki alveg að hugsa það langt, ég er að hugsa út í að liðið mitt sé vel undirbúið fyrir leikinn. Það skiptir gríðarlegu máli að leikmenn séu klárir í það sem fram fer á föstudaginn. Við þurfum að fá orku frá þessu mómenti sem við erum að fara að upplifa með okkar stuðningsmönnum. Við þurfum að stækka á föstudaginn, taka skref fram á við og þora að vinna. Við þurfum að ætla að vinna," segir Davíð. „Það skiptir gríðarlega miklu máli fyrir mig og ég efast ekki um að leikmenn Vestra munu ekki gera neitt annað en að stækka við tilefnið á föstudaginn. Það er enginn vafi í mér að við getum þetta. Ég er 100% klár á að við getum þetta. Við getum skapað minningar sem verða með okkur um aldur og ævi. Þetta hljómar dramatískt en lífið og fótboltinn eiga það sameiginlegt að við erum að reyna að búa til stórar minningar," segir Davíð. Ofboðslega góðar minningar Vestri á góðar minningar frá Laugardalsvelli, þar sem liðið vann úrslitaleik um að komast upp í Bestu deildina fyrir tveimur árum. „Það mun klárlega hjálpa okkur að við eigum ofboðslega góðar minningar héðan. Við erum rosalega þakklátir fyrir þessar minningar. Fyrir marga sem voru í liðinu þá er þetta eitt það stærsta sem þeir hafa upplifað. Það er rosalega gaman að spóla til baka í hausnum og fara yfir þetta móment, sýna börnunum þetta og upplifa það aftur í sjónvarpinu og annað," segir Davíð. „Lið Vestra er andlega rosalega stórt og ég tel að liðið stækki enn frekar hér á föstudaginn." Valur er á toppi Bestu deildarinnar og er sigurstranglegra liðið fyrir úrslitaleikinn. Hvernig lýst Davíð á andstæðingana? „Það er fátt skemmtilegra en að berjast við lið sem er á toppnum og virðist koma upp úr ákveðinni lægð sem það hefur verið í undanfarin ár. Það er gríðarlega gaman að andstæðingurinn sé stór og við höfum allt að vinna í þessum leik," segir Davíð.

„Það er mikill spenningur og tilhlökkun fyrir þennan leik. Ég er þakklátur og stoltur af því að við fáum tækifæri til að spila þennan leik fyrir okkar félag. Fólk hefur beðið lengi eftir því að spila svona úrslitaleik, bikarúrslitaleikir eru með öðruvísi sjarma," segir Túfa, Srdjan Tufegdzic, þjálfari Vals. „Ég vona innilega að það verði góð mæting. Það hefur verið vaxandi stemning og stuðningur hjá okkar fólki í sumar. Við fáum ekki betra tækifæri til að koma saman og vinna þetta saman." Mikil virðing fyrir Vestra „Ég ber mikla virðingu fyrir Vestra og það sem hefur verið gert hjá félaginu undanfarin ár. Það hefur verið mikill uppgangur síðan Bjarni Jó var þjálfari og Davíð kemur inn og tekur þetta á næsta stig. Ég þekki Samma vel og var að aðstoða hann með leikmenn þegar ég var úti í Svíþjóð." „Þetta verður hörkuleikur. Við höfum þrisvar spilað við Vestra á þessu ári og það hafa allt verið hörkuleikir. Það má búast við því sama á föstudaginn. Við höfum trú á okkur sjálfum og erum með leikmenn sem þekkja það að spila bikarúrslitaleik og vinna. Nú er bara fullur fókus á að undirbúa okkur besta." Gæti vel orðið lokaður leikur Vestraliðið er vel skipulagt lið sem getur verið erfitt að brjóta á bak aftur. Túfa hefur sjálfur verið þekktur fyrir varnarleik og því eðlileg spurning hvort búast megi við lokuðum leik þar sem fátt verður um færi? „Það gæti vel verið. Fótbolti er þannig að sama hvernig þú undirbýrð leikinn og planar þá getur alltaf gerst eitthvað óvænt og þess vegna elskar fólk að horfa á fótbolta. Mark breytir leikjum og þá fer leikurinn kannski í allt aðra átt. Við þurfum að vera með hausinn rétt skrúfaðan á og rétt spennustig. Verkefni okkar þjálfarana er að stilla þetta rétt fyrir föstudaginn," segir Túfa. Það hafa verið talsverðar framkvæmdir á Laugardalsvelli og Túfa segir að umgjörðin í kringum leikinn verði samanburðarhæf við stóra leiki erlendis. „Geggjað. Þegar maður skoðar völlinn núna og hvernig hann lítur út eftir að það kom hybrid gras og öll hvernig umgjörðin er minnir á stóra leiki erlendis. Það eru tvö góð lið með frábæra stemningu að fara að mætast."

Fyrir tveimur árum fögnuðu Vestramenn á Laugardalsvelli og nú snúa þeir aftur á sama völl. Vestri vann Aftureldingu í úrslitaleik umspils Lengjudeildarinnar fyrir tveimur árum 1-0. Elmar Atli Garðarsson, fyrirliði Vestra, telur að sú reynsla muni hjálpa liðinu á í úrslitaleik Mjólkurbikarsins. „Ég held að við munum njóta góðs af því að hafa spilað hérna áður. Það er oft erfitt að koma í fyrsta sinn á svona völl og spila leik. Við höfum prófað þetta áður og eigum eftir að njóta góðs af því," segir Elmar. Það hafa þó orðið talsverðar breytingar á Laugardalsvelli á tveimur árum, sú stærsta er að komið er hybrid gras. „Ég er búinn að labba út á völl og þetta lítur hrikalega vel út. Það er ekkert því til fyrirstöðu að við gerum það sama og við gerðum hérna fyrir tveimur árum." Hvernig er tilhugsunin að mögulega mun Vestri standa uppi með bikarmeistaratitil og Evrópusæti? „Það er villtur draumur sem maður hefði kannski ekki alveg trúað þegar maður byrjaði í þessu með félaginu. Það er æðislegt að vera kominn á þennan stað og ef svo fer þá eigum við það fyllilega skilið," segir Elmar. Vestri mun halda sterkt í sín gildi og Elmar telur líklegt að leikurinn verði lokaður. „Ég held að við eigum eftir að gera það. Í svona leikjum þegar mikið er undir þá á þetta til að vera lokað. Ég býst frekar við því en opnum leik. Valur er með frábært lið, með marga góða leikmenn sem geta klárað leiki upp á sitt einsdæmi. Að sama skapi erum við með leikmenn sem geta mætt því."

Hvernig er tilfinningin að vera að fara að spila þennan stærsta leik Vals í langan tíma? „Það er meiriháttar. Þetta er minn fyrsti bikarúrslitaleikur á Íslandi. Það er mikil eftirvænting," segir Hólmar Örn Eyjólfsson, fyrirliði Vals. Valur er talið sigurstranglegra liðið en Vestramenn eru erfiðir viðureignar. „Klárlega. Þeir hafa sýnt það yfir allt tímabilið. Þeir eru virkilega vel skipulagðir og gefa fá færi á sér. Þeir eru líka með leikmenn sem geta meitt okkur í skyndisóknum. Við þurfum að finna leiðir til að brjóta þá á bak aftur."

Valur 32 liða úrslit - Grindavík - Valur 1-3 16 liða úrslit - Valur - Þróttur R. 2-1 8 liða úrslit - ÍBV - Valur 0-1 Undanúrslit - Valur - Stjarnan 3-1 Vestri 32 liða úrslit - Vestri - HK 3-3 (5-4 vítakeppni) 16 liða úrslit - Breiðablik - Vestri 1-2 8 liða úrslit - Vestri - Þór 2-0 Undanúrslit - Vestri - Fram 0-0 (5-3 vítakeppni)

   21.08.2025 13:25

Valsarar hita upp á Ölveri og Vestrafólk í Þróttarheimilinu

Liðin hafa mæst tvisvar í Bestu deildinni, gerðu 1-1 jafntefli á Hlíðarenda í upphafi tímabils og svo vann Valur 2-0 útisigur á Ísafirði. Í sögunni hafa liðin einu sinni mæst í bikarleik og þá urðu heldur betur óvænt úrslit.

   19.08.2025 13:00

Einu sinni áður mæst í bikarnum og þá vann Vestri - „Ein óvæntustu úrslit síðari ára“

Sigurður Hjörtur Þrastarson dæmir leikinn en hann hefur vaxið mikið sem dómari og hefur verið einn besti dómari sumarsins. Aðstoðardómarar í úrslitaleiknum verða Patrik Freyr Guðmundsson og Eðvarð Eðvarðsson. Arnar Þór Stefánsson verður fjórði dómari.

Sigurvegarar í bikarkeppni KSÍ KR (14) Valur (11) ÍA (9) Fram (8) ÍBV (5) Víkingur R. (5) Keflavík (4) FH (2) Fylkir (2) Breiðablik (1) ÍBA (1) Stjarnan (1) KA (1)

Valur, sem er í toppsæti Bestu deildarinnar, mætir Vestra, sem er í fimmta sæti. Undir ljósunum á föstudagskveldi á nýja hybrid grasinu. Er hægt að biðja um það betra?

   21.08.2025 13:30

Svona eru líkleg byrjunarlið fyrir bikarúrslitaleikinn