Grindavík verður í pottinum þegar dregið verður í 16-liða úrslit á fimmtudaginn!

Rafael Victor fyrstur á punktinn.

Tvö mörk alveg í restina hérna og við fáum vítaspyrnukeppni til að útkljá þetta!

Hornspyrna frá Keflavík sem fellur fyrir Ernir Bjarna og hann þrumar Grindvíkng niður og Keflavík fær annað horn.

Ingi Þór tekur spyrnuna en hún er afleit hátt yfir í markmannshornið.

Grindavík fær aukaspyrnu rétt fyrir utan vítateig Keflavíkur. Axel Ingi brotlgur í baráttunni við Inga Þór.

Vel hægt að skjóta úr þessari spyrnu.

Þorlárkur Breki Baxter með fínustu fyrirgjafir hjá Keflavík en vantar bara einhvern á endan á þessum fyrirgjöfum.

Keflavík með innkast sem Stefan Ljubicic flikkar á fjær og Baldur Logi á gott skot á nærstöng sem Hjörvar Daði ver virkilega vel.

Keflavík heldur pressunni og vinnur svo hornspyrnu sem Grindvíkingar koma svo frá.

Stefan Ljubicic sparkar okkur af stað í síðasta korterið.

+1
Enn jafnt eftir fyrri hálfleik framlenginunnar. Þreytumerki farin að sjást á liðunum, eðlilega kannski.

Fáum korter í viðbót til að fá mark í þetta annars bíður okkar vítaspyrnukeppni til að útkljá þetta.

Baldur Logi keyrir Rafael Victor niður en sleppur við spjald. Hefði vel verið hægt að rífa upp svörtu bókina þarna.

Keflavík reynir að sækja hratt en sendinginn of innarlega beint í fangið á Hjörvari Daða.

Eiður Orri í færi en þrumar í hliðarnetið.

Baldur Logi lætur vaða að marki en hátt yfir.

Aðeins farið að sjást þreytumerki á liðunum.

Keflavík í lofandi sókn og Stefan Ljubicic vinnur hornspyrnu.

Keflavík fær hornspyrnu sem litlu mátti muna að Nacho Heras hefði náð að pota boltanum inn úr.

Grindvíkingar byrja með boltann í framlenginunni.

Boltinn vill ekki inn og það er markalaust eftir venjulegan leiktíma!

+3
Baldur Logi með skot sem Hjörvar Daði ver og Keflavík heldur boltanum og Ásgeir Páll fær svo annað tækifæri og aftur ver Hjörvar Daði.

+2
Rúnar Ingi í fínasta skotfæri en hittir ekki á rammann!

Rafael Victor með snúning og kemur skoti á markið en Ásgeir Orri ver þetta!

Eiður Orri kemur sér í gott skotfæri en þrumar boltanum svo framhjá! Hefur líklega farið í einhvern á leiðinni því Keflavík fær hornspyrnu.

Christian Bjarni á flotta fyrirgjöf sem Rúnar Ingi skallar í Anton Kralj og að marki sem Ásgeir Orri þarf að hafa sig allan við að blaka yfir markið!

Enn ein hornspyrnan sem ekkert kemur úr í þessum leik og nú frá Kelfavík.

Grindavík sækja hratt en Keflavík kemst fyrir skot Heiðars Snærs. Grindavík heldur boltanum og nær öðru skoti að marki en það er auðvelt fyrir Ásgeir Pál í marki Keflavíkur.

Keflavík í hörku færi! Eiður Orri nær að koma boltanum á Dag Inga í fínu færi en Hjörvar Daði nær að loka á hann!

Boltinn vill ekki inn!

Keflavík búnir að ýta Grindvíkingum vel aftur.

Keflavík í þungri sókn sem endar með skoti hátt yfir markið frá Davíð Helga.

Grindvíkingar reyna að leita leiða í kringum varnarmúr Keflavíkur en eru ekki að finna leiðir. Ingi Þór með fínasta sprett og reyndi að lauma Rafael Victor í gegn en tókst ekki.

Endana á milli þessa stundina en hvorugu liði tekist að koma marktilraun á rammann.

Leikurinn stopp meðan hugað er að Inga Þór hjá Grindavík. Halid Alghoul rann á hann í baráttu um boltann og Ingi Þór fann vel fyrir því.

Eiður Orri reynir skot en Damir skallar það frá.

Grindvíkingar aðeins að komast í takt aftur.

Rúnar Ingi í skotfæri en framhjá fer það.

Grindavík fær þó hornspyrnu en Ásgeir Orri grípur spyrnuna.

Allt annað að sjá til Keflavíkurliðins núna í seinni!

Ásgeir Páll býr sér til flott færi en Grindvíkingar verjast vel.

Stefan Ljubicic á skot sem Hjörvar Daði ver.

Keflavík mæta með miklum krafti út í seinni hálfleikinn og eru mun grimmari.

Aukaspyrna frá Þorláki Breka Baxter fyrir markið fer á fjærstöngina og Dagur Ingi á skalla sem Grindavík bjarga á línu!

Aukaspyrna dæmd þegar Ásgeir Páll er tekinn niður rétt fyrir framan vítateigslínuna hægra meginn.

Rafael Victor sparkar þessu af stað aftur.

Grindavík verið sterkari aðilinn hér í fyrri hálfleik. Bæði lið fengið sín færi en Grindvíkingar verið i hættulegri færum.

Fáum vonandi einhver mörk í þetta í seinni en við tökum okkur stutta pásu.

Einni mínútu bætt við fyrri hálfleikinn.

Stefan Ljubicic reynir skot sem er hættulítið beint á Hjörvar Daða.

Grindavík vinnur horn eftir flotta sókn en það er afskaplega lítið að koma úr þessum hornum.

Ingi Þór með flottan sprett upp að endalínu og kemur boltanum fyrir þar sem Valur Þór mætir en Davíð Helgi nær að henda sér fyrir og bjarga í horn.

Ásgeir Páll í skotfæri eftir innkast en hittir boltann illa og hann fer beint í hendur Hjörvars Daða.

Halid Alghoul leggur boltann fyrir Dag Inga sem ætlar að rista hann en hittir hann ekkert sérstaklega og framhjá fór það.

Flott fyrirgjöf fyrir mark Grindavíkur en Stefan Ljubicic á lausan skalla í frábærri stöðu sem Hjörvar Daði á ekki í vandræðum með.

Rafael Victor býr sér til frábært skot sem smellur í stönginni og Rúnari Ingi Eysteinsson fær frákastið en dregur boltann framhjá!

Grindvíkignar taka aukaspyrnuna og koma boltanum inn á teig þar sem Rúnar Ingi sýndist mér það vera var í frábæru færi en Ásgeir Orri gerði sig breiðan og varði gríðarlega vel!

Ásgeir Páll með frábæran bolta fyrir markið og Dagur Ingi grunsamlega frír á teignum stýrir boltanum í stöngina!

Rafael Victor með stungu ætlaða Rúnari Inga en aðeins of föst og Ásgeir Orri er á undan í boltann.

Ingi Þór með skemmtilega sendingu inn á teig ætlaða Vali Þór en Ásgeir Orri kemst á milli.

Keflvíkingar aðeins farnir að ýta sér ofar.

Sindri Snær í flottri fyrirgjafarstöðu en sendingin fyrir markið afleit og endar í innkasti fyrir Grindavík.

Halid Alghoul með fyrirgjöf fyrir markið en Damir kemur boltanum frá með herkjum.

Grindvíkingar verið hættulegri hérna í upphafi leiks.

Grindvíkingar fá fyrstu hornspyrnu leiksins.

Ingi Þór tíar upp Harald Björgvin í frábæru færi en hann skýtur framhjá!

Þetta var dauðafæri!

Ingi Þór fær boltann úti vinstra meginn og lætur bara vaða - Fínasta skot en framhjá fer það.

Eiður Orri með tilraun sem fer framhjá markinu. Fínasta spil upp hægri en skotið framhjá.

Keflavík byrjar með boltann.

Grindavík er enn eitt árið að móta sitt lið rétt fyrir sumarið, Keflvíkingar voru snemma tilbúnir með sitt lið og mæta af krafti eftir stuttan rúnt yfir Reykjanesbrautina, -1 á Keflavík er frábærlega boðið

Byrjunarliðin eru klár og má sjá hér til hliðar.

Mér sýnist á öllu að bæði lið séu að stilla upp nálægt sínu sterkasta liði svo það verður skemmilegt að fylgjast með þessari baráttu.

Stefán Jón Friðriksson, Valur Þór Hákonarson og Rúnar Ingi Eysteinsson komu allir frá Keflavík til Grindavíkur fyrir þetta tímabil svo þeir verða sennilega fullir eldmóðs að mæta sínu gamla félagi.

Annars hafa fleirri leikmenn spilað með báðum þessum liðum hér í dag. Sindri Þór Guðmundsson á bekk Grindavíkur er uppalinn í Keflavík og þá spilaði Stefán Ljubicic með Grindavík í efstu deild.

Grindavík sló út Elliða í annari umferð Mjólkurbikarsins með því að leggja þá af velli 2-0 í Árbænum. Mörk Grindavíkur skoruðu Rúnar Ingi Eysteinsson og Valur Þór Hákonarson.

Grindavík döðruðu við falldrauginn í Lengjudeildinni á síðasta tímabili en boða betri tíma í ár en þeir hafa bætt öflugum mönnum við lið sitt fyrir komandi átök í Lengjudeildinni í sumar.

Komnir
Damir Muminovic frá Breiðabliki
Ingi Þór Sigurðsson keyptur frá ÍA (var á láni)
Hjörvar Daði Arnarsson frá ÍBV
Rafael Victor frá Þór
Robert Blakala frá Selfossi
Stefán Jón Friðriksson frá Keflavík
Heiðar Snær Ragnarsson frá KFA
Rúnar Ingi Eysteinsson frá Þrótti V. (var á láni frá Keflavík)
Valur Þór Hákonarson frá Víði (var á láni frá Keflavík)

Farnir
Adam Árni Róbertsson í Þrótt R.
Ármann Ingi Finnbogason í Víking (var á láni frá ÍA)
Rúrik Gunnarsson í Leikni (var á láni frá HK)
Breki Þór Hermannsson í Vestra (var á láni frá ÍA)
Árni Salvar Heimisson (var á láni frá ÍA)
Terry Lartey-Sanniez til Hollands
Kristófer Leví Sigtryggsson í Fylki
Matias Niemela (var á láni frá Vestra)
Dennis Nieblas Moreno til Gíbraltar

Samningslausir
Haraldur Björgvin Eysteinsson
Kristófer Máni Pálsson
Manuel Gavilan Morales
Darren Sidoel
Arnar Smári Arnarsson
Friðrik Franz Guðmundsson

Keflavík mætir til leiks hér í 32-liða úrslitum ásamt öllum liðum Bestu deildarinnar fyrir komandi sumar.

Keflavík fóru upp í Bestu deildina í gegnum umspil Lengjudeildarinnar en þeir enduðu í 5.sæti Lengjudeildarinnar á síðasta tímabili en toppuðu á hárréttum tíma í haust.

Lið Keflavíkur hefur tekið breytingum frá síðasta tímabili en helstu breytingarnar má sjá hér:

Komnir
Anton Kralj frá Vestra
Davíð Helgi Aronsson fá Víkingi á láni (var hjá Njarðvík á láni)
Þorlákur Breki Baxter frá Stjörnunni (var á láni hjá ÍBV)
Baldur Logi Guðlaugsson frá Stjörnunni
Dagur Ingi Valsson frá KA
Halid Alghoul frá Króatíu
Mirsad Basic

Farnir
Kári Sigfússon í Fylki
Sindri Kristinn Ólafsson til Svíþjóðar
Ari Steinn Guðmundsson
Gunnlaugur Fannar Guðmundsson í Hauka
Stefán Jón Friðriksson í Grindavík
Valur Þór Hákonarson í Grindavík (var á láni hjá Víði)
Rúnar Ingi Eysteinsson í Grindavík (var á láni hjá Þrótti V.)

Samningslausir
Marin Mudrazija
Marin Brigic
Rúnar Gissurarson

   19.03.2026 12:00

Spá Fótbolta.net fyrir Bestu deildina: 12. sæti

   19.03.2026 12:30

„Við teljum okkur eiga heima hérna"

   19.03.2026 12:45

Niðurtalningin - Keflvíkingar láta sig dreyma um Forsetabikarinn

Verið hjartanlega velkomin í þessa þráðbeinu textalýsingu frá leik Grindavíkur og Keflavíkur í 32-liða úrslitum Mjólkurbikars karla.

Leikurinn fer fram í knatthúsi Hauka.

   05.04.2026 21:12

Sjáðu bikarmörkin: Markaveisla um páskahelgina

Leikir dagsins - Mjólkurbikar karla
13:00 Grindavík-Keflavík (Knatthús Hauka)
13:00 Fjölnir-HK (Egilshöll)
13:00 ÍA-Haukar (Akraneshöllin)
14:15 Grótta-Álftanes (Miðgarður)
17:00 KR-Valur (Egilshöll)