Ívar Orri flautar til leiksloka. Sigur KR er svo sannarlega verðskuldaður. Valsmenn fóru alla leið í úrslit í fyrra en hafa lokið þátttöku í Mjólkurbikarnum þetta árið. Viðtöl og skýrsla innan skams.

Guðmundur Andri með tilraun sem fer hátt yfir mark Valsmanna.

Aron Sig með aðra tilraun en að þessu sinni fer hún langt framhjá marki gestanna.

Aron Sig reynir að lyfta boltanum yfir Frederik Schram sem handsamar boltann auðveldlega.

Guðmundur Andri með frábæran sprett og tekur fast skot sem Frederik ver vel, boltinn á Eið Gauta sem skýtur á markið en Frederik fljótur til og ver aftur frábærlega.

Valsmenn koma með bolta í gegn. Arnar Freyr markvörður KR hátt uppi á vellinum og fer harkalega í Tryggva Hrafn. Ívar Orri dæmir þó brot á Tryggva Hrafn og KR-ingar fá aukaspyrnu. Höddi Magg situr við hliðina á mér, hann segir Arnar í órétti og heimtar rautt spjald í lýsingu sinni.

KR-ingar leika sér að eldinum. Ætla sér að spila út frá marki en Valsmenn komast inn í sendinguna. Boltinn berst þó beint á Arnar markmann og Vesturbæingar halda í boltann.

Gabríel Hrannar með glórulausa sendingu sem Birkir Heimis kemst inn í. Arnar Freyr ekki í markinu en Birkir áttar sig ekki á því að hann hefur nægan tíma og flýtir sér í skotið sem fer framhjá. Valsmenn að sækja í sig veðrið!

Valur fær hornspyrnu.

Frederik Schram missir auðveldan bolta frá sér, boltinn fer í Eið Gauta sem kveikir ekki á mistökum markvarðarins og Schram handsamar boltann að lokum. Þetta hefði verið gjöf hefði Eiður verið klár. Mjög furðuleg atburðarás.

Aron Sig með frábæra tilraun, ætlar sér að lyfta boltanum yfir Frederik sem kemur fingurgómunum í boltann. Því næst á Ástbjörn tilraun sem fer í varnarmann. Þarna mátti engu muna!

Liggur niðri, lítur ekki vel út. Snýr á sér ökklann og biður samstundis um skiptingu. Kom inn á fyrir fimm mínútum en neyðist til að fara af velli.

Eiður Gauti sparkar þessu í gang.

Ívar Orri dómari flautar til hálfleiks. KR-ingar með tveggja marka forystu. Eins vel og KR-ingar líta út þá er útlitið ekki jafn bjart fyrir Hlíðarendafélagið, amk. ekki ef miðað er við þessar 45 mínútur.

KR-ingar fá hornspyrnu. Boltinn fer manna á milli í teignum en Valsmenn koma hættunni að lokum.

Arnór Ingvi með góða tilraun! Lætur vaða fyrir utan teig en Frederik Schram ver vel í marki gestanna.

Michael Akoto liggur eftir og leikurinn stöðvaður.

Lúkas Logi með þrumuskot sem Arnar ver upp í loftið og kýlir loks frá.

Lætur vaða úr aukaspyrnunni, Frederik nær að setja fingurgómana í boltann og ver vel.

Dagur Orri nálægt því að minnka muninn. Fær sendingu frá Tryggva Hrafni og lætur vaða af stuttu færi en boltinn í stöngina.

Adam Ægir byggir upp skemmtilega sókn, sem endar með því að hann gefur fyrir á Tryggva Hrafn sem á kraftlítinn skalla að marki.

Tryggvi Hrafn búinn að sleppa í gegn tvívegis með stuttu millibili en í bæði skiptin verið flaggaður rangstæður.

Gabríel Hrannar með skalla að marki gestanna en Frederik Schram handsamar boltann örugglega.

Hörður Ingi fær sendingu upp vinstri kantinn, hann kemur með hættulega sendingu fyrir markið en Tryggvi Hrafn nær ekki að reka stóru tána í boltann.

Michael Akoto mundar nú skotfótinn en setur boltann yfir mark Vals.

Arnór Ingvi Traustason með skot af löngu færi sem fer framhjá marki Vals.

Aron Sig með skot sem fer af varnarmanni og í utanverða stöngina.

Óhætt að segja það að KR-ingar líta ansi vel út hérna fyrstu tíu mínúturnar. Valsmenn ekki komist yfir miðju.

Gabríel Hrannar með þrumuskot utan af velli en Frederik Schram ver vel í marki Vals.

KR-ingar halda betur í boltann. Þegar boltinn tapast pressa þeir stíft, eins og við mátti búast.

Dagur Orri Garðarsson á upphafsspark leiksins.

Hinn 16 ára gamli Sigurður Breki Kárason fékk höfuðhögg í landsliðsverkefni og er ekki með KR-ingum í dag. Þetta kom fram í útsendingu RÚV. Strákur sem er gríðarlega spennandi.

   05.04.2026 15:33

„Myndi borga mig inn 100-200 þúsund til að horfa á hann spila"

Leikmenn ganga til vallar, Heyr mína bæn í tækunum og liðin fá mikið lófatak úr stúkunni.

Fínasta stemning að myndast hérna í Egilshöllinni, Big Sexy í græjunum og fólk farið að tínast inn.

Þá er búið er að opinbera byrjunarliðin og má sjá þau í heild sinni hér til hliðar. Annars er það helst að Óskar Hrafn byrjar áfram með Arnar Frey Ólafsson í markinu. Þeir Michael Akoto og Finnur Tómas eru þar fyrir framan í hafsentum. Það vekur athygli að Hrafn Tómasson er í byrjunarliði KR en hann var á láni hjá Þrótti í vetur. Þeir Aron Sigurðarson og Arnór Ingvi Traustason eru jafnframt báðir í byrjunarliði Vesturbæinga. Hrafn Tómasson. Hermann Hreiðarsson byrjar með Frederik Schram í markinu en hann hefur verið að glíma við meiðsli á undirbúningstímabilinu. Þá byrjar Dagur Orri Garðarsson fremstur, en hann gekk til liðs við félagið frá HK í vetur. Jónatan Ingi Jónsson byrjar á bekknum en hann hefur einnig verið að glíma við meiðsli. Hemmi og Dagur Orri á tali í leik með HK síðasta sumar.

   30.03.2026 12:00

Spá Fótbolta.net fyrir Bestu deildina: 5. sæti

   30.03.2026 12:30

„Sú vitneskja gerir mann að sterkari einstakling"

   30.03.2026 12:45

Niðurtalningin - Skála í kampavíni af öðru tilefni í sumar

   27.03.2026 14:00

Spá Fótbolta.net fyrir Bestu deildina: 6. sæti

   27.03.2026 14:30

„Við ætlum að reyna að verða Íslandsmeistarar"

   27.03.2026 14:45

Niðurtalningin - Hemmi hefur allt að sanna

Upprunalega átti leikurinn að fara fram á Meistaravöllum vestur í bæ en vegna veðurs var hann færður inn í Egilshöll. Leiknum var jafnframt seinkað um klukkustund en það er vegna leiks HK og Fjölnis sem hefst klukkan 13:00. Sjálfur verð ég á báðum leikjum og hvet flesta til þess að gera slíkt hið sama! Til þess má geta að allir leikir dagsins í Mjólkurbikarnum fara fram innanhúss.

Heilir og sælir lesendur góðir og gleðilega páska! Hér verður bein textalýsing frá stórleik 32-liða úrslita í Mjólkurbikarnum þar sem KR tekur á móti Val inni í Egilshöllinni.