Heldur betur dramatískur sigur HK-inga. Þeir verða í pottinum þegar dregið verður í 16-liða úrslit Mjólkurbikarsins.

Viðtöl og skýrsla innan skams.

HK fær hornspyrnu.

Tumi Þorvars með þrumuskot sem fer yfir mark gestanna.

Nú fá gestirnir hornspyrnu, boltinn á Radic sem skallar yfir.

Mikil spenna í loftinu þessa stundina. Bæði lið sækja til sigurs.

Heimamenn fá hornspyrnu en HK-ingar skalla frá.

HK-ingar fá hornspyrnu.

Atli Þór Gunnarsson með lúmska tilraun úr aukaspyrnu sem fer rétt framhjá marki heimamanna.

Jóhann Þór keyrir að marki með miklu harðfylgi. Nær að pota boltanum undir Snorra markvörð. Enginn í markinu en Jói týnir boltanum og Fjölnismenn koma hættunni frá á ögurstundu.

Tumi Þorvars með hættulega fyrirgjöf, en Jóhann Þór tekst ekki að reka stóru tána í boltann og Snorri ver. HK-ingar hættulegir!

HK fær hornspyrnu, en ekkert kemur upp úr henni.

Jóhann Þór með tilraun úr erfiðri stöðu sem fer framhjá marki heimamanna.

Viktor Andri fer á punktinn, tekst honum að fullkomna þrennuna?

Þvílíkar mínútur hér í Egilshöll!

Bjarni Hafstein sækir vítaspyrnuna, sá því miður ekki hver var brotlegur.

HK-ingar þrjár hornspyrnur með stuttu millibili. Sú þriðja endar með skalla yfir frá Sigurði Gunnari.

Með skot af stuttu færi en Snorri ver vel í marki Fjölnis. Boltinn í hornspyrnu!

Gestirnir sparka þessu af stað.

+3

Fjölnismenn fara með tveggja marka forystu í hálfleik og það nokkuð sanngjarnt. Heimamenn hafa verið grimmari og fengið betri færi. HK-ingar þurfa betri frammistöðu hér í síðari hálfleik til að eiga séns.

+1

Arnþór Ari með skalla úr teignum sem fer í stöngina. HK-ingar að sækja í sig veðrið rétt fyrir hlé.

Bjarni Hafstein vinnur boltann hátt uppi á vellinum og nær tilraun á markið en Ólafur Örn á í litlum vandræðum með að handsama boltann.

Góð sókn HK-inga sem endar með því að Jóhann Þór setur boltann í netið af stuttu færi en flaggið fer réttilega á loft.

Aftur fá HK-ingar hornspyrnu sem ekkert kemur upp úr.

Gestirnir fá hornspyrnu, taka það stutt en Atli Þór missir boltann aftur fyrir endalínu og Fjölnismenn fá markspyrnu.

Árni Steinn Sigursteinsson komst einn á móti Ólafi markverði en setti boltann framhjá! Þetta var sannkallað dauðafæri.

Fjölnismenn að sækja, eiga tvö skot sem enda í varnarmönnum áður en síðasta skotið fer yfir markið.

Þess má geta að fyrsta mark dagsins er komið. Viktor Jónsson hefur komið ÍA yfir gegn Haukum.

Ívar Örn Jónsson tekur hornspyrnu fyrir HK en Fjölnismaður skallar frá.

Birgir Þór Jóhannsson flaggaður rangstæður.

HK-ingar hafa verið að ná að opna vörn Fjölnis síðustu mínútur og hafa unnið sína fyrstu hornspyrnu.

HK kemst í hættulega sókn en Snorri Þór Stefánsson í marki Fjölnis mætir út úr teignum og stöðvar þetta.

Aftur fær HK horn. Snorri kýlir boltann út beint á Jóhann Þór sem tekur viðstöðulaust skot en setur boltann langt framhjá.

Fjölnismenn fengið tvær hornspyrnu. Ólafur í mark HK grípur seinni hornspyrnuna auðveldlega. Æfingabolti.

Bjarni Þór Hafstein með skot sem Ólafur Örn Ásgeirsson, markvörður HK, nær að verja. Var frekar þröngt færi. Fjölnir fær fyrstu hornspyrnu leiksins.

Þrír bikarleikir sem voru að hefjast rétt í þessu og þeir eru auðvitað allir í beinum textalýsingum hjá okkur á Fótbolta.net. Auk leiksins í Egilshöllinni þá eru ÍA og Haukar að leika í Akraneshöllinni og þá spila Grindavík og Keflavík í knatthúsi Hauka.

Fjölnismenn leika í átt að Keiluhöllinni í fyrri hálfleik. Góða skemmtun!

Meðalaldur byrjunarliðs Fjölnis er 23 ár og hjá HK 24 ár. Yngsti leikmaður í byrjunarliðunum er Þorvaldur Smári Jónsson hjá HK sem er 2008 módel, 17 ára gamall miðjumaður. Hann æfði til reynslu hjá Sunderland í vetur.

Fjölnir-HK öskrar ekki á neitt annað en mörk, þjálfarateymi Fjölnis mun ekki leggjast til baka og verja markið sitt, yfir 4 á epic er 1.91

Veðurstofa Íslands hefur gefið út gular og appelsínugular viðvaranir um allt land í dag. Flestum leiðum að höfuðborgarsvæðinu hefur verið lokað. Allir bikarleikir dagsins eru spilaðir innanhúss. Mikið stuð!

Aðstoðardómarar: Ragnar Þór Bender og Jón Reynir Reynisson.

HK-ingar töpuðu úrslitaleik umspilsins í Lengjudeildinni í fyrra þegar þeir fengu skell gegn Keflavík. Gunnar Heiðar Þorvaldsson er tekinn við stjórnartaumunum og Kópavogsliðið ætlar að gera aðra tilraun í að fara upp í Bestu deildina.

Komnir
Svavar Örn Þórðarson frá Njarðvík
Sigurður Gunnar Jónsson frá Stjörnunni á láni
Dominik Radic frá Njarðvík
Atli Hrafn Andrason frá KR

Farnir
Dagur Orri Garðarsson í Val (var á láni frá Stjörnunni)
Eiður Atli Rúnarsson í ÍBV
Kristján Snær Frostason í FH
Bart Kooistra í Aftureldingu
Marten Leon Jóhannsson til Bröndby
Hákon Ingi Jónsson
Rúrik Gunnarsson í Leikni (var á láni hjá Grindavík)
Kári Gautason í KA (var á láni)

Samningslausir
Atli Arnarson

Fjölnismenn féllu úr Lengjudeildinni í fyrra og leika því í 2. deildinni í sumar. Þjálfari liðsins er herra Fjölnir, Gunnar Már Guðmundsson.

Komnir
Viktor Andri Hafþórsson frá Þrótti R.
Aron Fannar Hreinsson frá Ægi
Patryk Hryniewick frá Leikni
Oscar Wasilewski frá Kára
Helgi Snær Agnarsson frá KFG
Axel Freyr Ívarsson frá Kára (var á láni)

Farnir
Rafael Máni Þrastarson til ÍA
Sigurjón Daði Harðarson í Fram
Hilmar Elís Hilmarsson í ÍA (var á láni)
Egill Otti Vilhjálmsson í Fram (var á láni)
Þengill Orrason í Fram (var á láni)
Jón Kristinn Ingason í Þrótt Vogum (var á láni)
Árni Elvar Árnason í Leikni
Kristófer Dagur Arnarsson í Val
Laurits Nörby til Færeyja

Samningslausir
Brynjar Gauti Guðjónsson
Brynjar Elí Jóhannsson

Hér fylgjumst við með gangi mála í leik Fjölnis og HK í 32-liða úrslitum Mjólkurbikarsins. Leikurinn er sýndur beint og í opinni dagskrá í gegnum Livey og þessi lýsing er í gegnum þá útsendingu.

Leikir dagsins:
13:00 Grindavík-Keflavík (Knatthús Hauka)
13:00 Fjölnir-HK (Egilshöll)
13:00 ÍA-Haukar (Akraneshöllin)
14:15 Grótta-Álftanes (Miðgarður)
17:00 KR-Valur (Egilshöll)

   05.04.2026 21:12

Sjáðu bikarmörkin: Markaveisla um páskahelgina