SKÝRSLAN: Jafntefli í blíðunni á Hásteinsvelli
Hvað réði úrslitum?
Þetta var leikur tveggja hálfleika. Eyjamenn voru mikið sterkari í fyrri hálfleik og sköpuðu nokkuð góð færi. FHingar hins vegar komu sterkari til leiks í síðari hálfleik. Hefðu getað stolið sigrinum undir lokin en jafntefli er sanngjörn niðurstaða.
Bestu leikmenn
1. Viggó Valgeirsson
Var líflegur í holunni, var að taka góð hlaup og finna góðar stöður til þess að fá boltann. Kom sér í góðar skotstöður. Hann skoraði svo sitt fyrsta mark í efstu deild þegar hann kom Eyjamönnum yfir.
2. Marcel Zapytowski
Átti góðan leik milli stanganna hjá ÍBV. Varði nokkrum sinnum vel og varði svo líka vítaspyrnu Kjartans Kára í síðari hálfleik.
Atvikið
Eyjamenn áttu að fá vítaspyrnu í fyrri hálfleik í stöðunni 0-0 þegar Bjarki Björn var tekinn niður inn í teig. Verð svo líka að nefna jöfnunamark FHinga þegar Milan Jezdemirovic sendi skelfilega sendingu til baka á Marcel í markinu og upp úr því kom jöfnunamark FH.
Hvað þýða úrslitin?
Bæði lið sjálfsagt fúl en á sama tíma ánægð með stigið miðað við hvernig leikurinn þróaðist. Fyrsta umferð og stig í hús á bæði lið.
Vondur dagur
Kjartan Kári var líklega hættulegasti maður vallarins en aftur á móti fór hann mjög illa með færin sín og klúðraði að auki vítaspyrnu.
Dómarinn - 5
Ekki hans dagur í dag. Bæði lið geta verið pínu óánægð með hans störf og þó kannski sérstaklega ÍBV sem áttu að fá vítaspyrnu.