Þvílíkur leikur hjá Þórsurum en Valsmenn þurfa líta í spegil eftir þennan leik.

Viðtöl og skýrsla detta inn seinna í kvöld, þangað til næst takk fyrir mig og lifið heil!

Valsarar keyra upp í sókn og Aron ver stórkostlega frá Degi Orra af stuttu færi. Dagur fær þá boltann inni á teignum og skallar á markið en Fannar Daði bjargar á línu.

Varsla umferðarinnar og þvílík dramatík hérna í blálokin!

Hólmar nær skallanum en hann er ekki fastur og Aron nær boltanum auðveldlega.

Hörður fær boltann inn á teignum og fær nægan tíma til að athafna sig. Hann tekur skotið sem Affi kemur í veg fyrir og skallar aftur fyrir í horn.

Valsarar líklegri þessa stundina að stela sigurmarkinu. Þórsarar hafa eitthvað slökkt á sér en það er stutt á milli í þessu og þeir þurfa bara eitt færi!

Áfram sækja Valsarar og fá aðra hornspyrnu.

Bjarni tekur spyrnuna inn á teiginn sem Þórsarar skalla frá en sóknarpressa Vals heldur áfram.

Adam gerir vel og kemur með góðan bolta á Lúkas Loga sem reynir skotið eftir góða snertingu en Aron gerir vel í að verja skotið.

Atli fær boltann við vítateigslínuna og reynir skotið sem fer rétt yfir markið.

Smá barningur inni á teignum sem Valsmenn hreinsa að lokum frá.

Valsmenn keyra upp völlinn eftir að hafa unnið boltann úr hornspyrnunni. Dagur fær boltann og tekur lélega snertinu inn á vítateignum en reynir við skotið sem Kristófer kemst í veg fyrir og dúndrar boltanum aftur fyrir, rétt framhjá.

Ekkert kemur úr hornspyrnunni.

Kristófer tekur skotið fyrir utan teiginn sem fer af varnarmanni og rétt framhjá í horn, þetta kveikir í stúkunni!

Stöle tæklar einn Þórsarann niður og Helgi flautar aukaspyrnu. Þórsararir tryllast út í þriðja liðið og vilja fá annað gula spjaldið en Helgi hristir bara hausinn.

Kollegi minn Stefán Marteinn kom með mjög skemmtilegan mola. Öll liðin sem eru í Bestu deildinni núna hafa á einhverjum tímapunkti orðið Íslandsmeistarar nema Þór Akureyri.

Dagur Orri sparkar okkur í gang á ný.

Possesion
59% Valur - Þór 41%

Skot
6 Valur - Þór 4

Skot á mark
3 Valur - Þór 1

Sendingar
256 Valur - Þór 173

Hornspyrnur
2 Valur - Þór 3

Líflegur fyrri hálfleikur að baki.

Tökum okkur korterspásu og mætum svo til baka að vörmu spori.

Valur (4-3-3)
Frederik
Ingimar Stöle - Jakob - Hólmar - Hörður
Skoglund - Bjarni - Birkir
Tryggvi - Dagur - Lúkas

Þór (4-4-1-1)
Aron
Kristófer - Ragnar - Affi - Ásbjörn
Atli - Greko - Einar - Sigfús
Ágúst
Sebastian

Valsmenn ósáttir. Skömmu áður en Ingimar brýtur kemur hár bolti inn á teiginn sem Tryggvi ætlar að skalla í markið en dettur einhvernveginn í loftinu. Valsmenn vilja fá vítaspyrnu og vilja meina að Tryggva hafi verið hrint.

Þetta verður fróðlegt að skoða aftur!

Leikurinn hefur heldur betur róast eftir mark Dags Orra. Þórsarar orðnir strax frekar pirraðir og hafa ekki verið ánægðir með seinustu mínútur Helga dómara.

Ég fékk kollega minn Stefán Martein, Njarðvíking og lífskúnstner, til að giska á rétt úrslit miðað við þessar fyrstu 20 mínútur og hann heldur að Þórsarar taki þetta 1-0 en kæmi honum ekki á óvart ef þetta dettur hinum meginn líka.

Valsararnir í fjölmiðlastúkunni segja 3-0 fyrir Val.

Valsarar keyra upp völlinn og eru komnir 3 á tvo eftir að Þórsarar tapa boltanum í aukaspyrnu. Dagur Orri fær boltann á fjærsvæðinu og nær skotinu sem fer rétt framhjá.

Þarna hefðu heimamenn átt að gera mun betur!

Ágúst Eðvald keyrir upp völlinn og er kominn hægra meginn í vítateiginn þegar hann reynir einhverja skot-fyrirgjöf sem fer ofan á þverslána og aftur fyrir.

Þórsarar eru að sækja hedur betur í sig veðrið!

Kristófer Kristjáns fær bolta í gegn og er kominn aleinn inn á teiginn. Hann reynir að koma boltanum fyrir en hann fer aftur fyrir og Valsmenn geta andað léttar.

Valsmenn eru að vinna sig hægt og bítandi inn í leikinn og eru að ná að halda meira í boltann.

Þórsarar gera vel og verjast þessu örugglega.

Valsmenn fá hornspyrnu sem Þórsarar díla vel við og koma hættunni frá.

Skoglund kemur með bolta inn á teiginn sem hrekkur af varnarmanni og beint í fæturnar á Lúkas Loga sem tekur skotið í fyrsta rétt framhjá.

Ekki góð spyrna sem endar í höndunum á Frederik Schram.

Frábær byrjun!

Þá er veislan farin í gang.

Góða skemmtun kæru lesendur!

Þá ganga liðin til vallar og það fer að styttast óðfluga í þetta!

Ég viðurkenni það að ég varð fyrir smá vonbrigðum með það hvað það var auðvelt að finna bílastæði. Var að vonast eftir því að það væru aðeins fleiri mættir og erfiðara að finna bílastæði en vonandi fer fólkið að týnast inn.

Við getum ekki horft framhjá Val á heimavelli gegn nýliðum á stuðlinum 1.8 á Epic, það er bara þannig.

— Kristalkúlan (@kristalkulan) April 12, 2026

Valsmenn gera tvær breytingar á sínu lið frá bikarleiknum gegn KR á dögunum. Markus Nakkim og Adam Ægir Pálsson koma úr liðinu fyrir þá Ingimar Stöle og Albin Skoglund.

Sigurður Heiðar Höskuldsson, þjálfari Þórs, gerir eina breytingu á sínu liði frá tapinu gegn FH í bikarnum. Hann Bjarni Guðjón Brynjólfsson dettur úr liðinu fyrir Einar Frey Halldórsson.

Fjallað er um stórmeistarajafntefli Víkings og Breiðabliks, hitað upp fyrir leiki sunnudagsins og farið yfir helstu fréttir og tíðindi. #fotboltinet https://t.co/mfDY4BPDYi

— Fótbolti.net (@Fotboltinet) April 11, 2026

Dómari leiksins er sjálfur Helgi Mikael Jónasson en honum til halds og trausts verða þeir Egill Guðvarður Guðlaugsson og Gylfi Már Sigurðsson. Twana Khalid Ahmed er fjórði dómari en Hjalti Þór Halldórsson er eftirlitsmaður KSÍ í dag.

Sjálfur Siggi Hall fékk það verkefni að spá í spilin fyrir opnunarumferð Bestu deildarinnar. Svona spáir hann leiknum okkar.

Valur 1 - 0 Þór (17:00 í dag)
Þessi leikur mun bera mikinn vor brag og verður ekki mikið fyrir augað, Valsarar munu knýja fram sigur í gegnum mark frá Tryggva Hrafni.

Þórsarar mæta eflaust með kassann úti í leikinn þrátt fyrir að hafa tapað fyrir FH í bikarnum á dögunum, 4-2. Þeir verða að gera betur en í þeim leik til að ná einhverjum úrslitum hér í dag. Þórsarar hafa ekki spilað leik í efstu deild síðan 2011.

Þór byrjar á tveimur útileikjum gegn Val og KR áður en þeir fá Fram í heimsókn í þriðju umferð.

Valsmenn hafa verið mikið milli tannana á fólki í vetur og mikil pressa sem er komin á Hlíðarendafélagið. Í Lengjubikarnum enduðu þeir í þriðja sæti riðilsins með tvo sigra og tvö töp. Þeir duttu svo snemma út úr bikarnum þegar KR sló þá úr leik með 4-2 sigri í Egilshöllinni.

Valsmenn fá Þór og ÍBV í fyrstu tveimur leikjum deildarinnar.

Veriði hjartanlega velkomin í þessa þráðbeinu textalýsingu frá leik Vals og Þórs, einu rauðu lið deildarinnar, í þeirri lang Bestu!