KR mun betra og á þetta skilið

Skýrsla og viðtöl á leiðinni

Í þetta skipti gerir Hörður vel en meiðist.

Lítil sárabót það

Fær boltann rétt fyrir utan teig og pláss líka.

Reynir skot en KR vörnin stígur vel upp og Valur uppsker horn

Ekkert kemur úr henni frekar en venjulega

Sækja linnulaust þó svo að leikurinn sé í raun og veru búinn

Góð sókn þarna sem endar með skoti frá Galdri sem er nýkominn inn á.

Boltinn fer þarna smá í Bjarna Mark og horn

Þröngt vinstra megin en færi samt. Reynir skot/sendingu sem Dóri sér við auðveldlega

Hann nær einhvern veginn alltaf að gera nákvæmlega það sem hann vill á vinstri

Aftur fer hann framhjá Herði og hjálpinni og á flotta fyrirgjöf sem endar með lausu skoti frá Stefáni

KR er að sundurspila vörn Valsmanna hér í kvöld

Er þetta KR eða Brasilía?

Aukaspyrna á stórhættulegum stað fyrir Aron Sig, rétt fyrir utan teig.

En hávaxni varnarveggur Vals étur þetta.

Þetta var laglega gert hjá Stefáni sem vippar hann yfir vörnina til Arons.

En Schram kemur vel út úr markinu og kemur í veg fyrir færi, en hugmyndin skemmtileg.

Sendir þær á hárréttan stað milli varnar og markmanns.

En Valsmenn ná ekki að skapa sér færi

Fær boltann og pláss vinstra megin og á fínt skot naumlega framhjá

Dóri var þó með þennan sýndist mér

Valsmenn byrja seinni

Óbreytt hjá Hemma sem vekur athygli

Í hálfleik á þessum Reykjavíkurslag er rétt að rifja upp að þegar Einar Þorsteins, oddviti Framsóknar, var borgarstjóri þá tók hann í hornin á rekstri borgarinnar og fór úr 16 milljarða halla yfir í 5 milljarða kr afgang. Á aðeins einu ári hefur núverandi meirihluti undir stjórn Samfylkingar, steypt borginni aftur í skuldir og hallinn er nú 5,3 milljarðar. XB


Smelltu hér til að lesa.

- Auglýsing -

KRingar mun betri en Valsmenn áttu sín færi

Og hefðu líklegast átt að fá víti.

Tökum okkur 15

Það er algjör einstefna þessa stundina.

Gestirnir eru meira með boltann og leikurinn fer fram á vallarhelmingi Valsmanna.

Búnir að fá 6 hornspyrnur hingað til.

Fyrir leik hefðu ég búist við því að hann myndi spila sem vinstri bakvörður en hans hlutverk í dag heitir Aron Sigurðarson.

Þar sem Aron er að finna þar er Myles eins og skugginn hans.

Það eru flestir ef ekki allir hægri bakverðir að átta sig á því að Amin er erfiður viðureignar.

Hörður Ingi er í stökustu vandræðum með hann.

Vel gert hjá Amin sem er stórhættulegur vinstra megin, fer auðveldlega framhjá Herði og ákveður að skjóta bara.

Hörkuskot og ennþá betri varsla hjá Schram sem ver frábærlega þarna

Boltinn á leiðinni í bláhornið.

KR fær horn en nýtir það ekki

Var á leiðinni yfir að mér sýndist en Schram ákveður að koma við hann engu að síður til öryggis

Tekinn stutt og menn hreyfa sig eins og í NBA leik, en þeir ná ekki að nýta það.

Gaman að sjá samt

Þetta er sannkallaður stórleikur, gæði, ákefð, hraða og vilja.

Allt sem fótboltaunnendur geta beðið um.

Ég get ekki séð betur en að Ástbjörn klippi Lúkas Loga niður þarna.

Lúkas var á undan í boltann og tekur góða gabbhreyfingu og hefur enga ástæðu til að láta sig detta þarna

Ástbjörn heppinn þarna

KR meira með boltann og sækja grimmt, en Valsmenn hafa verið lúnknir við að sækja hratt og þá sérstaklega vinstra megin.

Einhver smá snerting frá Albin Skoglund en ekki nóg til að dæma að mati Elíasar.

Skyndisókn aftur hjá Valsmönnum.

Hinn ungi og fljóti Ólafur Flóki stingur Krumma og Ástbjörn af hreinlega og geysist upp vinstri

Gefur boltann á Albin Skoglund sem er einn gegn Dóra en skýtur beint á hann.

Þarna hefðu Valsmenn átt að jafna

Þetta mark veitir þeim byr undir báða vængi

KR fær aukaspyrnu þegar Ólafur brýtur á Alexander rétt fyrir utan teig

Aron á góða spyrnu inn í teig og munar engu að Stefán næði til hans.

Minnsta snerting þarna og KR er komið yfir

Uppleggið hjá Hemma er að ganga vel með skyndisóknum á háa vörn KR

Tómas Finnur bjargar með hjólhestaspyrnu á línu eftir hornið, svo bjargar hann skömmu seinna öðru marki þegar Tryggvi er slopinn í gegn.

Birkir Heimisson er með autt markið rétt fyrir utan vítateig en skotið hans er laust og Finnur bjargar öðru marki

Góð skyndisókn vinstra megin, Myles hleypur upp kantinn og reynir fyrirgjöf.

Fær horn að launum.

En Það kemur ekkert úr henni

Það eru gestirnir sem sparka þessum stórleik í gang.

Valur vs Kr
KR skora og leka eins og enginn sé morgundagurinn. Að því sögðu tökum við að bæði lið skora 2 mörk eða fleiri á stuðlinum 2.30 hjá Epic. Linkur ????https://t.co/AkzgpCOIMf

— Kristalkúlan (@kristalkulan) May 2, 2026

Það er hér með staðfest að það er uppselt á Hlíðarenda enda rosaleg stemning á pöllunum.

Stuðningsmenn KR eru fjölmennir og það heyrist vel í þeim.

Það eru heldur betur óvænt tíðindi í byrjunarliði Valsmanna.

Hemmi ætlar að reyna að loka á sókn KR með öllum tiltækum ráðum. Tekur Dag Orra Garðarsson og Adam Ægir Pálsson úr byrjunarliðinu. Í þeirra stað koma þeir Samúel Kári Friðjónsson og Ólafur Flóki Stephensen.

Það eru líka tvær breytingar hjá Óskari vegna meiðsla eins og búið er að fjalla ítarlega um fyrir leik. Eiður Gauti Sæbjörnsson og Arnar Yngvi Traustason eru meiddir. Stefán Arni Geirsson og Orri Hrafn Kjartansson eru í byrjunarliðinu. Það vekur þó óneitanlega athygli að Eiður Orri er á bekknum.

Stuðningsmenn Vals hafa verið að kalla eftir því að Ólafur Flóki fái fleiri mínútur

Það þarf ekki að koma neinum á óvart að besti leikmaðurinn í besta liðinu í upphafi Bestu deildar karla sé valinn besti leikmaðurinn.

En hann hlaut yfirburðakosningu eða 58% samtals. Hólmar Örn Eyjólfsson fyrirliði Vals lenti í fjórða sæti og hlaut 8% atkvæða.


Fyrirliðarnir takast í hendur fyrir síðasta leik í Mjólkurbikarnum

Kominn á allar hlaðvarpsveitur.

Ef rýnt er í muninn á liðunum núna og þegar þau mættust í Mjólkurbikarnum rétt fyrir mót í leik sem KR sigraði Val örugglega 4-2 stendur Samúel Kári Friðjónsson upp úr.

Valmsenn lögðu mikið á sig og borguðu fúlgu fjár (upphæðin er trúnarðarmál) til að fá hann frá Stjörnunni. Þetta er leikmaður með margra ára reynslu úr atvinnumennsku og ennþá á hátindi ferils síns.

Nú verður fróðlegt að sjá hvort að hann byrji leikinn eða hvort að hann komi inná af bekknum. Samúel Kári getur spilað sem djúpur á miðjunni og sem miðvörður. Hann er mjög góður í spili og með nákvæmar háar sendingar yfir varnir andstæðinga.

KR vörnin spilar mjög framarlega og Samúel Kári gæti hæglega verið leynivopnið í þessum leik.

„Þetta er spennandi. Það er alltaf gaman að spila gegn Val og hvað þá undir flóðljósunum á laugardegi. Við erum klárir og mætum gíraðir. Það mætir fullt af fólki á völlinn, þetta er undir ljósunum, það eru margar myndavélar, mikið umtal - þess vegna ertu í þessu. Þetta eru leikirnir sem þú vilt stíga upp í og koma með þína bestu frammistöðu," segir Aron Sigurðarson, fyrirliði KR.

   30.04.2026 15:25

Aron Sig: Þess vegna ertu í þessu

„Þetta verður væntanlega hörkuleikur. Það hjálpar okkur ekki að við höfum unnið þá stórt í fyrra. En að sama skapi höfum við verið virkilega sterkir hér á Hlíðarenda og ég veit að liðum þykir erfitt að mæta hingað. Við þurfum að halda því áfram," segir Hólmar Örn Eyjólfsson, fyrirliði Vals.

   30.04.2026 16:00

Hólmar: Hefur mikla þýðingu fyrir alla í kringum Val

Óskar Hrafn Þorvaldsson þjálfari KR greindi frá því í vikunni að Arnór Ingvi Traustason og Eiður Gauti Sæbjörnsson yrðu ekki með KR í leiknum þar sem þeir eru að glíma við meiðsli.

   01.05.2026 13:12

Líkleg byrjunarlið Vals og KR - Arnór og Eiður ekki með

Það voru flestir sparksérfræðingar á því að Valur gæti lent í smá bakslagi enda leit liðið ekkert sérstaklega vel út á undirbúningstímabilinu og tapaði meðal annars illa fyrir KR í Mjólkurbikarnum.

Tímabilið byrjaði alls ekki vel þegar nýliðar Þórs mættu á Hlíðarenda í fyrstu umferð og unnu 1-2. Þá fóru spjótin á loft og panic ástand myndaðist á Hlíðarenda.

En það verður að gefa Valsmönnum hrós fyrir að hafa stigið upp síðan þá og unnið þrjá leiki í röð og þá sérstaklega Stjörnuna á útivelli 4-2 í síðustu viku.

Tímabilið hefur byrjað eins og í sögu hjá stórveldinu í Vesturbænum. Fjórir leikir, fjórir sigrar og þeir allir sannfærandi fyrir utan fyrsta leik tímabilsins á móti Keflavík.

Sparkspekingar voru á því að liðið yrði betra en í fyrra enda ekki erfitt að toppa þá frammistöðu þegar liðið bjargaði sér frá falli í lokaumferðinni.

Hins vegar spáði sennilega engin því að liðið myndi skora 18 mörk í fyrstu fjórum leikjum sínum eða 4,5 mörk að meðaltali í leik. Ef þú býrð yfir þeirri vitneskju að liði þitt skori fjögur til fimm mörk í leik þá geta menn verið ansi sigurvissir fyrirfram.

Dómarinn í kvöld verður Elías Ingi Árnason.
Eystinn Hrafnkelsson og Patrik Freyr Guðmundsson eru aðstoðardómarar.
Fjórði dómari er Twana Khalid Ahmed á meðan Gunnar Helgason er eftirlitsdómari.


Elías Ingi Árnason fær traustið frá KSÍ og dæmir þennan stórleik

Kæru Lesendur

Verið velkomin í beina textalýsingu frá N1 vellinum þegar Valur fær KR í heimsókn 5. umferð Bestu deildar karla.

Þetta er alvöru toppslagur þar sem liðið í fyrsta sæti heimsækir liðið í því þriðja.

Hér erum við að tala um stórleik á laugardagskvöldi á stóra sviðinu og veislan hefst á slaginu 19.15

   01.05.2026 15:00

Gísli Gotti spáir í 5. umferð Bestu deildarinnar