Aron Sigurðarson, fyrirliði KR.
„Þetta er spennandi. Það er alltaf gaman að spila gegn Val og hvað þá undir flóðljósunum á laugardegi. Við erum klárir og mætum gíraðir," sagði Aron Sigurðarson, fyrirliði KR, þegar hann ræddi við Fótbolta.net í dag.
Á laugardag er stórleikur þegar erkifjendurnir í Val og KR eigast við á Hlíðarenda. Þetta eru sérstakir leikir að spila.
Á laugardag er stórleikur þegar erkifjendurnir í Val og KR eigast við á Hlíðarenda. Þetta eru sérstakir leikir að spila.
„Það er ekki hægt að ljúga neinu um það. Þetta er grannaslagur og allur sá pakki. Það er alltaf extra kitl að spila þessa leiki."
Byrjunin á tímabilinu hefur verið frábær fyrir KR og liðið er með fullt hús stiga á toppnum. „Við lentum í alvöru brekku (í fyrra) og þurftum að skríða saman út úr henni sem lið. Í kjölfarið urðum við sterkari hópur, samheldnari hópur og mér finnst allir vera komnir með sterkari haus."
Er erfitt að fara ekki fram úr sér eftir svona byrjun?
„Nei, í raun ekki. Það er svo stutt á milli að við töpum á móti Keflavík og í næsta leik sýnum við hvað í okkur býr," sagði Aron en núna er komið að stærsta prófinu til þessa.
„Það mætir fullt af fólki á völlinn, þetta er undir ljósunum, það eru margar myndavélar, mikið umtal - þess vegna ertu í þessu. Þetta eru leikirnir sem þú vilt stíga upp í og koma með þína bestu frammistöðu," sagði Aron.
Allt viðtalið er í spilaranum hér fyrir ofan.
