Svona fór um sjóferð þá! Víkingar með 6-0 stórsigur á Þór í kvöld! Takk fyrir samfylgdina, Viðtöl og skýrsla kemur inn síðar í kvöld!

Þórsarar fá hér hornspyrnu Fannar tekur hana en Helgi skallar þetta frá

A.m.k. 2 mínútum bætt við

Fínast tilraun hjá Bjarna reynir skot af löngu færi en það er rétt framhjá

Helgi tekur hronspyrnu fyrir Víkinga, Þórsarar ná að skalla þetta frá

Sigfús brýtur á Viktori, taka þetta hratt

Erlingur reynir að finna Aron Elís en aðeins of fastur bolti og rennur út fyrir endalínu

Ármann með fínan bolta inn á teiginn þar er Elías sem mér sýndist ætla að reyna við hjólhestaspyrnu? Allavega eru báðir fætur komnir fyrir ofan höfuð bara og hann endar á bakinu

Ingimar kemur sér í góða stöðu en flaggið góða fer réttilega á loft

Daníel tekur aukaspyrnu á fínum stað en Ingimar stekkur manna hæst í teignum og kemur þessu frá

Sebastian fær aðhlynningu lendir í hörkusamstuði, bíður eftur að komast aftur inn á

Það er greinilegt að Þórsarar sakna Atanga, það er lítið að gerast í sóknarleiknum hjá þeim. Sebastian er bara ekki nógu fljótur til að komast framhjá Oliver

Óskar Bogga með hööööörkuskot en rétt framhjá

Aron Elís finnur Karl Friðleif inn í teig sem á hörkuskot en framhjá

Helgi Guðjóns tekur aukaspyrnuna en þar var enginn Víkingur

Atli og Aron Ingi taka hornið stutt en það er bara ekki nógu vel útfært og Víkingar breika á þá

Kristófer nær að komast inn í boltann, tekur hann með sér en Þórsarar eru eiginlega bara alltof lengi að átta sig og skyndisóknin sem þeir hefðu getað nælt sér í rennur út í sandinn

Jói Bjarna reynir skotið en fer af varnarmanni og framhjá

Kristófer keyrir upp völlinn, ætlar að taka Oliver á en allt lok, lok, og læs þar!

Ragnar Óli reynir sendingu upp á Ágúst en Daníel sterkur og stígur hann út við endalínuna

Gestirnir sparka þessu af stað

3-0 í hálfleik hér í Víkinni! Víkingar hafa yfirburði á vellinum 63% með boltann og átt 19 skot gegn 6 skotum hjá Þórsurum

Gylfi tekur spyrnu á svipuðum stað hinum megin en Yann Emmanuel kemst fyrstur í boltann þar og kemur honum frá

Atli Sigurjóns tekur þetta, eiginlega bara frekar slök spyrna og bara heppilegt að þetta fer í pakkann hjá Víking og skýst til baka á Ágúst sem reynir skotið en í varnarmann

Valdimar brýtur á sebastian, aukaspyrna á fínasta stað!

Daníel með lúmst skot sem endar bara sem hörkuskot...

Oliver brýtur á Sebastian á vallarhelmingi Þórs, þeir taka þetta stutt

Óskar með ágætis tilraun en Aron Birkir ver vel

Oliver Ekroth þarf að fara á velli í eina mínútu þar sem leikurinn er stoppaður fyrir hann Það er þessi nýja regla sem var innleidd fyrir tímabil

Það hefur lítið verið að gerast eftir mörkin, helst bara að brotunum hafa farið fjölgandi... og meira stopp í leiknum

Jói Bjarna nær hörkuskalla en smellur í slánni!

Aftur eru Þórsarar að ógna Ágúst Hlyns hefur verið að koma sterkur inn

vilja fá aukaspyrnu á hættulegum stað en markspyrna segir Jóhann dómari

Atli Sigurjóns á frábæra sendingu inn á Christian Greko sem er allt í einu kominn einn gegn Aroni Snæ en sá nær að komast fyrir boltann, það má ekki vanmeta Þórsarana

Valdimar með skot á markið en aftur ver Aron, þetta var fínast tilraun! Ekkert kemur svo úr horninu

Yann Emmanuel á fínustu sendingu upp á Sebastian, þetta hefði getað orðið hættulegt en Víkingar ná að koma í veg fyrir það

Valdimar nálægt því að setja hann

Brotið á Jóhannesi, þeir taka þetta stutt

Gylfi með höööööörkuskot en Aron Birkir gerir vel í markinu Hann er greinilega glaður með að vera kominn aftur

Jóhannes Kristinn Bjarnason, sem kom til Víkings fyrir tímabilið, er að spila sinn fyrsta byrjunarliðsleik fyrir liðið í Bestu deildinni. „Jói er búinn að gera vel í æfingavikunni og er verðlaunaður með byrjunarliðssæti. Ég hlakka til að sjá hann í fyrsta byrjunarliðsleiknum og er spenntur að sjá frammistöðuna hjá liðinu í dag," sagði Sölvi Geir Ottesen, þjálfari Víkings, við Sýn Sport fyrir leikinn.

   08.05.2026 17:33

Jói verðlaunaður með byrjunarliðssæti

Oliver á sendingu inn á Jóhannes, sem reynir fyrirgjöf en setur þetta í varnarmann

Fínasta sókn hjá Þórsurum, Ágúst nær skotinu en það er framhjá

Gylfi hefur leik fyrir heimamenn

Liðin ganga hér á völlinn þetta fer að byrja Bæði lið búin að pósa fyrir myndavélina, let's go!

Sólin skín, það verður frábært veður og góð mæting í fossvoginn í dag, - 2(Víkingur vinni með meir en 2 mörkum) á Víking á Epic er mjög vel boðið, Yann Emmanuel Affi er flottur leikmaður en hann er einnig mjög villtur og 3.50 að hann fái gult er gott aukabet með.

— Kristalkúlan (@kristalkulan) May 8, 2026

Víkingur gerir hvorki meira né minna en sjö breytingar á liði sínu frá 1-3 sigri sínum á nýliðum Keflavíkur. Inn koma Aron Snær Friðriksson, Oliver Ekroth, Helgi Guðjónsson, Gylfi Sigurðsson, Daníel Hafsteinsson, Jóhannes Kristinn Bjarnason og Óskar Borgþórsson. Ingvar Jónsson er ekki með í dag og Jói Bjarna byrjar sinn fyrsta leik. Þórsarar gera tvær breytingar á sínu liði frá 0-1 tapi gegn KA í síðustu umferð. Inn koma Ásbjörn Líndal Arnarsson og Aron Ingi Magnússon

View this post on Instagram

A post shared by Víkingur Fótbolti (@vikingurfc)

View this post on Instagram

A post shared by Þór Akureyri (@thor_fotbolti)

Í gær lokaði glugganum í Lengjudeildinni og viku áður lokaði glugginn í Bestu deildinni. Hér að neðan má sjá þær breytingar sem áttu sér stað hjá liðunum frá því að sumarglugganum í fyrra var lokað. Víkingur Komnir Elías Már Ómarsson frá Kína Jóhannes Kristinn Bjarnason frá Danmörku Aron Snær Friðriksson frá Njarðvík Ármann Ingi Finnbogason frá ÍA (var á láni hjá Grindavík) Björgvin Brimi Andrésson frá Gróttu (lánaður til baka) Farnir Matthías Vilhjálmsson hættur Pablo Punyed í Hauka Pálmi Rafn Arinbjörnsson hættur Atli Þór Jónasson í Fram (lán) Sveinn Margeir Hauksson í KA (lán) Haraldur Ágúst Brynjarsson til Njarðvíkur (lán) Almo til Danmerkur (var á láni hjá Njarðvík) Þór Komnir Ágúst Eðvald Hlynsson frá Vestra Atli Sigurjónsson frá KR Isaac Antanga frá Svíþjóð Sebastian Haugland frá Noregi Bjarni Guðjón Brynjólfsson frá FH á láni Kristófer Máni Sigurðsson frá Hetti (lánaður til baka) Elvar Baldvinsson frá Völsungi Birgir Ómar Hlynsson frá ÍBV (var á láni) Farnir Ibrahima Balde í Vestra Orri Sigurjónsson hættur (skipti í Þrótt R.) Clement Bayiha til Kanada Rafael Victor í Grindavík Juan Guardia í Völsung Ýmir Már Geirsson á láni í Magna Atli Þór Sindrason á láni í Dalvík/Reyni Dagbjartur Búi Davíðsson í Völsung (var á láni frá KA) Víðir Jökull Valdimarsson á láni í Magna Samningslausir Kári Jónsson Rúnar Daði Vatnsdal Sveinsson

Júlíus Mar Júlíusson, leikmaður Kristiansund í Noregi, spáir í leikina sem framundan eru. Víkingur R. 2 - 0 Þór (17:30 í dag) Erfiður leikur fyrir Þórsara sem hafa byrjað vel. Víkingar loka þessum leik og Jói Bjarna setur eitt.

Þórsarar sitja í 7. sæti fyrir 6. umferðina, með 6 stig, líkt og Stjarnan í 6. sæti, en hafa verri markatölu. Þeir hafa unnið tvo leiki, Val á hlíðarenda og svo Fram á heimavelli. Stór töp gegn KR og Breiðablik hafa komið á milli sigurleikja og þá töpuðu þeir slagnum um Akureyri 0-1 gegn erkifjendum sínum í KA í síðustu umferð. Hjá Þórsurum er það helst að frétta að Isaac Atanga, kantmaður liðsins er búinn í aðgerð og því miður fyrir hann og Þór þá spilar hann væntanlega ekki meira í ár. Hann varð fyrir því óláni að meiðast strax á fyrstu mínútu gegn KA en sköflungur hans fór þá í tvennt. Sigurður Heiðar Höskuldsson, þjálfari Þórs, er þó brattur fyrir leikinn í kvöld. „Við þurfum að fara brattir inn í þann leik eftir síðustu tvo leiki, þó að þeir hafi tapast. Við höfum rætt það okkar á milli að síðustu tveir leikir hafa verið lengstu kaflarnir okkar í sumar þar sem við höfum verið góðir. Við förum jákvæðir inn í leikinn, höfum þorað miklu meiru í síðustu tveimur leikjum sem er svakalega mikilvægt."

Víkingar sitja í 2. sæti fyrir 6. umferðina, með 13 stig, tveimur stigum minna en KR sem tróna á toppnum og tveimur stigum á undan Blikum í 3. sætinu. Þeir gerðu jafntefli við Breiðablik í opnunarleiknum en síðan þá hafa þeir verið á góðri siglingu og unnið síðustu 4 leiki gegn KA, FH, ÍA og nú síðast 1-3 gegn Keflavík. Víkingur er og var í alls konar meiðslaveseni í síðasta leik. Róbert Orri Þorkelsson fór meiddur af velli snemma leiks gegn Keflavík en hann var að glíma við meiðsli í nára. Fyrirliðinn Oliver Ekroth kom inn á fyrir Róbert en Oliver hafði misst af síðustu leikjum vegna meiðsla. Miðvörðurinn Sveinn Gísli Þorkelsson er svo líka frá vegna meiðsla eftir að hafa tognað á æfingu. Þá fór markvörðurinn Ingvar Jónsson af velli í hálfleik þar sem hann gat ekki haldið leik áfram vegna veikinda.

Fimm leikir í Bestu deildinni eru á dagskrá í kvöld en umferðin endar svo á sunnudaginn. Í kvöld: 17:30 Víkingur R.-Þór 19:15 Fram-Valur 19:15 Breiðablik-FH 19:15 ÍA-Keflavík 19:15 Stjarnan-KR Sunnudagurinn 10. maí: 16:30 KA - ÍBV

Á flautunni í kvöld verður Jóhann Ingi Jónsson og honum til halds og trausts verða Gylfi Már Sigurðsson og Jovan Subic aðstoðardómarar. Fjórði dómari er Vilhjálmur Alvar Þórarinsson og eftirlitsmaður í kvöld er Kristinn Jakobsson

Heil og sæl kæru lesendur, Verið hjartanlega velkomin í beina textalýsingu þráðbeint frá Víkingsvelli þar sem Víkingur tekur á móti Þór í 6. umferð Bestu deildarinnar Leikurinn hefst á slaginu 17:30!