Það er heldur betur sannfærandi sigur í dag hjá Fylkis mönnum og nafn þeirra komið í pottinn fyrir 8-liða úrslit.

Komnar 90 á klukkuna!

Ásgeir Steinn tekur skot úr aukaspyrnu sem fer framhjá markinu.

Boltinn mikið fram og tilbaka á miðjunni um þessar mundir. Ekki mikið að gerast annað en að Fylkir er að hugsa hverja þeir fá í 8-liða úrslitum

Allan Purisevic tekur lúmskt skot sem ratar í fjærstöngina og út í lúkurnar á Ólafi Kristófer.

Þægileg skyndisókn sem myndast og Kári Sigfússon gerir vel í að komast framhjá vörninni. Tekur gott skot sem Jökull ver út í teiginn og þar var Benedikt Daríus að mér sýndist sem átti skot en varnarmenn komust fyrir og hreinsuðu.

Fínustu fersku lappir sem Heimir Guðjóns er að henda inn á fyrir Mána og Dag sem hafa verið góðir í dag. Máni og Dagur....Mánudagur? nei nei

Gengur ekkert hjá FH liðinu að skapa einhver tækifæri þrátt fyrir að vera komnir töluvert meira með boltann um þessar mundir.

Hörður Magnússon, fyrrum markahrókur FH, fór í hálfleik yfir frammistöðu Hafnarfjarðarliðsins. Hann er ekki hrifinn...

   14.05.2026 16:13

„Heimir Guðjóns er að skáka og máta Jóa Kalla“

Benedikt Daríus sleppur í gegn rétt vinstra meginn við markið og hleypur af skoti á nær sem Jökull ver virkilega vel í horn.

Sem er allt of auðvelt fyrir Ólaf Kristófer í markinu.

Gils og Ólafur Kristófer lenda í samstuði rétt á vítateigslínunni. Standa þetta báðir af sér eins og er.

Tíminn er núna fyrir FH ef þeir ætla sér að breyta þessu eitthvað.

Gunnar Freyr bætir engu við og liðin ganga til hálfleiks. 3-0 fyrir Fylkir og eiga það skilið.

Mikill barningur í teig Fylkis þegar FH á horn. Mjög þéttur pakki og allir að ýta öllum einhvern veginn.

Kjartan Kári með horn sem fer beint á Ólaf Kristófer í markinu.

Kári í góðu hlaupi á hægri kantinum sínum. Losar boltann út í teiginn þar sem Máni Austmann mætir á nær og með skotið í fyrsta sem flýgur rétt framhjá.

Kári Sigfússon sem tók aukaspyrnuna og lét bara vaða, rúllaði boltanum á nær en framhjá markinu

Jökull í úthlaupi og sparkar í innkast áður en Kári Sigfússon komst í boltann.

Hornspyrnur FH ekki að skila miklu en ef einhver hætta kemur í átt að marki Fylkis er það Gils sem er á ferð með boltann.

Kári Sigfússon er í algjöru fyrirgjafa stuði í dag. Reyndir góðan bolta inn fyrir vörnina en aðeins of fastur fyrir Mána Austmann og Dagur sem nær síðan til boltans seint er flaggaður rangstæður.

Ég get sagt ykkur það 3-0 eftir 30mín. Þetta er bara sannfærandi og sanngjarnt.

Ólafur Kristófer þar að hafa sig allan að til að slá boltann yfir slána eftir þetta fínasta skot hjá Kjartani Kára.

Sleppur einn í gegn eftir sendingu og þvílíkur kraftur sem býr í þessum dreng. Enginn rangstaða en slúttið rétt framhjá eftir að það sigraði Ólaf Kristófer í marki Fylkis.

Spila vel saman eftir að uppspil FH heldur áfram að klikka. Koma boltanum síðan fyrir en skallinn yfir

Segatta flottur að vinna boltann ofarlega og finnur Kára á kantinum. Sem sækir en eitt hornið eftir fyrirgjöf sína.

Birkir Eyþórsson sem nær fínum skalla á nærstönginn en yfir markið.

Aðeins að lifna við FH-ingum. Skiljanlega, ekki gott að lenda undir snemma en ef rétt er spilað úr kortunum geta menn notað þetta sem orkuboost.

Fylkis horn

Fylkir að fikta smá með boltann, eru að komast betur í takt við leikinn en FH þessar fyrstu mínútur

Það eru FH sem sparka okkur af stað í síðasta leik 16-liða úrslita Mjólkurbikarins!

Í 32-liða úrslitum fékk Fylkir KFA og unnu þeir þægilegan 2-0 sigur. Sjálfsmark hjá KFA og mark frá Guðmundi Tyrfings. FH spilaði gegn Þór og fór með sigur þar eftir 4-2 leik. Lentu 1-0 undir í þeim leik en komust í 4-1 með marki frá Arnóri Borg og tvennu frá Adolfi Daða, síðan eitt sjálfsmark Þórs.

16-liða úrslitum lýkur með þremur leikjum: 14:00 KA-Ægir (Greifavöllurinn) 14:00 Vestri-Grótta (Kerecisvöllurinn) 15:00 Fylkir-FH (tekk VÖLLURINN) Sjáðu mörkin og úrslitin úr leikjum gærdagsins:

   14.05.2026 00:10

Sjáðu öll bikarmörkin: Stjarnan stöðvaði sigurgöngu KR

Hvenær verður dregið? Það verður dregið í 8-liða úrslit í beinni útsendingu í samantektarþættinum á RÚV2 en hann fer í loftið eftir leik Fylkis og FH. Áætlað er að hann hefjist 16:55.

   14.05.2026 08:00

Mætir fyrrum liðsfélögum í dag - „Var ekkert að leitast eftir því að fara frá Gróttu"

Þeir Kári Snorrason og Almarr Ormarsson fóru yfir alla leikina sem voru framundan í 16-liða úrslitum og Almarr spáði einnig fyrir um úrslit leikja. Umræðan um Fylkir vs FH hefst á 30:34mín. Fylkir 3-1 FH (15:00) „Þetta er mögulega áhugaverðasti leikur 16-liða úrslita, nóg af sögulínum. Heimir Guðjóns fór sáttur á koddann þegar hann sá þennan drátt. Ég held að Fylkismenn taki þetta, þeir skora tvö í framlengingu og vinna 3-1 sigur."

Dómarinn í dag er Gunnar Freyr Róbertsson. Honum til aðstoðar verða Eysteinn Hrafnkelsson og Þórður Arnar Árnason. Fjórði dómari er Arnar Þór Stefánsson. Eftirlitsmaður er síðan Sigurður Hannesson.

Hafnarfjarðarliðið kemur í þennan leik í sérstökum gír. Liðið hefur ekki ennþá sótt sinn fyrsta sigur í Bestu Deildinni eftir sex umferðir. Möguleiki hér í dag til að gleyma því svolítið og búa til almennilega bikargöngu. Við sáum það í fyrra að bikar og neðri hluti í Bestu Deildinni er möguleiki, þó að staðreyndir er væntanlega sú að FH-liðið vill ekki vera í fallbaráttu. Einhverjir leikmenn FH að mæta sínum gamla þjálfara og eflaust virðing þar á milli. Eitt er alveg víst að þetta er mjög verðugt verkefni fyrir Bestu Deildar lið FH í dag, Jóhannes Karl og leikmenn hans munu þurfa að mæta til leiks frá fyrstu mínútu.

Það vantar ekki sögusagnir fyrir þennan leik. Þeir sem þekkja til Íslenskan fótbolta vita af því að Heimir Guðjónsson þjálfari Fylkis í dag. Var lengst af sínum þjálfara ferli með FH-inga. Eftir síðasta tímabil kallaði stjórn FH það gott og hér erum við í dag með Heimir hjá Fylki og Jóhannes Karl Guðjónsson að stýra FH. Einnig á Bjarki Steinsen Arnarsson leikmaður Fylkis og fæddur 2005 sögu í FH. Hann var í hóp liðsins frá 2022 til 2024. Hann náði þó ekki Bestu Deildar leik. Hann Bjarki Steinsen kom í viðtal hjá okkur um daginn og hafði margt áhugavert að segja um þessa viðureign.

Heil og sæl kæru lesendur, verið velkomin í þráðbeina textalýsingu frá leik Fylkis og FH. Þetta er síðasti leikurinn í 16-liða úrslitum Mjólkurbikarins og sigurliðið hér það síðasta til að bæta nafni sínu í pottinn fyrir 8-liða dráttin sem fer fram á RÚV beint eftir leik. Við erum á Tekk vellinum í dag og mun leikurinn hefjast á slaginu 15:00