Twana flautar til leiksloka, 2-2 lokatölur. Þegar á botninn er hvolft er það nokkuð sanngjörn niðurstaða fyrir bæði lið.

Viðtöl og skýrsla væntanleg.

KR-ingar fá hornspyrnu, Framarar koma hættunni frá.

Kennie Chopart með skot af löngu færi sem Halldór Snær ver nokkuð örugglega.

Freyr Sigurðsson með fyrirgjöf sem fer í hendina á Gyrði Hrafni og kalla eftir vítaspyrnu en ekkert dæmir Twana.

Þorri Stefán liggur niðri og þarfnast aðhlynningar.

Boltinn dettur skoppandi fyrir Hrafn Tómasson sem tekur viðstöðulaust skot fyrir utan teig en Viktor Freyr ver frábærlega!

Álíka tækni og í marki Thiago fyrir Liverpool gegn Porto í Meistaradeildinni um árið.

Orri Hrafn með gott skot fyrir utan teig en Viktor Freyr ver vel í hornspyrnu.

Róbert Hauksson sleppur í gegn en flaggaður rangstæður, réttur dómur við fyrstu sýn.

KR 1 - 1 Fram
0.27Xg - 0.67Xg

Ægir Jarl með skot úr teignum sem fer rétt framhjá marki KR.

Frábær mæting og stemning hér á Meistaravöllum!

Aron Sig með skemmtilega takta og tekur skot sem fer af varnarmanni og þaðan í innkast.

Þessi síðari hálfleikur ekki verið sá skemmtilegasti hingað til.

Framarar pressa vel og Halldór Snær í brasi með að finna KR-ing, gestirnir uppskera hornspyrnu sem ekkert kemur þó úr.

Framarar fá hornspyrnu en ekkert kemur upp úr henni.

Þorri Stefán með skot af löngu færi sem Halldór Snær ver örugglega.

Framarinn með þrumuskot úr teignum sem fer í utanvert hliðarnetið.

Twana flautar til hálfleiks. Tökum okkur fimmtán.

+1

Vuk með tvær hörkutilraunir en Halldór Snær sér við þeim báðum. Það hefur heldur betur lifnað yfir þessu!

Aron Sig fær boltann í teig Framara en skot hans himinhátt yfir markið, illa farið með gott færi!

Amin Cosic sólar Chopart og fer aðeins utan í þann danska og fær einhverja hluta vegna dæmda aukaspyrnu á sig. Mjög soft dómur.

KR-ingar fá hornspyrnu. Taka það stutt, boltinn á Aron Sig sem lætur vaða en Viktor Freyr ver vel. Boltinn berst aftur á Aron sem á aðra tilraun sem fer framhjá marki gestanna.

Alexander Rafn með skot úr teignum sem fer rétt framhjá marki Framara!

Chopart fær sendingu í gegn, lætur vaða úr þröngri stöðu en Halldór Snær ver vel.

Kennie hefur verið sjóðheitur í upphafi tímabils, með fimm mörk í deild og bikar.

Fram fær hornspyrnu, sem lítið kemur úr. Framarar mun hávaxnari en KR-ingar, kæmi mér ekki á óvart ef þeir ná að pota inn einu úr föstu leikatriði.

Amin Cosic sker inn á hægri fótinn og á tilraun rétt yfir mark Framara.

KR-ingar fá sína fyrstu hornspyrnu. Þeir taka það stutt enda lið Vesturbæinga mjög lávaxið. Ekkert kemur úr hornspyrnunni stuttu.

Már Ægisson með hættulega fyrirgjöf fyrir mark KR-inga en enginn Framari nær að reka tána í boltann.

Atli Þór með skot yfir úr teignum! Framarar að byrja betur hér á Meistaravöllum.

Kennie Chopart með góðan skalla úr teignum en Halldór Snær ver vel!

Orri Steinn var að skora gegn Valencia! Sociedad leiðir 3-2.

Fram fær hornspyrnu. Ekkert kemur úr henni þar sem Twana dæmir brot á Framara í teignum þegar spyrnan er tekin.

Amin Cosic með góða takta á vinstri kanti og lætur vaða en Viktor Freyr ver vel í marki Framara.

Fram fær fyrstu hornspyrnu leiksins. Ekkert kemur úr henni.

Halldór Snær (m)
Gyrðir Hrafn - Hjalti Sig - Gabríel Hrannar
Sigurður Breki - Krummi - Orri Hrafn
Luke Rae - Aron Sig -Alexander Rafn - Amin

Atli Þór - Vuk Oskar
Fred - Tibbling - Ægir Jarl
Haraldur Einar - Þorri Stefán -Sigurjón Rúnarsson - Kennie Chopart - Már Ægisson
Viktor Freyr (m)

Carnival de Paris í græjunum og liðin ganga til vallar. Rauða ljónið labbar með liðunum út!

Það var góður andi í stuðningsmönnum á leið minni í blaðamannaboxið. Theódór Elmar, aðstoðarþjálfari KR á síðasta ári, var hress á bjórdælunni inni í félagsheimili og stuðningsmenn beggja liða tímanlega í því.

Tímabær verðlaunaafhending!

Íslandsmeistarar KR í 5. flokki árið 1968 eru heiðraðir og fá löngu tímabæra verðlaunaafhendingu, þar sem KSÍ hafði ekki gefið þeim medalíur fyrir titilinn fyrir um 58 árum.

Stuðningsmenn taka vel á móti kempunum og klappa duglega fyrir þeim.

KR vs Fram
Kúlan gefur til kynna óvænt úrslit hér í dag og eitthvað segir mér að Rúnar sé með lykilinn að KR liðinu.
X2 eða Fram eða jafntefli er á stuðlinum 1.98https://t.co/Co1A2qClk8
Fyrir þá sem vilja eitt value pick þá er það Haraldur Einar fær spjald á stuðlinum 4.00

— Kristalkúlan (@kristalkulan) May 17, 2026

Óskar Hrafn Þorvaldsson, þjálfari KR, gerir tvær breytingar á liði sínu frá 2-1 tapi gegn Stjörnunni í Mjólkurbikarnum á miðvikudag.

Luke Rae og Hjalti Sigurðsson koma inn í byrjunarliðið í stað Finns Tómasar Pálmasonar og Eiðs Gauta Sæbjörnssonar.

Finnur Tómas, Arnór Ingvi, Michael Akoto, Stefán Árni Geirsson og Ástbjörn Þórðarson eru allir utan hóps.

Rúnar Kristinsson, þjálfari Fram, gerir eina breytingu á sínu liði frá dramatískum sigri gegn Val. Inn í liðið kemur Már Ægisson í stað Kyle McLagan sem er utan hóps.

Kári Sigfússon, leikmaður Fylkis, spáir Vesturbæingum öruggum sigri í kvöld.

KR 4 - 1 Fram
Óskar Hrafn skilar þremur punktum í VSB, klárt. Finnur Tómas fær að valsa í gegnum lið Fram og setur hann.

KR er á toppi deildarinnar með fullt hús stiga. Liðið tapaði fyrsta leik tímabilsins á miðvikudag er liðið laut í lægra haldi gegn Stjörnunni í Mjólkurbikarnum.

Óskar Hrafn Þorvaldsson, þjálfari KR, var spurður út í hvernig tilfinningin væri að mæta í viðtal eftir tapleik, enda hafði það ekki gerst áður í sumar.

Óskar svaraði spurningunni léttur og sagðist búa að ágætri reynslu frá síðasta sumri.

„Það er farið að höggva aðeins í hópinn. Þá þurfa aðrir að stíga upp, allar hendur á dekk. Þetta er tækifæri fyrir menn að taka pláss í hópnum,“ sagði Óskar Hrafn Þorvaldsson þjálfari KR eftir tap liðsins gegn Stjörnunni á miðvikudag.

Arnór Ingvi Traustason, Ástbjörn Þórðarson og Michael Akoto voru hvorugir í leikmannahóp KR á miðvikudag og þá fór Finnur Tómas Pálmason af velli með höfuðhögg.

Óskar sagðist ekki gera ráð fyrir því að Arnór Ingvi yrði leikfær í dag en bjóst þó við að Ástbjörn myndi koma til baka.

Guðmundur Andri Tryggvason, Birgir Steinn Styrmisson og Aron Þórður Albertsson hafa lítið sem ekkert verið með á tímabilinu vegna meiðsla. Arnar Freyr Ólafsson meiddist alvarlega í upphafi tímabils og verður frá til lengri tíma.

Þá eru þeir Hjalti Sigurðsson og Gyrðir Hrafn Guðbrandsson komnir til baka eftir meiðsli.

Rúnar Kristinsson þekkir Meistaravelli þokkalega eftir að hafa stýrt KR í samtals ellefu tímabil, fyrst frá 2010 til 2014 og síðar frá 2018 til 2023.

Frá því að Rúnar tók við Fram haustið 2023 hefur hann mætt KR fimm sinnum og haft betur í þremur þeirra og tapað tveimur.

Rúnar sótti Kennie Chopart til liðs við Fram frá KR eftir komu sína í Úlfarsárdal 2023. Sá danski hefur farið á kostum í upphafi tímabils og er markahæsti leikmaður Fram með fjögur mörk í deild og eitt í bikar.

KR og Fram eru tvö skemmtilegustu lið deildarinnar ef litið er til markafjölda í leikjum liðanna.

Þar er KR í sérflokki en Vesturbæingar hafa skorað 25 mörk og fengið á sig ellefu í fyrstu sex umferðum tímabilsins.

Framarar hafa einnig boðið upp á mikla skemmtun í upphafi móts. Í fyrstu sex leikjum þeirra hafa verið skoruð 29 mörk, en markatala liðsins er 18:11.

Heilir og sælir lesendur góðir og verið velkomin í þráðbeina textalýsingu frá Meistaravöllum þar sem topplið KR fær Fram í heimsókn.