Leik lokið í Auburn. Allt í lagi varð slæmt í kringum þriðja mark Argentíniu. Umfjöllun og viðtöl koma næst

Daníel er einn og óvaldaður inn í teig eftir flotta fyrirgjöf frá Jóni Degi en kollspyrna Daníels fer framhjá

Þremur bætt við

Íslenska liðið er alveg búið að slökkva á sér. Þetta þriðja mark var svolítill staðfesting þess en strax í kjölfarið sleppa þeir blá-hvítu aftur í gegn en fara illa af ráðum sínum við að klára með marki.

Martinez kemst aftur einn í gegn, reynir að vippa yfir Elías sem kemur út á móti honum en boltinn fer framhjá og Elías dæmdur brotlegur

Önnur vatnspása. Messi er tilbúinn að koma innn á

Aftur kemur stönginn til bjargar! Aftur er það Martinez sem skapar usla fyrir íslensku vörnina, kemst í gegn vinstra megin og á innanfótarskot sem fer framhjá Elíasi en endar í stönginni.

Enzo tekur aukaspyrnu sem er ekki svo langt fyrir utan teig en skotið hans er fremur máttlaust og Elías á ekki í vandræðum með að grípa boltann.

Mac Allister á hér skot í stöngina! Fær boltann eftir flotta fyrirgjöf frá Martinez

Nico Paz kemst einn í gegnum vörn Íslands. Hleypur í átt að marki og rennur boltanum svo fyrir á Martinez en sendingin er ekki nægilega góð þar sem Martinez rennir sér á eftir knettinum og þyrfti bara að setja hann í autt mark Ísland en hittir ekki boltann.

Ísland kemur síðari hálfleik á stað

Rosendo Mendoza flautar til hálfleiks í tíðindalitlum fyrri hálfleik, að undanskyldu marki Valentín Barco á áttundu mínútu. Argentína var mun meira með boltann í fyrri hálfleik, eins og við var að búast. 61% gegn 39% hjá Íslandi. Þá eru heimsmeistararnir með 8 skráðar marktilraunir, gegn aðeins 3 hjá Íslandi. Eina marktilraunin sem fór á ramman var skot Ísaks rétt fyrir hálfleik.

Þremur mínútum bætt við fyrri hálfleikinn.

Ísak á hér fínt skot að mark Argentínu eftir að boltinn dettur fyrir hann fyrir utan vítateig Argentínu. Musso er hins vegar við öllu búinn og ver skot Ísaks.

Paz fær sendingu yfir vörn íslenska liðsins og á snöggt skot sem Elías Rafn ver vel í íslenska markinu.

Ekki mikið að gerast þessa stundina í leiknum og þá bregða amerísku myndatökmennirnir við með því að sýna Messi á stóra skjánum en við það brýst út mikill fögnuður á meðal íslenskra áhorfenda.

Áhorfendur á Jordan-Hare vellinum taka bylgjuna og hefur hún gengið marga hringi í gegn og allir 88 þúsund áhorfendurnir taka þátt.

Pressa íslenska liðsins skilar sér vel og ýtir því argentíska aftar. Boltinn bert svo til Mikaels út á hægri kanti sem gerir vel í að sækja aukaspyrnu. Alber tekur spyrnuna en hún fer beint í höfuðið á Barco sem stendur einn í varnarvegg og liggur óvígur eftir í örskamma stund.

Argentína fær aukaspyrnu sem Nicolás Paz tekur en spyrna hans fer hátt yfir markið. Í kjölfarið flautar dómarinn og það er komið að vatnspásu

Myndavélin beinist að Messi á varamannabekknum og áhorfendur í stúkunni tryllast og byrja að kalla nafn hans aftur og aftur

Argentína er nær eingöngu með boltann þessar upphafsmínútur. Spila knettinum vel á milli sín og hleypa okkur Íslendingum ekkert að.

Elías á hér flotta markvörslu eftir að Argentína vinnur boltann og brunar upp völlinn. Sá ekki hver átti skotið en það var snöggt og lúmskt og Elías þurfti að vera vel á verði

Rétt í þesssu heyrðist í nokkrum hræðum öskra Iceland! Iceland! Iceland! Augljóslega ekki Íslendingar, en gaman að einhver sé á okkar bandi.

Fyrsta marktækifærið er ísleneskt! Argentína er í sókn en íslenska liðið verst vel og breytir vörn í sókn, hratt. Albert fær boltan úti vinstra megin og gefur hann fyrir á Mikael Egill sem kemur á hlaupinu en skot Mikaels fer yfir markið!

Argentína byrar með boltann og sækir til norðurs

Liðin eru hvort um sig að gera sig klár á sínum vallarhelming. Nú bíðum við bara eftir upphafsflautinu frá Rosendo Mendoza, sem stjórnar flautukonsertinum í kvöld.

Liðin tvö ganga inn á völlinn á meðan flugeldum er skotið úr jumbotron skjánum. Íslenski þjóðsöngurinn er svo spilaður fyrst áður en það kemur að þeim argentíska.

Þetta var magnað. Örninn sveimaði einn hring í kringum völlinn við mikil fagnaðarlæti áður en hann lenti svo inn í miðjuhringnum þar sem þjálfari hans tók á móti honum og labbaði með af hann af velli. Þetta fer í highlight pakkann!

Það er ekki spilaður þjóðsöngur Íslands eða Argentínu, í það minnsta ekki enn. Heldur hljómar hér þjóðsöngur Bandaríkjana hástöfum ásamt smá flugeldasýningu.

Það hleypur á milli einstaklingur með hljóðnema að spjalla við áhorfendur í stúkunni og reynir að trekkja upp alla stúkuna til að öskra hátt við lok hverjar setningar. Allt að verða tilbúið fyrir að fylgjast með erninum fljúga hringinn.

First time for everything. While holding a press conference discussing the logistics of hosting the Argentina-Iceland World Cup friendly soccer match, Auburn was doing practice eagles flights.

A pre-game eagle flight is planned for the game Tuesday. pic.twitter.com/fQQidzbsfJ

— Alex Husting (@AlexHusting) June 5, 2026

Það má nánast heyra saumnál detta þegar íslenska liðið hleypur síðar inn á völlinn til upphitunar. Enda má nær bara sjá argentískar treyjur þegar horft er yfir áhorfendahópinn á þessum 88 þúsund manna velli.

Lið Argentínu gengur inn á völlinn til upphitunnar fyrir leik og það brjótast út mikill fagnaðarlæti í stúkunni þegar Messi gengur út á völlin

???? ARGENTINA STARTING XI ????????

Messi starts from the bench tonight vs Iceland.

Scaloni managing him carefully, minutes controlled, no risks taken with the ????

One question worth asking. When he comes on, Iceland are you ready? ???????????? pic.twitter.com/HYsqOtj7Db

— Barca Xtra (@Barcaxtr) June 10, 2026

Íslenska liðið er komið út á völlinn í þykkum peysum að sparka bolta á milli og virða fyrir sér rigninguna. Í bland við liðið eru einnig starfsmenn Jordan-Hare vallarins með laufblásara að þurka grasið og reyna að blása vatnið í burt. Arnar Gunnlaugsson og hans menn fá í það minnnsta rennblautt gras til að spila á í kvöld.

Það hefur helliringt hér í Auburn fyrir leik ásamt dágóðu þrumuveðri og gefnar hafa verið út flóðviðvaranir þar sem vatnsvextir geta valdið því að ár flæði yfir bakka sína. Vanir aðilar hér á leikvellinum segja þó að áhyggjur yfir leiknum sjálfum séu óþarfar. Allir eru vanir álíka veðri í Alabama og Jordan-Hare völlurinn er sérstaklega undirbúinn fyrir slíkt með drenlögnum allan hringinn þannig að allur vökvi á greiða leið út. Vandræðin væru helst hjá áhorfendum þar sem öll sæti og bekkir eru gegnblautir núna áður en áhorfendur streyma inn á völlinn í sín sæti. Rigningin á að hætta fyrir upphafsflautið samkvæmt veðurspám.

View this post on Instagram

A post shared by 433 (@433)

Ísland og Argentína hafa bara mæst einu sinni áður, á Heimsmeistaramótinu í Rússlandi árið 2018. Þeim leik lauk með 1-1 jafntefli þar sem Alfreð Finnbogason skoraði jöfnunarmark Íslands áður en að Hannes Þór Halldórsson varði vítaspyrnu frá Messi, sælla minninga.

„Ég held að þetta verði dýrmæt reynsla. Kjarninn af leikmönnunum okkar er mjög ungur og við erum að þróa nýtt lið með nýjan leikstíl. Síðastliðið ár höfum við verið að mæta stórum liðum eins og Frakklandi og við vorum að spila við Japan í síðasta leik. Núna erum við að mæta heimsmeisturunum. Við erum búnir að eiga yndislegan tíma í Auburn. Ég held að allir séu spenntir fyrir leiknum. Ef þú [sem knattspyrnumaður] ert ekki spenntur fyrir því að mæta heimsmeisturunum þá ættirðu að gera eitthvað annað í lífinu,“ sagði Arnar Gunnlaugsson á blaðamannafundi Íslands fyrir leikinn.

   09.06.2026 07:30

Allir leikmenn Íslands klárir í bátana - „Þá ættirðu að gera eitthvað annað í lífinu“

   09.06.2026 07:00

Arnar telur æfingabúðirnar í Auburn frábæran undirbúning fyrir næstu stórmót

Það er eftirvænting í Auburn í Alabama í Bandaríkjunum þar sem Ísland og Argentína mætast í vináttulandsleik sem hefst að íslenskum tíma klukkan 01:00. Í Auburn eru menn mjög stoltir af því að þetta verði fyrsti knattspyrnuleikurinn (soccer) á Jordan-Hare leikvangnum, sem er heimavöllur Auburn Tigers háskólaliðsins í amerískum fótbolta. Hann tekur 88 þúsund manns í sæti og verður uppselt á leikinn, eða allt að því. Heimsmeistarar Argentínu fá skiljanlega stærstan hluta athyglinnar enda síðasti leikur liðsins fyrir HM og búist við því að Lionel Messi spili.

   08.06.2026 15:40

Örn mun sveima um leikvanginn þegar Ísland mætir Argentínu