Frábær skemmtun á Seltjarnanesi. Viðtöl og skýrsla væntanlega

Björgvin Brimi keyrir í skyndisókn en er kominn í þrönga stöðu þegar hann skýtur. Ólafur ver.

Matthías Kjeld með frábæran bolta á Tristan Frey sem er kominn í góða stöðu en skýtur framhjá

Gróttumenn liggja mjög neðarlega á vellinum en líður samt sem áður ágætlega þar sem HK-menn eru að skapa sér lítið

Búið að vera mikill hiti í þessum leik

Grímur með flotta skottilraun eftir tilþrif hjá Axeli.

Ívar Orri missir boltann klaufalega á miðjunni. Björgvin Brimi keyrir inn á teig og á laflaust skot sem fer framhjá.

Frábær fyrirgjöf á fjærstöng HK-inga. Elmar Freyr er mættur en á lélegan skalla

Björgvin Brimi með frábæra takta á vinstri kantinum, fær hornspyrnu

Jóhann Þór eltir langa sendingu og Guðmundur markmaður mætir honum. Þeir skella harkalega saman og Guðmundur fær hné Jóhanns í bringuna.

Aron Kristófer með fína fyrirgjöf en Radic kemur ekki boltanum á markið. Þarf að gera betur í þessari stöðu.

Líflegur fyrri hálfleikur, tökum okkur 15

+3 Aron Kristófer með útswing hornspyrnu sem fer beint á kollinn á Þorsteini Aroni. HK-ingar hljóta að hafa farið í einhverjar blokkingar inn í teig. Þorstein var aleinn en skallinn fer framhjá

Þrjár mínútur í uppbótartíma

Gróttumenn vel skipulagðir og HK-ingar eiga mjög erfitt með að spila á milli línanna. Einfaldlega of hægt.

Lendi í þungu samstuði við Hauk Leif. Þeir þurfa báðir aðhlynningu en Haukur stendur þó upp. Andri stekkur upp í tennurnar á Hauki.

Jóhann stígur sjálfur á punktinn. Hann á frekar laust skot í vinstra hornið sem Guðmundur ver í stöng. Halldór Hilmir er svo fyrstur í boltann og bægir hættunni frá

HK að fá vítaspyrnu, mér sýnist þetta vera fyrir frekar litlar sakir. Jóhann Þór klókur að fara niður.

HK-ingar eru aðeins að vakna. Setja mikla pressu á Gróttumenn án þess þó að skapa sér neitt

HK fær fyrstu hornspyrnu leiksins. Tekin stutt og endar með skoti sem fer beint í hendurnar á Guðmundi

Flott spil HK-manna sem endar með góðri fyrirgjöf en Radic skallar yfir

Leikurinn búinn að vera í jafnvægi, mikið miðjumoð. Mark Gróttumanna eina skot leiksins hingað til

Gestirnir sparka þessu í gang

Rúnar Páll gerir fjórar breytingar á sínu. Hrannar Ingi Magnússon, Caden Robert McLagan, Andri Freyr Jónasson og Axel Sigurðarson koma inn í stað þeirra Dags Bjarkasonar, Elmars Freys Haukssonar, Vikors Orra Guðmundssonar og Kristjáns Tómasar Björnssonar. Gunnar Heiðar gerir tvær breytingar á sínu liði. Svavar Örn og Ívar Örn eru í leikbanni. Inn í þeirra stað koma Aron Kristófer Lárusson og Viktor Helgi Benediktsson.

Áki Sölvason, leikmaður Dalvíkur/Reynis, spáir í 12. umferð Lengjudeildarinnar. Grótta 0 - 1 HK „Það gerist ekki mikið í þessum leik fyrr en í lok leiks þegar Aron Kristófer tryggir HK sigur með alvöru neglu."

Öll tólfta umferð Lengjudeildarinnar verður leikin um helgina. Í dag 19:15 Njarðvík-Þróttur R. (JBÓ völlurinn) 19:15 ÍR-Afturelding (Þarfaþingsvöllurinn) 19:15 Grótta-HK (Vivaldivöllurinn) 19:15 Ægir-Fylkir (GeoSalmo völlurinn) Á morgun 14:00 Grindavík-Vestri (Stakkavíkurvöllur) 16:00 Leiknir R.-Völsungur (Leiknisvöllur)

Þrír leikmenn HK taka út leikbann í kvöld. Svavar Örn Þórðarson og Dagur Ingi Axelsson fengu að líta rautt spjald í síðasta leik gegn Fylki. Ívar Örn Jónsson er einnig í banni í kvöld vegna uppsafnaðra gulra spjalda. Engin leikmaður Gróttu er í leikbanni.

Grótta Seltirningar sitja í 8. sæti deildarinnar með 13 stig. Nýliðarnir hafa gert vel það sem af er móts. Eftir að hafa unnið þrjá leiki í röð hefur liðið aðeins náð í eitt stig í síðustu þremur. Síðasti leikur liðsins var gegn Völsungi á Húsavík, þar fóru leikar 2-2. HK HK er í 5. sæti deildarinnar með 19 stig og aðeins fjórum stigum á eftir toppliði Þróttar. Liðinu hefur tekist illa að tengja saman sigra. Síðasti leikur liðsins var gegn Fylki í Árbænum. HK vann dramatískan 0-2 sigur en það var jafnframt fyrsti útisigur liðsins á tímabilinu.

Hreinn Magnússon verður á flautunni í kvöld. Þráinn Jón Elmarsson og Ragnar Arelíus Sveinsson verða á flöggunum.

Góða kvöldið kæru lesendur og verið þið velkomnir í textalýsingu beint frá Vivaldivellinum. Hér munu Grótta og HK mætast í 12. umferð Lengjudeildarinnar.