SKÝRSLAN: Euro Emil Atla
Hvað réði úrslitum?
Stjarnan var betri aðilinn og gestirnir urðu fljótt þreyttir, vítin sem þeir fengu á sig voru mjög klaufaleg sérstaklega annað vítið. Mögulega á mómentum var hausinn farinn hjá gestunum. Barður Á Reynatrøð hélt gestunum inn í leiknum og ef þeir enda á að vinna næsta leik og komast áfram þá er það Barði að þakka.
Bestu leikmenn
1. Emil Atlason
Maðurinn skoraði þrennu, erfitt að velja hann ekki. Hann var alltaf hættulegast leikmaður Stjörnunnar og var ekki langt frá því að skora fleiri mörk.
2. Benedikt Warén
Fékk víti og perfect stoðsending í seinna markinu, hann átti erfiðan fyrri hálfleik eins og allt liðið hjá Stjörnunni en seinni var góður. Ætla líka að gefa Aron Benjaminsen markaskorara Víkings Götu hrós, hann var hættulegasti leikmaður Víkings, skoraði frábært mark og enn betra fagn. Hann var að sóla menn hægri vinstri, hann var bara stundum of lengi á boltanum þegar hann hefði átt að senda. Svo má markvörðurinn Barður Á Reynatrøð fá smá hrós þrátt fyrir að fá þrjú mörk á sig, Stjarnan hefði getað skorað fleiri mörk en hann var að verja flest allt og hann var ekki langt frá því að verja bæði vítin.
Atvikið
Það var eins og í seinni hálfleik þá urðu gestirnir fljótt mjög þreyttir, þetta var jafnara í seinni. En eftir seinna mark Emils þá tók Stjarnan yfir leikinn og það var með ólíkindum að Stjarnan skoraði ekki fleiri mörk. Eftir seinna markið þá var eitt móment þar sem gestirnir ógnuðu og það var á 92 mínútu.
Hvað þýða úrslitin?
Seinni leikurinn er eftir og hann er fimmtudaginn 16. júlí. Leikurinn verður í Færeyjum í Klaksvík.
Vondur dagur
Jørgen Nielsen er algjör klaufi í þriðja víti Stjörnunnar og átti alls ekki að fara niður og tækla boltann. Íslandsvinurinn Kaj Bartalsstovu gerði ekki neitt af bekknum og líka hinir tveir sem komu af bekk Víkings Götu. Í fyrri hálfleik spiluðu Jóhann Árni og Guðmundur Baldvin ekki vel, leikmenn Víkings löbbuðu stundum í gegnum þá. En seinni hálfleikurinn hjá dúóinu á miðjunni var miklu betri, þannig að það er erfitt að lasta þá of mikið.
Dómarinn - 6
Bæði vítin voru hárrétt dæmd, það voru nokkur móment þar sem ég skildi ekki af hverju hann væri að dæma. Víkingur Götu átti líka að fá víti í byrjun seinni hálfleiks, en kannski var Benjaminsen að leika þetta aðeins of mikið. Þetta var bara ágætt.