SKÝRSLAN: Frábær leikur þar sem úrslit réðust í vítakeppni
Hvað réði úrslitum?
Það sem réði úrslitum í þessum leik var vilji og barátta Álftnesinga og frábær frammistaða Þorgeirs í marki Álftnesinga í vítóinu.
Bestu leikmenn
1. Þorgeir Páll Gíslason
Var frábær í markinu, varði oft frábærlega í leiknum og var frábær í vítóinu
2. Markús Pálmi Pálmason
Markús kom inná en gjörbreytti leiknum þegar hann kom inn. Hann var allt í öllu í spili Álftnesinga og skoraði.
Atvikið
Atvikið sem breytti leiknum kom þegar að Tomas Alejandro Barletta skoraði jöfnunarmark Álftnesinga til þess að koma leiknum i 2-2, minna en tveimur mínútum eftir mark Fjölnis. Þetta gaf Álftanesi þá trú sem þeir þurftu til þess að vinna leikinn.
Hvað þýða úrslitin?
Úrslitin þýða að Álftnesingar komast áfram í 8 liða úrslit bikars Fótbola.net en Fjölnismenn hafa lokið keppni.
Vondur dagur
Einar Örn Harðarsson kom inn og lét ekki mikið til sín taka. Hann hélt ekki frábærlega í boltann og var ekki áberandi
Dómarinn - 9
Guðmundur Páll Friðbertsson dæmdi leikinn frábærlega í dag. Hann lét leikinn ganga vel og ekkert leystist í vitleysu. Dæmdi nokkrar ódýrar aukaspyrnur en annars frábær leikur hjá manninum á flautunni.