Þessi lið mættust í deildinni þann 30. apríl á Avis vellinum þar sem Þróttarar báru sigur úr býtum í leik sem endaði 2-1. Berglind Freyja Hlynsdóttir kom FH yfir í leiknum en mörk frá Sigríði Theódóru Guðmundsdóttur og Kayla Rollins tryggðu Þrótti sigurinn. Úr fyrri leik liðanna á þessu tímabili

Arnar Ingi Ingvarsson er dómari þessa leiks en honum til halds og trausts eru Tijana Krstic og Arnþór Helgi Gíslason. Reynir Ingi Finnsson er svo á skiltinu.

Þróttarar eru búnar að vera óstöðugar það sem af er á móti en í síðustu fimm leikjum eru þær með tvo sigra, tvö töp og eitt jafntefli. Í síðasta leik fóru þær norður á Akureyri þar sem þær töpuðu 2-0 fyrir Þór/KA. Þróttur er í miðjupakkanum sem hefur myndast í deildinni með 13 stig í 5. sætinu.

FH hafa verið á miklu flugi undanfarið en þurftu að sætta sig við eitt stig úr síðasta leik gegn Valskonum. Ída Marín skoraði mark FH í leiknum á 3. mínútu áður en Valskonur jöfnuðu á þeirri 38. Eins og er eru FH í öðru sæti deildarinnar með 20 stig, einu stigi á eftir Íslandsmeisturum Breiðabliks.

Verið hjartanlega velkomin í þessa þráðbeinu textalýsingu kæru lesendur. Þessi leikur FH og Þróttar er liður í 10. umferð Bestu deildarinnar og flautað er til leiks klukkan 19:15 í Kaplakrika.