SKÝRSLAN: Györ-samlega geggjað kvöld Víkinga
Hvað réði úrslitum?
Karakter, kraftur, áræðni og elja Víkinga skilaði þeim yfir línuna í þessu einvígi. Með aðeins eitt mark í forskot af heimavelli var þetta alltaf að fara að verða erfitt. Það blés heldur ekki byrlega lengst af í fyrri hálfleik. En Víkingar fundu kraft, höfðu trú á sjálfum sér i verkefninu og uppskáru eftir því.
Bestu leikmenn
1. Gylfi Þór Sigurðsson
Einu sinni sem oftar skarar Gylfi framúr á vellinum. Hvort heldur það er að hægja á og anda eða sprengja leikinn upp virðist hann alltaf vera með á hreinu hvað þarf hverju sinni. Skilur alltaf allt eftir á vellinum og leiðir áfram með góðu fordæmi. "Stal" líka marki af Daníel Hafsteinssyni eða mögulega varð til þess að boltinn hafi farið í netið. Spurning hvort þeir rífist um það í fluginu heim.
2. Oliver Ekroth
Ég á í raun í basli með að velja næst besta mann dagsins. Daníel Hafsteinsson fyrir að vera frábær, Óskar Borgþórsson fyrir að hengja ekki haus eftir klaufalegt brot sem leiddi til vítaspyrnu. Tarik fyrir óbilandi dugnað og baráttu og ég gæti haldið áfram. En fyrirliðinn fær þetta fyrir alla þá bolta sem hann skallaði frá, allt það pepp sem hann skilaði frá sér til liðsfélaga sinna sem skildu allt eftir inn á vellinum.
Atvikið
Sóknin þegar Víkingar gerðu annað mark sitt í dag var frábær. Þolinmæði í uppbyggingu og sprengikraftur á hárréttu augnabliki. Mikilvægið spillti svo ekki fyrir.
Hvað þýða úrslitin?
Víkingar eru áfram í næstu umferð og fá heimsókn frá Ísraelsmeisturum Hapoel Be'er Sheva eftir viku.
Györ menn skella sér í 2.umferð Sambandsdeildarinnar
Györ menn skella sér í 2.umferð Sambandsdeildarinnar
Vondur dagur
Mexikóinn Efraín Juárez fær enga draumabyrjun í fótbolta í Evrópu. Tveir keppnisleikir gegn Íslandsmeisturum Víkinga að baki og niðurstaðan er að falla úr leik. Efast um að pressan þar ytra fari mjúkum höndum um hann næstu daga.
Dómarinn - 5
Þessi er tricky, hann hélt línu nokkurn vegin í leiknum en hún var ansi sérstök. Allt í lagi að leyfa mönnum að takast á og allt það en þegar groddaraleg brot fá að flakka og menn liggja eftir þurfa menn kannski aðeins að staldra við. Flott að leikurinn fær að fljóta en það eru takmörk fyrir öllu.