Sterkur 3-2 Stjörnusigur hér í dag! Viðtöl og skýrsla koma inn síðar í kvöld

Brotið á Angelu á hættulegum stað, Emilía Ósk tekur spyrnuna í pakkann en þær ná að koma þessu frá, Atli Björn flautar leikinn svo af

Þór/KA er alveg að gera atlögu að jöfnunarmarkinu! Karen Hulda setur boltann inn á teiginn þar nær Amalía skallanum en rétt yfir markið

A.m.k. 5 mínútur í uppbótartíma,

Mér sýnist þetta vera Jakobína sem liggur hér eftir brotið, er studd útaf

Brotið á Erin Flurey

Erin Flurey með frábæra fyrirgjöf hittir beint á Bríeti sem á bara eftir að pota boltanum inn en setur hann beint á Skiba, þarna þarf að gera betur í svona dauuuuuuðafæri!

Erin Flurey gerir vel, finnur svo Margréti og tekur overlappið, reynir svo skot en yfir

Fínasta sókn hjá Stjörnukonum, Snædís finnur Þóru Maríu upp í horn, hún nær svo að koma honum fyrir þar sem Snædís er mætt og reynir skotið en yfir markið

Stórar breytingar hjá báðum liðum! Arna Sif farin úr vörninni hjá Þór/KA og Murielle Tiernan er að koma inn á eftir næstum 8 vikna meiðsli hjá Stjörnunni

Hulda Hrun er komin fínustu stöðu en flaggið fer réttilega á loft

Andrea Mist tekur aukaspyrnu á miðjum vallarhelmingi Þórs/KA, lætur bara vaða en rétt yfir

Andrea Mist með hornið, Þórs/KA konur skalla þetta frá og Erin gerir sig líklega í skyndisókn en er stöðvuð

Birgitta reynir tjahh skot? eða fyrirgjöf? Langt utan að velli, en Skiba grípur þetta örugglega

Stjörnukonur þeysast í skyndisókn, Hulda Hrund ætlar að stinga boltanum inn fyrir en þar er Angela Mary mætt og stelur honum

Hulda Ósk leikur listir sínar, kemst inn fyrir Jakobínu inn í teiginn setur hann svo fyrir þar sem Stjörnukonur ná rétt svo að skalla boltann frá markinu! Þetta var stórhættulegt

María Dögg brýtur á Evu Marie, þær taka þetta fljótt og stutt

Stal heillri pizzusneið af saklausum áhorfenda og plantaði sér svo á völlinn með fenginn!

Erin Flurey sparkar þessu aftur af stað fyrir okkur

Þetta er líklega eins og endurtekin martröð hjá Óskari og lærisveinum hans, dómineruðu fyrstu 20 mínúturnar og hefðu átt að vera búnar að setja 2-3 mörk til viðbótar. Þór/KA vann sig heldur betur inn í leikinn og uppskar frábært jöfnunarmark

Hulda Ósk reynir að sækja hornspyrnu en boltinn í hana aftur og út fyrir endalínu

Andrea brýtur á Bríeti við miðjubogann, Arna Sif tekur spyrnuna, fer í hælinn á Úlfu Dís en það var engin grimmd í Þór/KA liðinu að elta þetta

Fanney Lísa sleppur í gegn ákveður að reyna að setja boltann yfir Alessöndru en skóflar boltanum yfir markið

Snædís María reynir að setja boltann fyrir en þar er Karen María mætt

Bríet vinnur boltan af Þóru Maríu finnur Erin Flurey sem snýr Telmu eiginlega bara í hringi,

Þór/KA konur komnar eru heldur betur farnar að sækja í sig veðrið, komnar með meiri trú eftir því sem líður á leikinn

Elísa tekur annað horn fyrir Þór/KA, setur boltann þar sem Erin kemur á ferðinni en nær ekki nægilega góðum skalla

Elísa Bríet tekur hornið en ekkert kemur úr því

Karen María með þrumufleyg langt út á velli sem Skiba þarf að hafa sig alla við að verja

Margrét Árna með fínan bolta yfir völlinn og upp í horn á Bríeti en flaggið góða fer á loft

Jakobína brýtur á Huldu ósk út á hægri kanti, Karen María tekur spyrnuna, setur hana í pakkann og þar má minnstu muna að Þór/KA konur næðu honum. Skiba hins vegar vel vakandi og nær honum

Úlfa Dís reynir að þræða sig inn en missir boltan út fyrir endalínu

Andrea Mist með hornið setur hann á fjærsvæðið en þar er engin tilbúin að taka við boltanum

Fanney Lísa lætur vaða en fer í varnarmann og svo hátt yfir

Telma með frábæra tæklingu kemur í veg fyrir að Erin Flurey geri neitt

Stjörnukonur hafa trekk í trekk komið sér í góðar stöður, þær eru aggressívar og gefa Þór/KA konum engan tíma

Margrét nær góðri sendingu upp á Bríeti, sú setur boltann fyrir en þar er engin mætt

Brotið á Þóru Maríu við miðjulínuna, Telma setur þetta upp en Karen María skallar þetta frá

Aftur er Fanney Lísa að komast alein í boltann á fjær en ekkert kemur þó úr þessu að sinni

Úlfa Dís á svona annað þrumuskot en rétt framhjá samskeytunum fjær

Andrea Mist tekur hornið að vana en boltinn útaf á fjærstönginni

Fanney Lísa nálægt því að komast í boltan á stórhættulegum stað en Alessandra kemur vel út og grípur þetta.

Arna í baráttunni við Snædísi en skýlir boltanum útaf

Snædís María sparkar þessu af stað fyrir Stjörnukonur

Liðin eru komin inn á völlinn og þetta fer alveg að detta í gang. Allt hefðbundið hér Stjarnan eru bláar-hvítar-bláar og Þór/KA eru hvítar-svartar-hvítar

Aðalsteinn Jóhann þjálfari Þórs/KA gerir þá 2x breytingar frá 1-0 sigri sínum á Grindavík/Njarðvík. Inn í liðið koma Elísa Bríet og Bríet en á bekkinn setjast Hildur Anna og Amalía.

Óskar Smári þjálfari Stjörnunnar gerir 1x breytingu á liði sínu frá 1-1 jafntefli gegn Val í síðustu umferð. Snædís kemur inn fyrir Anítu Ýr sem er farin út til Bandaríkjanna í skóla.

Liðin hafa mæst 2x í sumar með viku millibili annars vegar í deildinni og hins vegar í mjólkurbikarnum. Mikil dramatík var í báðum leikjum en í deildinni náðu systurnar Amalía og Margrét Árnadætur að knýja fram jafntefli með tveimur mörkum í lok leiks.

Þór/KA hafa verið að sækja í sig veðrið eftir afleita byrjun á tímabilinu. Þær hafa haldið hreinu og sótt 7 stig í síðustu þremur leikjum með jafntefli gegn Val, óvæntan 2-0 sigur á Þróttir og svo 1-0 sigur gegn Grindavík/Njarðvík í síðustu umferð. Þær sitja þó enn í 9. sætinu fyrir leikinn með 9 stig en það er stutt í miðjumoðið og sigur í dag myndi fleyta þeim upp fyrir botnbaráttuna. Þetta ætti því að verða hörkuleikur

Stjörnukonur sitja fyrir þennan leik í 3. sæti með 18 stig eða þremur stigum á eftir Breiðablik í 2. sætinu. Stjörnukonur misstu aðeins flugið í síðasta leik þegar þær gerðu 1-1 jafntefli við Val en höfðu fram af því unnið 4 leiki í röð. Þær eru hins vegar enn viðloðandi toppbaráttuna og sigur í dag hjálpar þar mikið!

Á flautunni í kvöld verður Atli Björn E Levy og honum til halds og trausts verða Eydís Ragna Einarsdóttir og Tijana Krstic aðstoðardómarar. Fjórði dómari er Óli Njáll Ingólfsson og eftirlitsmaður í dag er Ólafur Ingi Guðmundsson.

Verið hjartanlega velkomin í beina textalýsingu þráðbeint frá Samsungvellinum þar sem Stjarnan tekur á móti Þór/KA í 12. umferð Bestu deildarinnar. Leikurinn hefst á slaginu 18:00!