Þetta var ákaflega sannfærandi og sanngjarnt. Eins og maðurinn sagði, Völsungur er alltaf Völsungur á Mærudögum. Elfar Árni Aðalsteinsson er svo frábær fótboltamaður!

Komið í uppbótartíma en heimamenn halda bara áfram að sækja

Grindvíkingar eru að reyna en Victor í marki Völsungs ver vel. Nokkrum sekúndum síðar er Gestur kominn í færi hinum megin en Hjörvar ver frá honum.

Leikmyndin er eins og að gestirnir séu yfir. Þeir liggja til baka meðan heimamenn sækja.

Þetta lítur afar vel út fyrir heimamenn. Grindvíkingar eru ekki einu sinni líklegir að minnka muninn.

Og nú fær Fernando færi fyrir heimamenn en dúndrar yfir.

Elfar Árni með fínt langskot en yfir fer boltinn.

Heimamenn eru mun líklegri þessa stundina. Það er samt líf í þessu. Grindvíkingar eru að eiga sín augnablik

Arnar Pálmi með frábæran sprett upp kantinn og á fína fyrirgjöf sem Elfar Árni er hársbreidd frá því að pota inn!

Grindvíkingar byrja seinni hálfeikinn af krafti en hafa þó ekki náð að ógna að ráði.

Eftir frábæra fyrirgjöf strax í byrjun seinni skallar Eysteinn í stöngina!

Völsungar leiða mjög sanngjarnt í hálfleik. Þeir hafa verið margfalt betri aðili leiksins og naga sig eflaust í handarbökin að vera bara 1-0 yfir.

Heimamenn halda áfram að sækja af krafti með Elfar og Tómas fremsta í flokki. Þeir hafa fengið svona 15 hornspyrnur

Grindvíkingar fá aukaspyrnu á stórhættulegum stað en Lárus Orri á skot sem Victor markmaður ver vel. Völsungar fá skyndisókn í kjölfarið þar sem að Fernando fær ágætis færi en skot hans er slakt.

Arnar Pálmi fyrirliði Völsungs reynir fyrir sér. Hann og Xabier spila mjög vel upp vinstri kantinn og Arnar lætur vaða en Hjörvar ver.

Tómas Bjarni nálægt því að tvöfalda forystu heimamanna. Boltinn fellur fyrir hann eftir fyrirgjöf og hann neglir að marki en Hjörvar ver mjög vel.

Frábær hornspyrna sem að Rafael Victor skallar að marki en Victor í markinu ver frábærlega! Önnur hornspyrna sem ekkert kemur úr.

Völsungar hafa fengið ótal hornspyrnur á þessum fyrstu 20 mínútum en hafa þó ekki náð að gera sér mat úr þeim. En nú eiga gestirnir horn..

Það eru hornspyrnur á báða enda þessa stundina. Nú áttu Grindavík hornspyrnu sem endaði með stórhættulegri skyndisókn Völsungs. Fernando átti góðan sprett en náði ekki að koma Tómasi einum í gegn.

Aftur eru Völsungar nálægt því! Hornspyrna sem að Juan Gardia skallar rétt framhjá. Það er meðbyr með heimamönnum.

Völsungar svo nálægt þvi að bæta við! Eftir hornspyrnu sendir Sergio Parla fyrir á Elvar Baldvinsson sem á góðan skalla að marki en Hjörvar ver vel.

Heimamenn byrja af krafti. Elfar og Tómas spila vel saman upp hægri kantinn en fyrirgjöf Tómasar er auðveldlega gripin af Hjörvari.

Arnar dómari flautar leikinn af stað.

Þetta er að bresta á hér á GPG-vellinum. Stúkan er nú þegar orðin full og það er mikil stemning. Greinilegt að upphitunin á Húsavík Öl hefur gengið vel!
Meira að segja var það gaman í upphitunni að Frú Halla Tómasdóttir forseti Íslands var mætt og hún styður Völsung í dag þrátt fyrir mótmæli eiginmannsins frá Grindavík.

Þjálfari Völsungs er í afar áhugaverðu viðtali á fotbolti.net í dag. Viðtalið má lesa hér:

Eftir fjóra leiki án taps hafa heimamenn tapað síðustu tveim leikjum. Töpuðu afar illa gegn Aftureldingu í síðasta heimaleik og því fylgdi svo 1-0 tap gegn Þrótti í Laugardal. Völsungur er í 11. sæti deildarinnar með 8 stig.

Grindvíkingar eru á ágætis skriði þannig séð. Hafa einungis tapað einum af síðustu 6 leikjum en hafa þó líka bara unnið einn af þeim leikjum. Grindavík er í 9. sæti deildarinnar með 14 stig.

Ég er nokkuð viss um að þetta sé rétt en mér vitrari menn segja mér að Völsungur hafi ekki tapað leik á Mærudögum síðan hörmungarárið 2013. Völsungur er alltaf Völsungur á Mærudögum.
Ég get hins vegar sagt með vissu að Völsungur vann Mærudagaleikinn í fyrra með glæsibrag, 4-0 gegn Selfossi þar sem að bárðdælingurinn Jakob Héðinn Róbertsson, núverandi leikmaður KA, gerði þrennu.

Góðan daginn og velkomin í beina textalýsingu frá GPG-vellinum á Húsavík, á hinum einu sönnu Mærudögum, þar sem að Völsungur og Grindavík mætast í Lengjudeild karla.