Tímabil Stjörnunnar hefur verið ákaflega sveiflukennt og valdið miklum vonbrigðum. Liðið hefur átt erfitt með að komast á almennilegt skrið og það hefur verið krefjandi að tengja saman sigra. Þeir náðu þó tveimur gríðarlega mikilvægum sigrum á Keflavík og Val í síðustu tveimur leikjum. Stjörnunni var spáð 3. sæti fyrir tímabilið og eru ansi langt frá því. Það er áhugavert að sjá að Fram sem var spáð 8. sæti eru í 3. sæti en Stjörnunni sem var spáð 3. sæti eru í 8. sæti.

Fram hafa verið virkilega öflugir á tímabilinu og komið á óvart. Þeir höfðu ekki tapað í sex leiki þangað til þeir mættu sterku liði KR og þurftu að þola 5-2 skell á heimavelli. Stefnan er klárlega á Evrópusæti þar sem þeir eru í 3. sæti, sjö stigum á undan Blikum sem eru í því fjórða. Þeim var spáð 8. sæti fyrir tímabilið og hafa svo sannarlega farið fram úr þeim væntingum.

Sigurður Hjörtur Þrastarson er aðaldómari í kvöld. Honum til aðstoðar eru Gylfi Már Sigurðsson og Eysteinn Hrafnkelsson.

Arnar Ingi Ingvarsson er fjórði dómari og eftirlitsmaður er Skúli Freyr Brynjólfsson.

Gott kvöld kæru lesendur og verið velkomin í beina textalýsingu frá Lambhagavellinum í Úlfarsárdal. Í kvöld eigast Fram og Stjarnan við í 19. umferð Bestu deildar karla.