Ooog anda. Þvílík spenna hérna á lokamínútunum. Bæði lið sóttu til sigurs.

Afturelding fékk urmul færa og brenndu af vítaspyrnu. Þeir eru eflaust svekktir með að hafa ekki sótt stigin þrjú.

Viðtöl og skýrsla væntanleg.

HK-ingar komnir í góða stöðu en flaggið á loft.

Hálsar áhorfenda í yfirvinnu, bæði lið sækja eins og enginn sé morgundagurinn.

Fáum við dramatík?

Joachim Holtan brennir af gegn opnu marki!

Fær sendingu í gegn, Ólafur Örn í skógarúthlaupi. Holtan, sem er utarlega við vítateig, á bara eftir að renna boltanum í netið en setur hann framhjá!

HK fær hornspyrnu. Ívar Örn með spyrnu á fjærsvæðið, Radic nær skallanum en tilraun hans framhjá.

Afturelding þjarmar að HK.

Haukur Örn Brink fær boltann rétt fyrir utan markteig og á viðstöðulaust skot beint á Ólaf Örn sem ver vel.

Þarna munaði engu!

Óðinn Bjarka tekur spyrnuna og setur hann beint í andlitið á Birgi Steini sem var í varnarvegg HK.

Birgir liggur óvígur eftir og fær aðhlynningu.

Afturelding fær aukaspyrnu á stórhættulegum stað. Sýndist HK-ingurinn hafa farið bara farið í boltann, áhugaverður dómur.

Afturelding mun sterkara liðið þessa stundina.

Óðinn Bjarka með skalla úr hornspyrnu Aftureldingar sem Ólafur Örn kemur fingri á og þaðan fer boltinn í viðarverkið. HK-ingar koma hættunni frá að lokum.

Joachim Holtan með lúmska tilraun af löngu færi, Ólafur Örn langt af línunni. En markvörður HK er fljótur til og ver í horn.

Sævar Atli með hörkuskot fyrir utan teig sem Ólafur ver vel í marki HK. Boltinn beint á Holtan sem er í markteignum en aftur ver Óli meistaralega. Holtan var þó flaggaður rangstæður.

Bjartur Bjarmi með skot á mark HK en Ólafur Örn ver nokkuð þægilega.

HK fær hornspyrnu, taka hana stutt. Aron Kristófer við endalínu og tekur af rás inn í teiginn. Á að lokum skot sem fer í varnarmann og í aðra hornspyrnu.

Ekkert kemur upp úr seinni hornspyrnu HK-inga.

Joachim Holtan sparkar þessu í gang.

Gunnar Freyr flautar til hálfleiks beint eftir vítavörsluna. Jafnræði með liðunum hér í líflegum fyrri hálfleik og ganga þau jöfn til búningsklefa.

Hætta eftir hornspyrnu Mosfellinga og Gunnar Freyr bendir á punktinn. HK-ingar nokkuð gáttaðir. Hann hlýtur að vera dæma hendi, ómögulegt að sjá úr blaðamannastúknni.

Eftir VAR skoðun uppi í blaðamannaboxi þá sýnist mér þetta vera réttur dómur. Boltinn í hendina á Aroni Kristófer sem stóð á marklínu HK.

+1

Afturelding fær hornspyrnu.

Ein mínúta í uppbót.

Tumi sker inn frá vinstri og krullar boltanum rétt framhjá marki Aftureldingar.

HK-ingar missa boltann á hættulegum stað. Boltinn berst á Hauk Brink sem lætur vaða við vítateig en Ólafur Örn ver vel í marki gestanna.

Arnþór Ari með tilraun af löngu færi sem Arnar Daði ver örugglega í marki Aftureldingar.

Holtan fær sendingu í gegn og keyrir að vítateig HK. Birgir Steinn verst vel og bægir hættunni frá.

Tumi með tilraun sem fer beint á Arnar Daða í marki Aftureldingar.

Verið lítið um færi eftir þessa hressandi byrjun.

Tumi Þorvars með fyrirgjöf á Breka Hólm sem skallar framhjá marki Mosfellinga.

Lætur bara vaða úr aukaspyrnunni sem er vel fyrir utan teig. Arnar Daði þarf að hafa sig allan við til að verja skotið.

Bæði lið þreifa hvort á öðru. Engin færi enn sem komið er.

Strax hætta.

Radic keyrir í teiginn, kominn við endalínu og gefur út í teig Mosfellinga en enginn HK-ingur mættur.

Bláklæddir HK-ingar hefja leik.

Ísfuglinn heldur uppi stuðinu með skemmtilegum dönsum fyrir leik.

Búið er að opinbera byrjunarlið leiksins. Elmar Kári Cogic er ekki í leikmannahóp Aftureldingar en hann hefur verið frá í undanförnum leikjum vegna meiðsla. Þá er Karl Ágúst Karlsson ekki í leikmannahóp HK en hann skoraði fyrra mark liðsins gegn Leikni síðastliðinn fimmtudag.

Gunnar Bergmann kemur inn í byrjunarlið Mosfellinga á kostnað Andi Hoti. Breki Hólm er í byrjunarliði HK í fyrsta sinn frá því að hann gekk í raðir liðsins á láni frá KA.

Gunnar Freyr Róbertsson er dómari leiksins. Honum til halds og trausts á sitthvorri hliðarlínunni eru þeir Ronnarong Wongmahadthai og Sveinn Ingi Sigurjónsson Waage.

Eftirlitsmaður er Halldór Breiðfjörð Jóhannsson.

Haukur Örn Brink er á láni hjá Aftureldingu frá Stjörnunni. Hann byrjaði sinn fyrsta leik með Aftureldingu á fimmtudag og skoraði eitt af þremur mörkum liðsins í 3-3 jafntefli í Árbænum. Hann skoraði með skoti fyrir utan teig.

Hann var í skemmtilegu viðtali á Fótbolta.net í dag þar sem hann ræddi um dvölina í Mosfellsbæ.

„Ég vildi fara á lán til þess að fá meiri spiltíma, vera í stærra hlutverki og þróast betur sem leikmaður. Afturelding er mjög spennandi lið, ég fíla boltann sem liðið spilar og mér finnst hann henta mér mjög vel."

„Mér fannst líka mjög spennandi að þeir væru ennþá í bikarkeppninni. það voru nokkrir kostir í boði en Afturelding var alltaf fyrsti kosturinn."

Haukur Andri Haraldsson er spámaður umferðarinnar að þessu sinni og spáir hann markaleik.

Afturelding 3 - 2 HK
Mörg augu ættu að vera á þessum leik. Bæði lið eru að ganga vel og boltinn verður ekki mikið í loftinu. HK mun eiga fyrri hálfleikinn og komast í 0-2. Tumi Thorvars hleypur inn fyrir vörnina eins og hann gerir best og vippar yfir Arnar Daða. 0-2 er staðan í hálfleik.

Afturelding setur svo í gírinn í seinni og byrjar með marki frá öðrum BBB, Bjarta Bjarma. Axel Óskar skorar ekki með skalla heldur eftir aukaspyrnu af stuttu færi þar sem hann neglir í markmannshornið.

Afturelding hendir öllu fram í lokin og það verður darraðadans inni í teignum og Kiddi Freyr skorar og fer og fagnar með Kristjáni Hjörvari. Kristján Hjörvar gefur svo Kidda skeið af Hreysti og Lean Body og tekur hann með sér að grinda í ræktinni.

Fjórar umferðir eru eftir af Lengjudeildinni og er mikil spenna. Afturelding á þó eftir að spila fimm leiki vegna bikarævintýri liðsins.

Mjótt er á munum á toppnum en aðeins fjögur stig frá fimmta sætinu (HK) yfir í það fyrsta (Afturelding).

1 - Afturelding 17 +22 35 stig
2 - Þróttur R. 18 +19 34 stig
3 - Fylkir 18 +9 34 stig
4 - Njarðvík 18 +8 32 stig
5 - HK 18 +9 31 stig

Heilir og sælir lesendur góðir og veriði hjartanlega velkomin í beina textalýsingu frá Malbikstöðinni að Varmá.

Hér klukkan 19:15 mun Gunnar Freyr Róbertsson flauta til leiks viðureign Aftureldingar gegn HK.