Þetta horn er það síðasta sem gerist í þessum leik. Verðskuldaður sigur ÍR staðreynd. Skýrsla og viðtöl væntanleg seinna í kvöld.

Alexander Helgi gerir frábærlega og finnur Oumar Diouck í pínulitlum vasa í teignum, hann nær skoti en Vilhelm ver í horn.

Boltinn dettur fyrir Aron Einarsson rétt fyrir utan teiginn, hann á skot sem er beint á Vilhelm.

Þorri Heiðar í dauðafæri sloppinn einn í gegn en Guy gerir vel og les hann.

Fimm mínútum bætt við.

Víðir Freyr i fínu færi eftir flikkskalla frá Bergvin Fannari en skotið hans er beint á Guy.

Rafael Victor í dauðafæri inn á markteignum en skotið hans en rétt fram hjá fjærstönginni.

ÍR sækja upp hinum megin og vinna horn.

Arnleifur tekur spyrnuna og finnur Rafael Victor sem nær skalla en hann fer á varnarmann sem skallar frá.

Enn og aftur vilja Njarðvíkingar víti og mögulega hafa þeir eitthvað til síns máls í þetta skiptið þegar Oumar Diouck er rifinn niður í teignum en horn er niðurstaðan.

ÍR skalla frá en aftur fyrir og Njarðvæik fá annað horn.

Oumar Diouck setur spyrnuna beint í vegginn og Njarðvík fá horn.

Njarðvík fá aukaspyrnu á mjög góður stað við teiginn vinstra megin.

ÍR fá hornspyrnu sem þeir ná ekki að nýta.

Arnleifur tekur spyrnuna en þá flautar Gunnar Oddur og vill taka menn á eittvað tal. Arnleifur tekur spyrnuna aftur á fjær þar sem Eiður Aron reynir að fiska víti en það er eiginlega hlægileg tilraun og Gunnar Oddur fellur ekki í þá gryfju.

Njarðvíkingar fá horn.

Orri Bjarkason er að sleppa aleinn í gegn en flaggið á loft, mjöög tæpt ef rétt er.

Aftur vilja Njarðvík víti, nú fyrir hendi, en mér sýnist ekkert hafa verið á þetta.

Bragi Karl tekur spyrnuna sem er ótrúlega slök og fer hátt yfir markið.

Njarðvík vilja víti þegar Alexander Helgi fellur í teignum en fá bara horn, þeir ná svo ekki að nýta hornið en fá aukaspyrnu hinum megin.

Orri Bjarkason með fínasta skot að marki Njarðvíkur en það er yfir.

Njarðvík fá horn sem Arnleifur tekur og Eiður Aron skorar fyrir Njarðvík en Gunnar Oddur metur það sem svo að það hafi verið brotið á Vilhelm í teignum. Davíð Smári tryllist á bekknum og spyr á hvað sé verið að dæma.

Njarðvík í nauðvörn og henda sér fyrir allt, Bergvin Fannar fær fínt færi, skotið í varnarmann og þeir koma hættunni frá.

Áfram sækja Njarðvík og nú fær Fernandes skallafæri en skallinn hittir ekki markið.

Njarðvík fá aukaspyrnu á fínum stað úti vinstra megin en spyrnan frá Fernandes er slök og er yfir allan pakkan og fer aftur fyrir.

Nokkuð fjörugur hálfleikur að baki þrátt fyrir að það hafi aðeins eitt mark litið dagsins ljós. Barátta út um allan völl og eitthvað af færum og vonandi meira af því í þeim seinni.

Emil Nói með skot fyrir utan teig en það er hátt yfir markið.

Skalli út úr vörn ÍR dettur beint fyrir fætur Ágústs Unnars sem tekur hann á lofti og þrumar honum í átt að markinu en skotið er yfir.

Njarðvík spila vel á milli sín upp vinstri kantinn og á endanum fær Valdimar boltann í fætur rétt fyrir utan teiginn í kjör skotstöðu, lætur vaða en skotið er yfir markið.

Loksins kemur góður bolti fyrir markið úr horni, þegar Arnleifur stígur á stokk en Vilhelm með frábært úthlaup úr markinu og handsamar boltann.

Bragi Karl fær boltann í fætur upp hægri vænginn, þrumar honum fyrir markið en Sigurður Karl nær skallar aftur fyrir.

Lítið um gæði þessari síðustu mínútur. Báðum liðum virðist fyrirmunað að halda boltanum á jörðinni og löngu og háu boltarnir eru að virka illa fyrir bæði lið.

Rafael Victor á mikilli siglingu upp vinstri kantinn og vinnur horn.
Nú tekur Fernandes spyrnuna en aftur fer hún ofan á þaknetið.

Njarðvík fá aukaspyrnu á góðum stað sem Fernandes tekur beint á pönnuna á Rafael Victor en skallinn hans fram hjá.

Alexander tekur spyrnuna sme endar ofan á þaknetinu.

Klaufalegur varnarleikur hjá ÍR en Sigurður Karl skallar boltann í samherja og aftur fyrir markið, gefins horn fyrir gestina.

Hornspyrnan kemur í út-swing langt út í teiginn þar sem Sigurður Karl kemur honum að marki, ÍRingar næ annari snertingu á boltann áður en Óliver Andri kemur honum á markið en Guy er í litlum vandræðum með það.

Orri Bjarkason dansar með boltann inn í teig, reynir svo að koma honum fyrir en í varnarmann fer boltinn og aftur fyrir.

ÍR í góðri sókn sem endar á því að Bergvin Fannar sleppur einn í gegn, Arnar Helgi fylgir fast á hæla hans og Guy kemur vel út úr markinu sem nær honum úr nægilegu jafnvægi að skotið er fram hjá markinu.

Eftir smá skallatennis í teignum nær Rafael Victor að koma boltanum frá og Njarðvík sækja hratt en ÍR eru snöggir til baka og gestirnir ná ekki að nýta sóknina.

Góð sókn ÍR endar með fyrirgjöf frá Óliver Andra sem fer af varnarmanni og aftur fyrir, fyrsta horn leiksins er heimamanna.

Guy Smit fer í tæpt skógarhlaup út fyrir teiginn sinn en sleppur með skrekkinn og nær fyrstur til boltans

Aftur eru ÍR að sækja en í þetta skiptið fer skotið beint á Guy í markinu.

Guðjón Máni kominn í fína stöðu við teiginn hinum megin en skotið hans af varnarmanni og í fangið á Guy Smit

Bragi Karl strax kominn í færi á sínum gamla heimavelli, á skot úr d-boganum en það er fram hjá.

Við erum farin af stað í Breiðholtinu.

Haukur Andri Haraldsson, leikmaður ÍA, er spámaður umferðarinnar og hann hafði þetta að segja um þennan leik:

ÍR 0 - 2 Njarðvík
Þessi leikur verður einnig spilaður mikið af þessari leið eitt. Bæði lið eru á ágætu skriði en Njarðvík er með betra lið og hefur þennan. ÍR mun byrja leikinn betur og Davíð Smára líst ekkert á blikuna. Hann gírar sína menn rækilega í hálfleik og þeir koma út og skora strax eftir 10 sekúndur. Oumar Diouck pressar miðjuna sem ÍR á, stelur boltanum, kemst í gegn og klobbar markmanninn. Stefán Gísli skorar svo eftir misheppnaða fyrirgjöf og Ómar Björn missir sig og hleypur inn á völlinn til að fagna með litla bróður sínum.

Jóhann Birnir gerir þrjár breytingar á sínu liði frá tapinu gegn Vestra í síðustu umferð. Inn koma þeir Kristján Atli Marteinsson, Guðjón Máni Magnússon og Óliver Andri Einarsson. Þeir koma inn fyrir þá André Abedm, Stefán Þór Pálsson og Víði Freyr Ívarsson

Davíð Smári gerir tvær breytingur á sínu liði frá sigrinum gegn Gróttu en Oumar Diouck og Aron Einarsson fá sér sæti á bekknum og inn fyrir þá koma þeir Leandro Fernandes og Rafael Victor.

Gunnar Oddur Hafliðason er á flautunni í leik dagsinsn og með honum eru Óliver Thanh Tung Vú og Jón Reynir Reynisson með sitthvort flaggið.

Njarðvíkingar eru heitasta liðið í deildinni um þessar mundir og hafa unnið síðustu fjóra leiki. Þeir heimsóttu Gróttu í síðustu umferð í leik sem þeir unnu 1-4. Eins og er sitja þeir í 4. sæti þremur stigum frá Aftureldingu á toppnum sem eiga þó leik til góða. Davíð Smári kann svo sannarlega að láta sín lið toppa á réttum tíma og verður áhugavert að sjá lokasprettinn hjá þeim.

ÍR hafa verið á ágætis róli undanfarin en þurftu þó að sætta sig við tap í síðustu umferð. Þeir heimsóttu Vestra á Ísafjörð í síðasta leik sem endaði 1-0 fyrir heimamönnum. ÍR eru með tvo sigra, tvö töp og eitt jafntefli í síðustu fimm leikjum og sitja í 10. sæti, tveimur stigum frá fallsæti.

Verið velkomin í þessa þráðbeinu textalýsingu frá leik ÍR og Njarðvíkur í Lengjudeild karla.