ÞRÓTTARAR ERU KOMNIR Í ÚRSLITALEIKINN. Ég þakka fyrir mig, viðtöl og skýrsla væntanleg.

Diouck keyrir í Þórhall og aukaspyrna dæmd. Þetta er að stefna í eitthvað rugl.

Diouck fær boltann við vítapunktinn, hann tekur skotið en það fer í stöngina. Boltinn berst til Valdimars sem skýtur framhjá.

Alexander Helgi tekur skotið en það er beint á Þórhall og hann ver í horn. Boltinn kemur inn á teiginn en Þróttarar skalla í aðra hornspyrnu. Boltinn kemur inn á teiginn en Þórhallur kýlir frá.

Diouck gerir vel og vinnur aukaspyrnu á stórhættulegum stað.

Boltinn kemur inn á teiginn úr aukaspyrnunni en Þórhallur kýlir frá og aukaspyrna dæmd í kjölfarið.

Diouck reynir skot fyrir utan teig en Þórhallur ver þægilega.

Sigurður Egill rennir boltanum fyrir markið en Guy Smit handsamar hann.

Löng sókn Njarðvíkur endar með því að Hrafn er í afbragðs færi við vítapunktinn en hann skýtur í varnarmann. Þá berst boltinn til Freysteins en hann lætur verja frá sér, hann nær síðan öðru skoti sem fer í varnarmann.

Njarðvík fá aftur horn. Boltinn kemur inn á teiginn en þar er skallað frá.

Valdimar gerir vel og vinnur horn. Ekkert verður úr horninu en Njarðvík halda í boltann.

Sigurður Egill með hættulega fyrirgjöf frá vinstri en Njarðvík skalla frá.

Þróttur fá horn. Boltinn kemur inn á teiginn en það er skallað frá.

Þróttur eiga aukaspyrnu á fínum stað. Boltinn kemur inn á teiginn en það er skallað frá.

Njarðvík fá aukaspyrnu á ágætis stað.

Nú er það Eiríkur sem er dæmdur rangstæður.

Aron Snær er að sleppa í gegn en rangstaða dæmd.

Njarðvík eiga aukaspyrnu á fínum stað en eins og áðan flýgur boltinn yfir allan pakkann og í markspyrnu.

Bragi Karl liggur eftir og fær aðhlynningu.

Njarðvík fá horn en ekkert verður úr því.

Aron Snær er með boltann úti hægra megin og hann þræðir Örn Braga í gegn. Guy Smit rýkur út úr markinu en Örn er á undan og Guy tekur hann niður.

Viktor Nó með fína fyrirgjöf frá vinstri sem Oumar Diouck kemst næstum því í.

Örn Bragi með góða fyrirgjöf frá vinstri sem ratar á Eirík en skot hans fer framhjá markinu.

Viktor Nói vinnur aukaspyrnu á ágætis stað. Boltinn flýgur yfir allan pakkann og í markspyrnu.

Þróttur leiðir sanngjarnt í fyrri hálfleik. Njarðvíkingar hafa átt erfitt með að ráða við Sigurð Egil og Aron Snæ. Annars hafa Njarðvík ekki skapað sér alvöru færi hingað til.

Sigurður Egill aftur í góðri stöðu. Hann fær boltann úti vinstra megin og rennur boltanum fyrir markið en það er hreinsað frá.

Að minnsta kosti tvær mínútur í uppbót.

Þróttarar færa boltann frá hægri til vinstri. Sigurður Egill reynir skot sem fer í varnarmann.

Sigurður Egill er við það að komast í góða stöðu en Björn Aron bjargar í horn. Ekkert verður úr hornspyrnunni.

Bragi Karl kemst upp að endamörkum hægra megin og kemur með hættulega fyrirgjöf sem Þórhallur kemst ekki í. Leandro Fernandes er við það að hleypa af en Þróttur bægja hættunni frá.

Þróttarar hafa verið miklu betri þessar fyrstu 35. Þeir eru að gera sig líklega til að bæta við.

Aron Snær sker boltann út í teiginn en misskilningur tveggja Þróttara og sóknin rennur út í sandinn.

Þróttur fá enn aðra hornspyrnuna.

Þróttarar aftur í sókn. Kári þræðir Brynjar í gegn. Hann kemur boltanum fyrir markið en sendingin afar slök.

Klaufaleg hreinsun Arnars Helga endar í hornspyrnu fyrir Þrótt. Boltinn kemur inn á teiginn og Aron Snær nær skoti í varnarmann og aftur fyrir. Önnur hornspyrna. Kári Kristjáns skýtur úr horninu og boltinn fer í slána og út í teiginn. Í kjölfarið fær Stefán Þórður dýrindis skallafæri en Guy Smit sér við honum.

Aron Snær vinnur horn fyrir Þrótt. Þetta er þriðja hornspyrnan þeirra. Boltinn kemur inn á teiginn og Tryggvi Snær nær að skalla boltann út í teiginn, en þar er Leandro Fernandes sem hreinsar frá.

Njörður liggur eftir og þarf aðhlynningu.

Þróttarar fá horn. Boltinn kemur inn á teiginn en það er hreinsað frá.

Fyrsta hornspyrna leiksins er komin. Kári Kristjáns og Sigurður Egill taka hana stutt. Kári endar á því að taka skot sem Guy ver.

Lítið að gerast um þessar mundir. Bæði lið skiptast á að halda í boltann.

Aftur er flaggað á Þróttara og þeir aftur ósammála. Í þetta skiptið er það Örn Bragi sem er dæmdur rangstæður.

Aron Snær hefur byrjað þennan leik af miklum krafti. Hann fær boltann í gegn en flaggið fer á loft við litla hrifningu Þróttara.

Löng sókn Njarðvíkur endar með því að Bragi Karl kemst upp að endamörkum en fyrirgjöfin fer aftur fyrir og markspyrna niðurstaðan.

Aron Snær gerir virkilega, nær góðum snúningi og kemur boltanum á Sigurð Egil. Hann kemur með fyrirgjöf frá vinstri sem enginn kemst í.

Þetta er komið í gang!

Venni gerir engar breytingar en Davíð gerir tvær.

Hægt er að sjá nokkur hugguleg mörk úr fyrri leikjunum hér fyrir neðan.

Sigurvin Ólafsson, þjálfari Þróttar, var virkilega sáttur eftir leik. Það var rætt um stressandi lokamínútur og seinni leikinn.

David Smári, þjálfari Njarðvíkur, var skiljanlega ósáttur eftir leik. Í viðtalinu var til dæmis rætt um atvikið í byrjun leiks og um seinni leikinn.

Hægt er að sjá viðtal hér fyrir neðan við Aron Snæ, sem lagði upp á Sigurð Egil, í fyrri leiknum. Einnig var talað um seinni leikinn og framhaldið í viðtalinu.

Á 3. mínútu í fyrri leik Njarðvíkur og Þróttar í kom upp stórt atvik þegar Þórhallur Ísak Guðmundsson, markvörður Þróttar, gerðist brotlegur gegn Oumar Diouck sem var að sleppa í gegn. Hægt er að lesa nánar um atvikið og sjá það hér fyrir neðan.

Fyrri leikur liðanna var spilaður á JBÓ vellinum þann 9. september. Það var hart barist og Þróttarar fóru með sigur af hólmi eftir mark frá Sigurði Agli. Aron Snær, sem hefur verið funheitur undanfarið, fékk boltann við vítateiginn og sendi baneitraðan bolta á Sigurð Egil sem stýrði boltanum í netið. Ekki voru mörkin fleiri í fyrri leiknum en vonandi fáum við helling af mörkum í dag!

Elías Ingi Árnason er með flautuna. Honum til halds og trausts eru Arnþór Helgi Gíslason og Kári Mímisson.

Brynjar Þór Elvarsson er fjórði dómari og Þórður Ingi Guðjónsson eftirlitsmaður.

Heil og sæl lesendur góðir og verið velkomin í beina textalýsingu frá Pepsi vellinum í Laugardal. Í dag eigast Þróttur og Njarðvík við í seinni leik liðanna í umspilinu. Leikurinn hefst á slaginu 16:15.