Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögnum skilaði 24393 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Landsliðskonan Guðrún Arnardóttir hefur ákveðið að yfirgefa sænska félagið Rosengård. Samningur hennar rann út á dögunum en Rosengård staðfestir í dag að hún sé farin frá félaginu. Guðrún átti frábæran tíma hjá Rosengård en hún lék fyrir félagið í fjögur tímabil og spilaði þar meira en 150 leiki.
ÍA hefur selt Oliver Stefánsson til pólska félagsins GKS Tychy í Póllandi. Þetta kemur fram á samfélagsmiðlum ÍA. GKS Tychy spilar í næst efstu deild Póllands og er félagið búið að krækja í varnarmanninn sem er 22 ára. Oliver átti innan við hálft ár eftir af samningi sínum við ÍA. Hann er uppalinn Skagamaður sem fór ungur út til Svíþjóðar og var hjá Norrköping á árunum 2019-2023. Hann lék á láni með ÍA tímabilið 2022, samdi svo við Breiðablik fyrir 2023 og sneri svo aftur heim á Akranes fyrir síðasta tímabil og hefur verið í lykilhlutverki í liði Skagamanna.
Birnir Snær Ingason er genginn í raðir KA. Hann kemur á samningi út þetta tímabil, kemur frá sænska félaginu Halmstad. KA birti myndband á <i>X</I> reikningi sínum klukkan 09:00 í dag, en þeirri færslu var svo eytt. Ný færsla birtist 09:16. Birnir hefur einungis komið við sögu í fimm leikjum á þessu tímabili og spilaði síðast 10. maí með Halmstad. Hann er 28 ára skapandi sóknarmaður sem var valinn besti leikmaður Íslandsmótsins tímabilið 2023 þegar hann lék með Víkingi. Á Íslandi hefur Birnir leikið með uppeldisfélaginu Fjölni, Val, HK og Víkingi. Hjá KA hittir hann fyrir Hans Viktor Guðmundsson en þeir léku saman hjá Fjölni. Næsti leikur KA, sem er í harðrir fallbaráttu, er gegn ÍA á Greifavellinum á morgun. Í kjölfarið spila svo bikarmeistararnir í 2. umferð forkeppninnar í Sambandsdeildinni, mætir þar danska liðinu Silkeborg.
Íslandsmeistarar Breiðabliks eru búnir að styrkja sig með markverði úr bandaríska háskólaboltanum sem mun verja mark Blika á seinni hluta tímabilsins.
Thelma Lóa Hermannsdóttir er komin heim til Íslands þar sem hún mun spila með FH í Bestu deild kvenna á seinni hluta sumars.
Víðir Garði er í slæmri stöðu á botni 2. deildar karla og er búinn að styrkja sig með tveimur nýjum leikmönnum á opnunardegi íslenska félagaskiptagluggans.
Spænska stórveldið Atlético Madrid heldur áfram að bæta leikmönnum við sig í sumar og er Thiago Almada kominn til Madrídar.
Þýska félagið RB Leipzig hefur verið í sókn í sumarglugganum og kynnti tvo nýja leikmenn til leiks á síðustu dögum. Annar þeirra er kantmaðurinn Johan Bakayoko sem var afar eftirsóttur og kemur úr röðum Hollandsmeistara PSV Eindhoven og hinn er Kosta Nedeljkovic sem kemur aftur á láni frá Aston Villa.
Enska stórveldið Manchester City er búið að ganga frá kaupum á norska miðjumanninum Sverre Nypan.
Dabjartur Búi Davíðsson er genginn í raðir Þórs á láni frá grönnunum í KA. Hann er fæddur árið 2006 og lék sína fyrstu leiki með KA á síðasta tímabili þegar hann lék fjóra leiki með liðinu í Bestu deildinni eftir skiptingu. Á þessu tímabili hefur hann einungis komið við sögu í einum deildarleik og einum bikarleik með KA.
Noa Lang er formlega orðinn leikmaður Napoli en hann hefur verið keyptur frá PSV Eindhoven. Hollenski landsliðsmaðurinn gekkst undir læknisskoðun á þriðjudag. Hann stóðs þá skoðun með miklum sóma og hefur skrifað undir fimm ára samning við Ítalíumeistarana.
Jón Páll Pálmason hefur verið ráðinn aðstoðarþjálfari Einars Guðnasonar hjá meistaraflokki kvenna hjá Víkingi. Jón er uppalinn í FH og steig sín fyrstu skref í þjálfun hjá yngri flokkum félagsins. Einnig hefur hann þjálfað kvennalið Fylkis, karlalið Víkings Ó og Hattar. Í Noregi þjálfaði hann liðið Klepp IL í efstu deild kvenna og eftir þriggja ára dvöl þar færði hann sig til karlaliðs Stord. Jón hefur einnig starfað í akademíu hjá Total Football Club í Texas.
Miðjumaðurinn Hrafn Tómasson hefur verið lánaður frá KR til Reykjavíkur Þróttara. Hrafn er kominn með leikheimild fyrir leik Þróttar og Leiknis í 13. umferð Lengjudeildarinnar, en sá leikur fer fram annað kvöld á Domusnovavellinum í Breiðholti.
FHL hefur svo sannarlega ekki lagt árar í bát í baráttunni um að halda sæti sínu í Bestu deild kvenna þrátt fyrir að vera án stiga tíu leiki. FHL var núna að bæta við sig þriðja erlenda leikmanninum í sumarglugganum. FHL hefur samið við Candela Gonzalez. Candela er 22 ára spænskur miðjumaður.
Olivia Smith frá Kanada er dýrasti leikmaður í sögu kvennaboltans eftir að hafa gengið í raðir Arsenal frá Liverpool fyrir eina milljón punda, eða um 165 milljónir íslenskra króna. Þessi tvítugi leikmaður hefur skrifað undir fjögurra ára samning við Arsenal en liðið vann Meistaradeild kvenna. Smith, sem hóf atvinnuferil sinn árið 2023, hefur heillað marga með hæfileikum sínum. Hún skoraði sjö mörk í tuttugu leikjum fyrir Liverpool á síðustu leiktíð og var mikilvægur hluti af sóknarleik liðsins. Þetta er mikilvæg styrking fyrir Arsenal, sem hafði sett sér markmið um að bæta hópinn eftir sigur í Meistaradeildinni. <i>„Það er forréttindi og heiður að skrifa undir hjá Arsenal,"</i> segir Smith. Smith, sem hefur spilað fyrir Kanada frá fimmtán ára aldri, hefur sýnt einstaka hæfileika bæði með landsliði og á félagsliðsferli sínum, meðal annars með hraða og tækni sem nýtist í fjölbreyttum hlutverkum á vellinum. Arsenal telur að þessi unga stjarna muni festa sig í sessi sem einn af helstu leikmönnum liðsins í framtíðinni.
Dani Benéitez, leikmaður Víðis, hefur tekið við þjálfun liðsins út tímabilið ásamt Sölmundi Inga Einvarðssyni.
Belgíski vængmaðurinn Johan Bakayoko er kominn til Leipzig frá PSV Eindhoven fyrir 22 milljónir evra.
HK hefur sótt hollenska framherjann Bart Kooistra frá Harkemase Boys í heimalandinu.
Arnar Grétarsson er tekinn við Lengjudeildarliði Fylkis en hann gerir samning út leiktíðina. Þetta kemur fram í tilkynningu frá Fylkismönnum í kvöld.
Eyjamaðurinn Eyþór Daði Kjartansson hefur fengið félagaskipti í KV frá KFS. Þetta kemur fram á samfélagsmiðlum KV í dag.