ÍA hefur selt Oliver Stefánsson til pólska félagsins GKS Tychy í Póllandi. Þetta kemur fram á samfélagsmiðlum ÍA.
GKS Tychy spilar í næst efstu deild Póllands og er félagið búið að krækja í varnarmanninn sem er 22 ára. Oliver átti innan við hálft ár eftir af samningi sínum við ÍA.
Hann er uppalinn Skagamaður sem fór ungur út til Svíþjóðar og var hjá Norrköping á árunum 2019-2023. Hann lék á láni með ÍA tímabilið 2022, samdi svo við Breiðablik fyrir 2023 og sneri svo aftur heim á Akranes fyrir síðasta tímabil og hefur verið í lykilhlutverki í liði Skagamanna.
GKS Tychy spilar í næst efstu deild Póllands og er félagið búið að krækja í varnarmanninn sem er 22 ára. Oliver átti innan við hálft ár eftir af samningi sínum við ÍA.
Hann er uppalinn Skagamaður sem fór ungur út til Svíþjóðar og var hjá Norrköping á árunum 2019-2023. Hann lék á láni með ÍA tímabilið 2022, samdi svo við Breiðablik fyrir 2023 og sneri svo aftur heim á Akranes fyrir síðasta tímabil og hefur verið í lykilhlutverki í liði Skagamanna.
„Síðasti leikur Olivers í bili fyrir ÍA var 1-0 sigur á KR síðustu helgi – glæsilegur lokaleikur áður en hann heldur nú utan í nýtt ævintýri. Við þökkum Oliver kærlega fyrir framlagið til uppeldisfélagsins og óskum honum alls hins besta í Póllandi," segir í tilkynningu ÍA.
Tychy endaði í 7. sæti B-deildarinnar á síðasta tímabili, rétt missti af umspilssæti. Nýtt tímabil hefst á morgun þegar Legnica kemur í heimsókn á Tychy Municipal Stadium sem tekur rúmlega 15 þúsund manns í sæti.
Oliver Stefánsson til GKS Tychy
— ÍA Akranes FC (@Skagamenn) July 18, 2025
Knattspyrnufélagið ÍA hefur selt Oliver Stefánsson til pólska liðsins GKS Tychy sem leikur í næst efstu deild í Póllandi. Oliver er uppalinn Skagamaður og snéri aftur heim á Akranes fyrir síðasta tímabil og hefur staðið sig gríðarlega vel í gula… pic.twitter.com/CgnbPPfqxz
Athugasemdir
