Sterkasta lið 7. umferðar - Stillt upp í 5-2-3

Stjarnan og Breiðablik eiga flesta fulltrúa í liðinu eftir flotta sigra í umferðinni.



Katrín Ásbjörnsdóttir var valin maður leiksins í sigri Stjörnunnar gegn Þrótti og þar voru Anna María Baldursdóttir og Málfríður Erna Sigurðardóttir mjög góðar varnarlega.

Kristján Guðmundsson er þjálfari úrvalsliðsins í kjölfarið á þessum glæsilega sigri gegn Þrótti.

Breiðablik vann 6-1 sigur gegn Aftureldingu þar sem Birta Georgsdóttir átti sannkallaðan stórleik. Áslaug Munda Gunnlaugsdóttir og Natasha Moraa Anasi voru einnig mjög öflugar.

Tiffany McCarty og Sandra María Jessen voru bestar í sigri Þórs/KA gegn Keflavík og á Selfossi voru Miranda Nild og Sif Atladóttir mjög góðar í sigri gegn KR.

Þá var Guðný Geirsdóttir frábær í markinu hjá ÍBv í jafntefli gegn toppliði Vals.

Það eru þrjár í þessu liði sem eru í þriðja sinn í liði umferðarinnar í sumar.

Það er spilað hratt í mótinu þessa stundina. Áttunda umferðin hefst í kvöld og klárast á morgun.

mánudagur 6. júní
14:00 Stjarnan-Þór/KA (Samsungvöllurinn)

þriðjudagur 7. júní
18:00 ÍBV-Keflavík (Hásteinsvöllur)
19:15 KR-Þróttur R. (Meistaravellir)
19:15 Breiðablik-Selfoss (Kópavogsvöllur)
20:15 Valur-Afturelding (Origo völlurinn)

Sjá einnig:
Sterkasta lið 1. umferðar
Sterkasta lið 2. umferðar
Sterkasta lið 3. umferðar
Sterkasta lið 4. umferðar
Sterkasta lið 5. umferðar
Sterkasta lið 6. umferðar