Lúlli: Fáum að sjá öðruvísi grískt lið

Ísland gerði 1-1 jafntefli í fyrri leiknum gegn Grikklandi á heimavelli þrátt fyrir að hafa verið sterkari aðilinn í leik sem fór fram við erfiðar veðuraðstæður.

„Staðan á hópnum er góð, allir eru ferskir og klárir í slaginn. Ég held að þessi leikur muni gefa betri mynd af því hvernig við undirbjuggum okkur fyrir þann leik (á Íslandi), af því að eins og þú segir voru mjög sérstakar aðstæður í þeim leik," segir Lúlli.

„Ég held að við fáum að sjá öðruvísi grískt lið heldur en í fyrri leiknum. Þeir eru náttúrulega á heimavelli, með fólkið sitt á bak við sig, og ég held að þetta verði bara stál í stál. Við erum vel undirbúnir og vitum hvað við erum að fara að eiga við. Þetta verður spennandi leikur."

Grikkland tekur á móti Íslandi á morgun klukkan 17:00.