Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   lau 15. desember 2018 12:25
Magnús Már Einarsson
Steindi Jr. spáir í leiki helgarinnar á Englandi
England er eitt af löndunum sem Steindi fjallar um í bókinni sinni.  Þar fer hann að sjálfsögðu á leik á St' James Park með sínum mönnum í Newcastle.
England er eitt af löndunum sem Steindi fjallar um í bókinni sinni. Þar fer hann að sjálfsögðu á leik á St' James Park með sínum mönnum í Newcastle.
Mynd: Sögur
Rondon skorar þrennu samkvæmt spá Steinda.
Rondon skorar þrennu samkvæmt spá Steinda.
Mynd: Getty Images
Bókin Steindi í orlofi er komin á topplista fyrir söluhæstu tiltla landsins.
Bókin Steindi í orlofi er komin á topplista fyrir söluhæstu tiltla landsins.
Mynd: Sögur
Jói Berg verður heima í Fortnite samkvæmt spá Steinda.
Jói Berg verður heima í Fortnite samkvæmt spá Steinda.
Mynd: Getty Images
Steindi er svipað stirður og Glenn Murray sem slítur hásin um helgina.
Steindi er svipað stirður og Glenn Murray sem slítur hásin um helgina.
Mynd: Sögur
Liverpool vinnur Manchester United samkvæmt spá Steinda.
Liverpool vinnur Manchester United samkvæmt spá Steinda.
Mynd: Getty Images
Gaupi var með sex rétta þegar hann spáði í leikina í ensku úrvalsdeildinni um síðustu helgi.

Steindi Jr. gat á dögunum út bókina Steindi í orlofi en þar fer hann meðal annars til Englands á fótboltaleik. Steindi spáir í enska boltann um helgina.



Manchester City 3 - 1 Everton (12:30 á morgun)
Eftir að Gylfi varð svona mikill fuglaáhugamaður þá hefur óneitanlega mikið púður farið í það hobbí hjá honum. Ef það er eitthvað að marka Instagram reikninginn hans er hann nýbúinn að vera að skoða Spánar Finkur á Kanaríeyjum og það hræðir mig. Hann kemur þreyttur til leiks og City vinnur 3-1.

Crystal Palace 1 - 0 Leicester (15:00 á morgun)
Ég hef alltaf verið mikill Palace maður. Ef þeir eru ekki að spila á móti Newcastle þá held ég með Palace. Þeir eru búnir að vera í smá lægð eins og þeir séu að safna orku. Þeir gera þetta oft fyrri hluta tímabils og koma svo sterkir inn. Það hjálpar ekki Leicester að Jamie Vardy er að kremja Red Bull dósir áður en hann labbar inn á völlinn. Það er einn maður á jarðríki sem kemst upp með að drekka svona mikið af Red Bull og það er Ívar Guðmundsson á Bygjunni. Ég hef persónulega setið með honum og restinni af Bylgjumönnum á flöskuborði niðri í bæ til lokunar og síðan hef ég séð ljósmyndir af honum þar sem hann er ferskur upp á Esju þremur tímum seinna.

Huddersfield 0 - 5 Newcastle (15:00 á morgun)
Hvaða prumpu lið er Huddersfield? Ég hef aldrei heyrt um þetta lið. Það eru engar líkur á að mínir menn séu að fara að tapa. Alan Shearer var ekki bara leikmaður og goðsögn hjá Newcastle á sínum tíma heldur stillti hann upp liðinu fyrir komandi ár. Hann er The puppet master. Salomon Rondon er að koma sterkur inn þessa dagana og minnir á Andy Cole þegar hann var upp á sitt besta. Ég ætla að vera kaldur og Rondon, minn maður frá Venesúela, skorar þrennu í 5-0 útisigri. Go home in a body bag!

Tottenham 2 - 0 Burnley (15:00 á morgun)
Jói Berg er tæpur á meiðslum og ég ætla að skjóta á að hann sitji hjá og þurrki rykið af Playstation pinnanum. Það eru ekki allir sem vita að Jói er fellow gamer. Hann verður heima hjá sér með saltpillur fyrir 700 kall og að ná Victory Royale í Fortnite á meðan Tottenham burstar Burnley.

Watford 0 - 1 Cardiff (15:00 á morgun)
Aron Einar er nýbúinn að skora fallegasta mark tímabilsins og er búinn að sýna og sanna að hann getur klárað leiki einn síns liðs. Það má heldur ekki gleyma því að Aron er metsöluhöfundur eins og ég sjálfur og félagi í Rithöfundasambandinu. Þetta verður einn erfiðasti leikur Arons hingað til en hann fer 1-0 og Aron skorar sigurmarkið á síðustu mínútu.

Wolves 2 - 1 Bournemouth (15:00 á morgun)
Þessi leikur var léttastur á seðlinum. Úlfarnir hafa verið með blóðbragð á tönnunum undanfarið og þeim tókst meira segja að klára mína menn í Newcastle um síðustu helgi. Þeim verður seint fyrirgefið það. Ég veit að margir knattspyrnuáhugamenn telja mig klikkaðan þegar ég segi þetta en þetta verður léttur leikur fyrir Úlfana því næsta bráð þeirra er Bournemouth. Varnarmaðurinn Matt Doherty skorar annan leikinn í röð og vöðvabúntið Adama Traore sem á heimsmetið í 100 metri spretti inn á fótboltavelli kemur sterkur inn og skorar líka. Mér hefur alltaf fundist skrýtið að hann sé knattspyrnumaður en ekki UFC bardagamaður.

Fulham 0 - 3 West Ham (17:30 á morgun)
Þetta er grannaslagur í London og ég elska það. Það er gaman að því allar helstu fyllibyttur London skríða fram úr og mæta á leik. Ég spái miklum látum og jafnvel múgæsing. Leikurinn snýst meira um stuðningsmenn heldur en leikinn sjálfan. Ég ætla að spá slagsmálum og veseni. Fulham er því miður með mjög lélegt lið í ár og ég held að það þurfi mikið til að þeir komi til baka. Þeim tekst það ekki í þessum leik.

Brighton 0 - 4 Chelsea (13:30 á sunnudag)
Eins mikið og ég elska borgina Brighton, einn af mínum uppáhalds ferðastöðum, þá verð ég að gefa Chelsea þennan leik. Þeir munu rúlla yfir þá. Hjartað slær alltaf smá með Chelsea eftir að Eiður Smári spilaði þar og ég held með þeim í þessum leik. Ég ætla spá því að þetta verði ekki strangheiðarlegur fótboltaleikur. Ég held að mörg spjöld fari á loft, skriðtæklingar og jafnvel alvarleg meiðsli. Glenn Murray er kominn aldur, ég held að hann sé nálgast fimmtugt, og þetta verður því miður leikurinn sem klárar ferilinn hans. Hann hitar illa upp og tekst að slíta hásin. Ég vil óska honum til hamingju með glæstan feril og óska honum alls hins besta í framtíðinni. Ég reikna ekki með neinu öðru en að hitta hann á pöbbnum í Brighton næst þegar ég mæti þangað.

Southampton 0 - 2 Arsenal (13:30 á sunnudag)
Arsenal er búið að eiga helvíti fínan vetur. Það er jafn langt síðan þeir töpuðu leik og síðan ég tapaði leik í Fortnite. Arsenal á kannski ekki stærsta stuðninsgmannahópinn en þeir eiga hörðustu stuðningsmennina. Frændi minn er grjótharður Arsenal maður og ég hef séð hann míga í bjórflösku af því að hann mátti ekki missa mínútu úr leik hjá Arsenal. Það passion smitast inn á völlinn til leikmanna og það svínvirkar.

Liverpool 3 - 2 Man Utd (16:00 á sunnudag)
Síðustu tveir leikir þessara liða á Anfield fóru 0-0 og voru ógeðslega leiðinlegir. Það er allt undir núna, sérstaklega hjá Man Utd mönnum. Fyrir mér er þetta fyrst og fremst leikur á mllli Auðuns Blöndal og Simma Vill. Liverpool og Simmi Vill taka þetta. Það eru gleðifréttir fyrir Simma enda verður hann atvinnulaus í næsta mánuði. Ef þið viljið sjá fullorðinn mann gráta út af fótboltaleik þá skulið þið vera á sama pöbb og Auðunn Blöndal verður á sunnudaginn. Ég hef orðið vitni að því áður og það er mjög ógnvekjandi.

Fyrri spámenn:
Auðunn Blöndal (8 réttir)
Baldur Sigurðsson (7 réttir)
Gaupi (6 réttir)
Kjartan Atli Kjartansson (6 réttir)
Rikki G (6 réttir)
Rúnar Alex Rúnarsson (6 réttir)
Sóli Hólm (6 réttir)
Jón Dagur Þorsteinsson (5 réttir)
Logi Ólafsson (5 réttir)
Logi Bergmann Eiðsson (5 réttir)
Jón Þór Hauksson (4 réttir)
Sam Hewson (4 réttir)
Siggi Hall (4 réttir)
Berglind Björg Þorvaldsdóttir (3 réttir)
Atli Fannar Bjarkason (2 réttir)
Teitur Örlygsson (2 réttir)
Stöðutaflan England Premier league - karlar
  L U J T ms: mf: mun Stig
1 Arsenal 28 20 4 4 70 24 +46 64
2 Liverpool 28 19 7 2 65 26 +39 64
3 Man City 28 19 6 3 63 28 +35 63
4 Aston Villa 29 17 5 7 60 42 +18 56
5 Tottenham 28 16 5 7 59 42 +17 53
6 Man Utd 28 15 2 11 39 39 0 47
7 West Ham 29 12 8 9 46 50 -4 44
8 Brighton 28 11 9 8 50 44 +6 42
9 Wolves 28 12 5 11 42 44 -2 41
10 Newcastle 28 12 4 12 59 48 +11 40
11 Chelsea 27 11 6 10 47 45 +2 39
12 Fulham 29 11 5 13 43 44 -1 38
13 Bournemouth 28 9 8 11 41 52 -11 35
14 Crystal Palace 28 7 8 13 33 48 -15 29
15 Brentford 29 7 5 17 41 54 -13 26
16 Everton 28 8 7 13 29 39 -10 25
17 Nott. Forest 29 6 7 16 35 51 -16 25
18 Luton 29 5 7 17 42 60 -18 22
19 Burnley 29 4 5 20 29 63 -34 17
20 Sheffield Utd 28 3 5 20 24 74 -50 14
Athugasemdir
banner
banner
banner